الى كل بنات قطر

الله يسامحكم 25وحده دخلت ةلا وحده فكرة تكتب كلمه بعد هذي اول مره ادخل منتداكم انا زعلانه شكلي بطلع ولا حد عطاني وجه

قطراوية شوفي يا عمري انا اعرف خياط هندي يمكن شكلها ما يعجبتج بس والله خياطتها وايد حلوة انا واهلي وايد نخيط عنده

اسمه زاوية الفتاة بسوق العسيري وان شا الله يوفجج
قبل لا انسى الخياط اسمه خليل اذا ماني غلطانة هندي وبمحله خياطين ثانيين هنود بعد شيبكونون

يا رب اكون افدتش يا عمري انا بعد اخوي عرسه قريب وناوية اخيط انا وخواتي عنده ان شا الله

اما المكياج ما اعرف ذوقي يختلف عن ذوقتج والله يوفجج

السلام عليكم :27: ..

شخبارج اختي قطراوية..

حبيت افيدج بخيايط الدوحة عندج الفولك الحديث في الريان
اكيد سمعتي عنة اسم المصمم ابراهيم
حلو شغلة امني قطعتج عندة وانا اضمن لج...

وعندج مها الجزيرة في السد مجابل الغيداء بعد شغلهم حلو
وعندهم سودانية اهي الي تتعاملين معاها اسمها صباح بس
الي مو حلو فيهم انهم ماعندهم مصمم جيبي التصميم ويضبطونة لج ...

اما عن المكياج الدوحة متروسة منهم كل يوم تطلع لنا
وحدة عندج سعاد البحرينية ماعليها كلام وعندج دينا
وامينة الجاسم بعد حلو شغلها وعندج فادية وايد حلو..

وعن الشعر انا ماعندي خبرة وايد فيهم الي اعرف انة شغلها حلو
وحدة بلغارية اسمها مرسيدس وبعد وحدة اسمها لبنة..

وبس واسمحي لي على القصور..
واذا تبين شي بعد انا تحت امرج..

اختج نجمة قطر85

هلا حبيبتي:
شوفي الفستان انصحج تروحين عند اوركيد في شارع الخليج المصمم اسمه (سايو) فلبيني
الفستان يضبطه من اول مره واسعاره حلوه ومعقوله وعندج مدام سلوى في شارع المنتزه واستنزا في السد بس اوركيد احسن واحد تعاملت معاه لحد الحين
وعن المكياج عندج لينا وعبير هذوول معروفين بس مكياجهم ما يتغير شكل واحد يطبقونه عالكل انا احب اتمكيج عند ليلي او بثينه ...ليلي في التسريحات خياااال شغلها ناااااعم وراقي وبثينه على حسب اللي تطليبينه قوليلها تحط لج ناعم تبدع بس اذا قلتيلها مكياج صارخ بتقعدين تصارخين يوم تشوفين ويهج بس هي فنانه ماشالله عليها
والشنطه خلي المصمم يسويها لج احسن
اذا بغيتي اي شي راسليني عالخاص حبيبتي وانا حاظره

هلا حبيبتي،،
الفستان عندج خياط ربشه في المنتزه<<< ترا الخياط اسمه ربشه
والمكياج ماشاء الله كثروا عندنا البنات،،، عندج شريفه المهندي واختها نجله المهندي
وعبير تلفت، وفجر الجابر، وامل أمان،و اشواق مادري شوق شي جذيه اسمها