هلا وغلا بالغاليات
جيتكم بعد محليت الأزمه اللي عندي توقعتها تنتهي على طلاق لكن جت سليمه اختكم ابشركم صارت قويه:mad: وترد وطالب بحقوقها اللي راحت بعد مطاح الفاس بالراس قلت اصبر يمكن يفيد شفت الصبر مافاد ولا نشاف لي شي زين قلبت على الوجه الثاني وبدا ابشركم يجيب فايده :icon18:
اثر الطيبه احيانا مالها داعي <<<<<<<<<<<وحده هالايام مستقويه الله يستر :30:
0

المهم يالغاليات وحشتوني ولكم هذي مني بعد اذنك ضماي انت
:26: :26: :26:
وشكركم على السؤال عني لأني فعلا كنت بمشكله
دخلت وشفت ردودكم علي وطبقت بعض النصايح وطنشت مره وسويت مشكله مرتين
والحمدلله الأمور الحين تمام ومن اليوم مافيه اي استعداد عندي ازعل على شان شي والله يابنات مافيه شي يستاهل اهم شي ان الوحده اذا هو ماريحه هي دور على راحتها
ونصيحه يابنات من قلبي لاتنازلون عن شي لكم مهما كانت الظروف ولا تقولين ابغى اكسبه بالعكس يشوفك مسكينه وضعيفه ولا تسكتين عن شي مانتي راضيه علشان خاطره تراهم يستغلون وانا مجربه بنفسي اللحين يوم قمت اتكلم واطالب واقول عن الغلط ماكتم بنفسي واصيح بديت اشوف فرق بس انا غلطت على نفسي من البدايه والحين صححت الخطا هذا

لا تبكين ياوحده والله مايستاهل دمعه تنزل من عيونك لأنهم مايحسون الحين تفكرين وهو يشوفك كذا يأنبه ضميره لا والله يقول حقي ابغى امارسه ليش هي تنقهر حاولي تعيشين لنفسك وفكري بنفسك وانسيه نصيحه لاتسوين سواتي اقسم بالله انه يوم جا بعد زواجه بعشر ايام عند اهلي انه دخل وماعرفني من النحف وجهي اسود وعيوني متنفخه من كثر البكا انه دخل ولا سلم علي يقول ماعرفتها طبعا هو ماقالي هالكلام انا قال لأمه بعد ماطلع من عند اهلي وعادي ماهمه وجيت معاه وهو مايبغا يجيبني ولا رحمني ولا شي
تكفين حاولي طنشين اللي مر علي علمني اني مازعل الا علشان نفسي وعيالي وبس والا هو ماراح تنزل عليه دمعه اللي تزوج علي بدون سبب لمجرد التغيير وانا مافيني ولا شي وباعني وارخص رضاي ازعل علشان هو يستانس عادي لا والله ماعاد اخليه يشوف هالشي بعينه لو كنت ابي اموت من الغيره اخليه يشوف انه هو بعد رخيص مايشوف اني ماقهوره عيشي حياتك انا عارفه انه صعب بس انا مابغاك تكونين مثلي ضعيفه لاقدامه ولا من وراه لأني انا اموت عليه واحبه حب ماينوصف الى الحين بس خلاص انا الي تعبت وهو مدرا عني وعن حبي له مستانس معاها والحين شايل هم يبغاه تحمل ولا كان عنده عيال وانا اشوف هالشي وهو يقولي بعد ان وده انها تحمل بسرعه بس الحين عادي اذا قال كذا قلت الله يرزقها لأنه هو نفسه بعيال وانا ماجبت الا ولد والباقي بنات وهو يحسب انها اذا حملت بتجيب ولد ولا زعلت وانا اول كنت اصيح اذا قالي شي زي كذا والولد والبنت من الله
معيلش يمكن كلامي مو مرتب بس بغيت اوضحلك ياوحده وهموم انا تعبت يمكن مثلك واكثر ولا شفت فايده الا خسرت نفسي وشعري طاح وبناتي بعد التفوق الحين ضعيف وغياب لكن الحين خلاص انا لعيالي قبل اكون له
الجئي لله وادعيه ان الله يشيل الغيره من قلبك
الله يسخر لنا أزواجنا ويردهم لنا ردا جميلا بأذنه تعالى وقدرته ان يقول كن فيكون

وان يادموعه خذوني معكم يسلام طقاقات من زمان عن الرقص

عقدوني اهل القصيم تروحين للعرس وتكتشفين انه عزيمه عاديه

الله يكثر افراح المسلمين

حبيبتي الله يجزاك خير
انا من وجهت نظري انه راح يخسرني للابد ومستحيل ارجع زي اول يعني مافي دلع مافي حب مافي اي شى يربطني فيه الا الاولاد وراح اتحمل كل شى عشان العشرة الي كانت بيننا لكن باذن الله ماقصر في حقه من جميع النواحي الا الفراش فلا يحلم فيها ابدا لاني اعتبر هالشى مذلة لي انا شخصيا وراح اتحمل نفسي الين اموت هذا كله في حال لاسمح الله الله لايكتب اذاتزوج
وانا والحمدلله واثقة في نفسي وبنت الناس مالي شغل فيها ابدا وهي اش ذنبها الذنب على الرجال الي تزوج على مرته معليش اسفة على الاطالة

السلام عليكم ورحمة الله
شكلي بانضم لكم
والله اني اكتب لكم واحس في عيوني حرقان من كثر البكا
ولو تشوفونها
الله لا يوريكم كبر الفناجيل
ما اقول الا الله ييسر لي الخير ويدلني عليه ويعوضني خير