عزيزتي دوف مرحبا فيك الحكاية مهيب حكاية عقل وحكمة لان الناس تشوف اني لما تركت زوجي لزوجتة الجديدة وتنازلت لها عن جميع حقوقي اني انسانة في قمة الجنون لكن الحقيقة اني انسانة تتغلب علي الكرامة وعزة النفس بشكل كبير والشئ الثاني انا عندي وفاء لاي شخص احبه ولاني احبة ما قدرت اتقبل وحدة ثانية في حياته لذلك انسحبت بهدوء وتفرغت لتربية بناتي وعشت حياتي (يعني العقل اللي تقولين فرضته علي الظروف)وشكرا يا قلبي على ترحيبك :26: دمعة وردية اسمك ناعم وحكاية القوة اللي تقولين عتها احيانا احس نفسي قمة القوه واحيانا احس نفسي قمة الضعف وبالنسبة للدنيا شفت منها اللي اعظم من هذا لاني من حوال خمس سنوات تعرضت لحادث سيارة انا وبناتي وفقدت فيه اعز ما في الوجود وهي بنتي الكبيرة وبعد خمس سنوات تزوج ابو الشباب وليته تزوج لانه يرغب بالتعدد كان اهون لكن زواجه كان ردة فعل لموقف بايخ ولانه لقى ناس يساعدونه ويكبرونها في راسه وتركتة لها لاني زي ما يقولون عني اخواتي عايشه في المدينة الفاضلة حقت افلاطون لان الوفاء اللي تبينه من مخلفات الماضي(لاني احبه ما قدرت اتخيل وحدة ثانية بيني وبينه واحس انه لو حضني اوكلمني بشوفها بعيونه وبشمها بريحته عشان كذا حبيت اجنب نفسي العذاب النفسي اللي ممكن اعيش فيه) لكن انا عندي يقين ان الله رحيم بعبادة وانه بينصرني ويفرج لي ويكتب لي اللي فيه الخير وهو عند حسن ظن عبده فيه وبالنسبة للطناش انا زي حكايتك عايشة حياتي اروح دوامي واطلع لصديقاتي واهلي واشوف مشاوير بناتي (بعد زواجة في الصيف بكم يوم سافرت باريس مع اهلي واتوقع الكل كان يقول هذي ماعندها احساس-وش رايك بالقوة:30: -مع اني كنت اتقطع من الالم والحزن بس كان لازم اعيش حياتي انا وبناتي) ومن اهم الاشياء اللي ساعدتني اتخطى ازمتي هي النت اللي توني طايح فية جديد واكيد باين علي من طريقة كتابتي وشكرا حبيبتي على ردك لاني فعلا احتاج احد مر بنفس التجربة:)

السلاااااااااااااااااااااااااااام عليكم اول شي ام سلطان صج عجبتيني مره والله عفيه احسن الحين على طول الكل بيتجنبج لان صارت لج رده فعل ماشالله عليج الحين حبيباتي واخواتي شلونكم اسمحولي غبت عنكم جم يوم لان النت قاطع بس رجعت لكم فديتكم اولا بالنسبه حق ضمويه خلاص لاتحنين اليوم عندي عرس بس انشالله النقوط وايد وادفع لج دموعه شخبارج والله اني ولهت عليكم وايييييييييييييييييد بس شنسوي وانتي يااحلى ام سلطان اقولج شي انا عندي 3 بنات الله يخليهم لي هم نور حياتي وان جا الولد حياه الله واذا ما جا الحمدلله وسلامتكم

انزين ضمويه بقولج ومستحيه:( شرايج انتشارك لان المحل واقف حاله او نقلبه عبايات:22: يعني اشتري من سوق فالح عندكم ونبيع في بوكواره :30: ها شقلتي:26: :26: :26: :26: :26:

قصيدة اعجبتني عسى ان تعجبكم


مــا كــل مــن يضـحـك بدنـيـاه مـســرور
لـــو ضـحـكـتـه دايــــم تــحــرك حـجـاجــه
ومـا كـل مـن يبكـي مـن النـاس مقـهـور
بعـض الدمـوع رخـاص مـن شــان حـاجـه
وما كـل صـادق لـو حكـا لـك مـن شعـور
يــا كـثـر مــن زيـــف المـشـاعـر خـراجــه
ومـا كـل مــا يخـفـا مــن الـسـر مسـتـور
بعـض الوجيـه ابيـن مــن ارهــف زجـاجـه
وما كل بيـت ( ن ) بابـه انصـك مهجـور
كـم بيـت ( ن ) اطفـا الشـح واهـج سراجـه
ومـا كـل ورد ( ن ) تزرعـه ينثـر عطـور
لـــو مـــاه صـافــي مـــا يـخـالـط هـمـاجـه
ومـا كـل مرهـف قلـب لـو يــزرع زهــور
قـلــب يــحــب الــــورد وجــــواه صــاجــه
ومـا كـل مـن يخطـي مـن النـاس معـذور
الـبـعـض يـخـطـي مـــن عـلــوم الـعـواجـه
وما كـل مـن يسكـت علـى الظيـم مجبـور
لـجــل الـغــلا سـاكــت ويـدعــي انـفـراجـه
وما كل راس ( ن ) ضيع الفكـر مسحـور
كــم راس سـحـر الـحـب جــاب ارتـجـاجـه
ومــا كـــل عـلــه فـادهــا طـــب دكـتــور
كـم مـن عليـل ( ن ) وصــل خـلـه عـلاجـه
وما كل من شاور حكيم ( ن ) خذا الشور
بـعــض الـبـشـر مــــا يـقـنــع الا مــزاجــه
ومـا كـل مـن سمـي صقـر يشبـه صقـور
كــم مــن صـقـر وقـــت الـشـدايـد دجـاجــه
ومـا كـل فـزاع ( ن ) لجـل مـدح مشكـور
الـبـعــض مـرجـلـتــه وســامـــه وتــاجـــه

:26: :26: :26:
-------------

السلام عليكم خواتي ..
شخباركم ؟؟ طولت الغيبة عليكم ..
جزاج الله خير ضماي انت محد فقدني نفسج ..
أم سلطان : الله يثبتج ويوفقج ويبصرج بالخير .. ويعينج على الجاي .. دايما أدعي إن ربج يشرح صدرج .. ويحل عليج السكينة .. ترأحنا في دار ممر ومردنا للقبر .. والدنيا ما تسوى .. نصيح على ذنوبنا أجرنا أعظم من صياحنا على هالدنيا الزايلة ..
دمووعة الله يبارك في زواج أختج .. ويطمن قلبج على بو عيالج ..
حبيبة فصل : يقول المثل :عذاري يسقي البعيد .. أفا والله أفا .. تعزمين البعيد وأنا من هلج وربعج ناسيتني ..

شخبار منتظرة وهذاك أول وزوجة أولى وسندريلا لهم غيبة ؟؟