الى كل ربّات البيوت الرجاء المشاركة...((هام جداً وضروري))

عزيزتي ام الحارث
الله يخليلك الحارث ويصلحه
انا من ضمن الخ.............
ومثلك في امريكا وعندي بنيه ماخذه كل وقتي لكن بصراحه اجد وقت لللانترنت
اول ما يروح زوجي للجامعه ادخل المطبخ وسوي كل شئ للغداء وطبعا في امريكا ناكل وجبه وحده بس لانه مايرجع الا متاخر واطبخ كل شئ ابيه واذالا خلص الطبخ احطه في مواعين البايركس وادخلها الفرن ومتى مابغى زوجي يرجع افتح عليها الفرن قبل نصف ساعه ويكون حار وشحلوه وحتى السلطه اقصها واحطها بالثلاجه ووقت الاكل احط عليها الملح والليمون علشان ماتذبل واذا ابسوي حلاى ومالح كله اسويه مره وحده علشان ما اقعد اليوم كله بالمطبخ وبعدها انظف البيت كل اليوم علشان يصير علي التنظيف سهل يعني ما اخلي التنضيف مرتين بالاسبوع وياخذ مني وقت طويل لالالالا كل يوم امسح واكنس واجمع الزباله زرميها وبكذا يصير التنظيف كل يوم سهل وما ياخذ وقت وكل يومين اغسل الملابس والله يخلي غسالاتهم الي بس حطي الملابس والصابون وشغليها وطلعي الملابس وحطيها بالنشافه الحاره وتطلع ناشفه كانها مكويه وايضا غساله المواعين مريحه جداااااااا
طبعا كل هذا بتقولين وين البنت؟؟؟؟؟؟؟؟؟؟؟؟؟؟؟؟؟؟؟
بصراحه وانا اشتغل بالمطبخ اخليها تحوس معاي اعطيها مواعين كانها تطبخ معاي وتصدق روحها واشجعها واقولها ساعديني وتستانس من لاشئ واذا جيت ارتب دولاب الملابس اخليها تحوس معاي واذا مليت منها اطلع العابها بس انا بنتي ماتحب اللعب كثير
ومن الساعه 10 الصبح الى 6 عصرا وانا على هالحاله
اغدي بنتي واخليها تنام ساعه وبالساعه هذي اتفرغ للكمبيوتر وكله على عالم حواء وبعدين تقعد المحروسه من النوم ونرجع لنفس الموال

المهم اني اقعد ساعه على راحتي اتصفح واكتب وارد بصراحه هذي الساعه هي ساعه الراحه بالنسبه لي
اسفه للاطاله

هلا عيوني ام الحارث
بالنسبة لي فأنا توجد لدي خادمة
لذلك اجد الوقت الكافي للجلوس على النت
صح اذا كان زوجي موجود لايمكن استخدمه ابدا
الا اذا دخل ينام او خرج من
البيت او بعد صلاة الفجر اجلس عليه قليلا لارى
المواضيع المهمة واحضر الرد عليها
بس عندي طريقة ان شاء الله انها تنفع معاك
خلصي شغلك كله بالليل ونظفي البيت وشوفي
ايش بتسوي بكرة على الغذاء وقطعي الخضار
والدجاج واعملي الحلا وقطعي السلطة
ومن بكرة راح يكون عندك وقت فراغ كبير
للجلوس على النت
وان شاء الله يفيدوك بقية الاخوات

أخي أم الحارث ......أنا برضو من قائمة الخ.....

