الحمدالله ..
مساءكم الله بوجهي، وبكل شيء خير وجميل ونحيف وبوه لياقة ..
لي بها الموقع زمان، بس متابعة، والظاهر ذا أول مشاركة، الوكاد أنكم يالحريم ماعندكم ماعند جدتي ..
والله حتى جدتي عندها هع !
مليون الف موضوع عن الرجيم والرياضة وتجيكم وحده تكتب تجربتها، وتردون تقولون يابنات من جرب بعد ..
يعني ابي افهم، الي كتبت الموضوع مسوقة للرجيم وإلا ريبورت امرأة موب من البشر ..
لعنبوا دراكم تجيكم وحده متعنيه وتبي تشارككم وأنتم يالله نبدأ بكره تكتبوها بمشاركة يعني إني هنا
أو يعني إني قريت الموضوع، ثمن تسحبوها سحبه، هذا اذا ماحضرتم يومين أو 3 بالكثير تكتبون يومياتكم لا وبعد مخربين ..
عيييب والله، ماتستحون من نفسكم يوم تبون تنحفون وكل يوم تضربونها بالخمس فيذا الكبسات والفطحات ..
المشكلة يمر الشهر والخمس والسنة وأنتم 2 كيلو مانقصتم، كل يوم بكره والله انكم مااااش
بالله الي كانت فقمة عفواً دبة ونحفت، ماقالت لنفسها اشلون كنت مستحملة نفسي ..
الا ودها تستفرغ ذا النفس ... المهم ولا اطول عليكم جيتكم اليوم بشارك معكم ..
طبعاً أنا واعوذ بالله من كلمة أنا كنت مربره وصرت رويانه وباصير رشيقة..
بمعنى كان وزني 75 وصار هالحين 63 ..
خلال شهر ونص أو شهرين وجبه وحده مع رياضة كرف بالنادي ساعتين كل 6 ايام بالاسبوع ..
احياناً اخليها 5 أو 4 ع حسب المزاج والنفسية والإلتزامات ..
الي يشوفني يقول نقصت اكثر، شد العضلات يبان بهيكل الجسم ولا يبان على الميزان الا بعد فتره ..
هالحين ودي انقص لين 50 او 45 يعني شهر من الآن اصير وصلت لهدفي ..
والرجيم الي بمشي عليه مع الرياضة أكيد > للكسالة :hahaha:
الرجيم لازم يتبع بحذافيره، واي تخريب مال ابو ام جد عمك داعي، وعمرك مابتنحفين يادبة > يقالها تشجع هع
وترى لذه الأكل في الفم بس، يعني لا دخل كرشتك مابه طعم ..
يعني ملحوق عليه .. !
الاسبوع الأول والثاني
فيك تاكلين من ذول بس ..
بيض مغلي
دجاج صدر مغلي ..
أو مشوي ..
أو جبن أي نوع من الجبن ..
من غير ملح، ولا فلفل، ولا بهارات ولا هم يحزنون ..
وممنوع الكوفي ممكن شاي بس من غير سكر لا تاخذين كف بزياده وزنك، بس ماي لين ماينفقع كرشتك .. !
الأسبوع الثالث والرابع ...
بيض مغلي أو دجاج مغلي أو مشوي وتقدرين تضيفين عليه طماطم و خيار
بين الوجبات في الأربع اسابيع مسموح تاكلين حبحب وخوخ بس من الفواكة
أقل شيء 12 الى 16 كيلو بينقص من وزنك، أنتِ واجتهادك ..
خربي وتبقين فقمة مدري بطريق هع ..
وأنا بس الي بصير فيكم غزال، وه فديتني < براااا
كل يوم جمعة بجي بقول لكم وش صار معي ...
ابتدأً من الجمعة الاسبوع المقبل موب ذا، وبجي اشيك كل كم يوم ...
يالله ياقمراات فتكم بعافية ..
الله يعطيك العافيه وههه ما احب الرجيمات تقيدك ويجيك فقر دم و120 عله
افضل النظام فى الاكل
الله يديم علينا الصحه والعافيه
حبيت ارد عليك عقب هالعطسه مليتينا سعابيل خخخخخخ