أحب أقولك من تجربتي .....أنا عندي بنت ( سنتين و نصف ) وولد ( سنة و ثلاث أشهر ) .......قبل ثلاث شهر كنت أحس أنه مستحيل يكون عندي وقت فراغ ....حتى الساعة إلي ينامون فيها .....كنت أستغلها للنوم و الراحة أو الأستحمام ......حتى أنه في فترة كنت أشعر أن وقت الفراغ شئ غريب عنى.....لكن بعد ما كمل ولدي السنة .....صار يمشي و صار يحب اللعب و ينسجم أكثر مع أختة فصرت ألقى وقت فراغ أكثر من أول ............
و بعدين التنظيم له دور كبير يعني مثلا حطي لك جدول للأعمال .....شئ أيومي ....و شئ أسبوعي .....شئ شهري .....و لازم تلتزمين بالجدول قدر الأمكان .......و تضعين الجدول في مكان واضح أمامك ....و تضعين علامة على كل عمل قمتي بإنجازة ...
بعد شئ الألات الحديثة سهلت كثير مثل غسالة الملابس الأوتوماتيك ....المجفف......غسالة الصحون .....المكوى الكبير ....يعني بأختصار أشتري وقتك .....
طبيعة عمل زوجك ........إذا كان من النوع الي دوامة صباحي فقط صعب تلقين وقت النت .....زوجي يعمل في دوام صباحي و مسائي ......بعد ما أنتهي من الغذاء و أغتسل و أغير ملابسي ....أشغل النت في أنتظاره و العيال يلعبون عندي و أول ما يجي ....أسكر ...و أقوم أحط الغداء .....نتغدى و أنوم العيال ....زوجي لا زم ينام العصر إذا كنت تعبانه نمت و إلا قمت وشفت كان عندي مشاغل في البيت و إن خلصتها قبل ما يقومون العيال شغلت النت ......و إلا بلاش .....بعد ساعة يقوم زوجي يروح للشغل إلى الساعة ثمانية مساء .....و ممكن يتأخر الى عشرة إذا كان عندة أرتباطات أو أجتماعات ......المهم يكون في فترة طويلة ....أهتم فيها بالعيال أغيرلهم أوكلهم ......أحط الملابس بالغسالة ......أكوي شوي .......و ممكن أشغل النت شوي ......طبعا هذا مو نظام يومي ........بس حبيت أوضح لك أن النت يكون في وقت الفراغ قدر الإمكان أبدا ما يكون على حساب مملكتي الصغيرة ......ممكن يجي أيام ما أشغل النت أبد ....خصوصا الويك أند لأن الأرتباطات أكثر و زوجي موجود ......

أنا أعتقد أن
النت ضروري جدا للموجودين في الغربة لأنه يقلل من الإحساس بالوحدة ,,,,و يساعدك على التواصل مع الناس و معرفة أخبارهم ,,,,,, هذا الشئ يحسن من نفسيتك كثير مما يكون داعم لك لأعطاء الأفضل لزوجك و أطفالك ....
طولت عليك بكثرة كلامي ......بس في الأخير حبيت أقولك فكرة حلوة عند تصفح النت
.....أفتحي الموقع الي تبين ( مثلا عالم حواء ) أكثر من مرة هذا يبي يساعدك على التصفح بشكل أسرع بدون ما يضيع وقت في أنتظار فتح الصفحة .....و تلقين نفسك قريتي و شاركتي في مواضيع أكثر من أول مع أن المدة الي تقعدينها وحدة


أتمنى أني قدرت أفيدك .......

السلام عليكم انا مثلك يام الحارث ماعندي عير ولد في عمر الحارث وماني لاقيه وقت لنت يادوم كم دقيقه اجلس فيهم اتصفح بسرعه واكثر شيء ادخله هو قسم الاسرة وتجارب اما البيت ارتب وانظف وهو يحوس معي والله يعين الجميع وشكر لك لانكطرحتي الموضوع وسبقتيني

السلام عليكم ورحمة الله وبركاته ...

كيف حالك ام الحارث .. انشالله بخير .

بالنسبة لي انا هذي طريقتي في تنظيم الوقت ...

انا عندي الله يحفظهم اربعة اطفال .... من سن 11 سنة وحتى سنتين ..

طبعا اثنين منهم بالمدرسة ....

ووقت جلوسي على النت هو من بعد الغدا الى صلاة المغرب ... وطبعا هنا

في الرياض يكون الغداء على اذان العصر .. والحمدلله انا لدي خادمة بنت

حلال .. . طبعا انا استيقظ مبكرا واحضرايش باسوي للغداء ...

يرجعون عيالي قبل ابوهم بساعة ... اغديهم وانتهي منهم ...

طبعا يدخلون للمذاكرة اما في غرفتهم اوعندي في المكتبة .... اما

الصغير .. تبدا القيلولة عنده بعد الغداء مباشرة ...

طبعا يجي ابوهم واغديه وارفع السفرة .... ثم يذهب للصلاه .. واصلي

انا و ثم ادخل الى المكتبة وابدا في الدخول الى عالم النت المحبب

الى قلبي ..طبعا يرجع الابو والعيال من الصلاة ويدخل هو للنوم والاولاد

عندي حتى يكملوا ما تبقى من واجباتهم .. وقبل المغرب بنصف ساعة

يخرجون للعب مع اولاد الجيران ... ويستيقظ الصغير وابوه ثم يستعد

للصلاة والصغير يخرج مع الخادمة ليلعب مع اخوانه .. وبس ..

المهم عزيزتي هو تنظيم الوقت ... بمعنى النوم مبكرا .. حتى تستطيعين

الاستيقاظ مبكرا.. قبل ولدك وبكذا تقدرين تدخلين الشبكة وقت نومه ...

تحياتي .. وانشالله اكون افدتك .