حبيبتي براءة قلب تعرفين انه أحيانآ الكذب بين زوجين جائز
وبعدين حبيبتي لية ماتدورين مبرر لأبوك انه يعمل كل شي بالخفاء مراعاة لمشاعر امك ومشاعركم
يمكن فيه سبب يدفعة للزواج وممكن مافية سبب يعني نزوة
لكن انا متأكدة ان ابوك يراعي امك لأنها عشيرته وعمرة ومهما كان فاهمته وعارفه تتعامل معه
اتمنى من كل قلبي انك تحسنين الظن بأبوك وتحترمينه مثل أول واكثر ولاتعتقدين ان الزواج الثاني للرجل امر هين او بسيط لا حبيبتي بالعكس هو مقبل على مرحلة مظلمة ولايعرف ايش راح يواجه

السلام عليكم يابنات كيف حالكم
اشتقت القعدتكم اكثير اللة لا يفرقنا عن بعض
دمعة وردية شخبارك مريتي على طيف ولا لسة حرام كاسرة خاطري هي وعفشها ,ذكرتني بعمري لما اروح مع اهلي اقتصد كثير بعدد الشنط اما البطاطين عاد مالنا فيها حيلة
هيلانا شكرا حببتي على الشعر الحلو والنكت الحلوة اضحك اللة سنك
سندريلا وصاحبة الاميرات ضماي انت وكل الموجودات انشاء اللة بخير
براءة قلبببببببببببببببببببببب بكاني واللة كلامك وعور قلبي لكن خواتي ما قصروا بردودهم الحلوة وانا أأيد نفس كلامهم لك واقولك ابوك اب رائع ومثالي , وانتي تحبينة يكون سعيد فلا تحسدينة على بعض اللحظات السعيدة سواء معكم او مع غيركم خصوصا ان اللة حللة هذا الشىء ,بعدين بيجي يوم تتمنين انة معكم فلا تظيعين معة اللحظات السعيدة اللة يطول بعمرة ,
بعدين من يقول انكم منسيين في هذة المواقف بالعكس انا شخصيا لو ما بناتي كان شفتيني عروس مع زوج اخرولا يهمني ,فامك ام عظيمة ولو انها ماتفكر فيكم كان اطلبت الطلاق خصوصا انك تقولين انها صغيرة بالعمر ,بس هي في موقف صعب لانها تحب ابوك اكثير وانتي من واجبك تنصحينها اكثر ,
ومع الايام راح ترجعون اسعد واسعد لانة اذا ارتاحت الام نفسيا راح ترتاحون انتم اكثر واكثر ...
بعدين الزواج الثاني مش سهل على الرجال لانة فتح بيت ومسؤلية جديدة هم الرجاجيل يفرحون فية في البداية بس بعدين يطبون ولا احد يسمي عليهم خخخخخخخخخ
خلهم يستاهلون :22:
بنتي تأثرت بزواج ابوها اكثير وانا نبهت ابوها لهذا الشيء وجلس ابوها معها جلست مصارحة ونجحت الخطة وزانت نفسيتها اكثر من الاول فياليت انتي تجلسين مع ابوك لحظات وتفضفضين لة عن اللي في قلبك ,وبما انك متزوجة اعزمية على استكانت شاهي في وقت مايكون زوجك موجود ومافيه شىء لو تكلمتي بصراحة معة وبكيتي صدقيني بعدها بترتاحين وبتدعيلي ,
ماعليش يابنات طولت عليكم وانا اكلم براءة قلب والحين باسالكم سوال صريح جدا جدا
وياريت تجاوبوني علية من غير ضحك
هل للزواج الثاني ايجابيات مثل مالة سلبيات ؟
انا لاحظت لة ايجابيات لكن اخاف اقولها و...... خلني اسمع بالاول ارائكم بعدين اقول :30:

أختي اميرة المملكة تصدقين احيانآ كثيرة الزواج الثاني له ايجابيات بس للأسف بعض النساء ماتعرف لها وبس تشغل نفسها بوجود زوجة ثانيه منغصة عليها عيشتها من وجهة نظرها ولاتلتفت للأيجابيات
مثلآ الزواج راح ينتبه لحسناتك عدم تواجد الزوج المستمر في البيت يعطيك وقت لنفسك ولربك لأولادك وتشتاقين لزوجك
ممكن يكون الزوج كان سلبي وبعد زواجه تتعدل سلبياته ويلتفت لك
هذا من وجهة نظري وفيه شي مهم انتي راح تلتفتين لنفسك وأذا انتي انسانه عندك القوة والعزيمه راح تغيرين من نفسك وشخصيتك وتطورين ذاتك

مشكورة حبيبتي أميرة المملكة

وربي يحفظ لج بنتاتج يخليهم لج

خليك معاهم وبقربهم تراهم يحتاجونك خاصة هالفترة

لانهم يحسون ان ابوهم استبدلهم ببيت ثاني وزوجة ثانية

يعني كانهم يقولهم انا مو سعيد وياكم ولا تهموني

مثل ماوصل لاخواني وهم يتفرجون بصمت

ادري هذا غلط والرجال بطبعه يحب التغير

لكن احيان يحسون بالظلم لان انسانة دخلت وشاركتهم حياتهم وشاركتهم ابوهم

وماانسى كلمة اختي الصغيرة الي عمرها خمس سنوات

لما ابوي لهى بالعرس وهمومه وبس صاير يفكر ومشغول

جته مرة وقالت لها....يابابا انت من سنة جدي ماضميتني

عاد ابوي تفشل وكل من جاء حكى له هالسالفة<<< يثبت لنفسه التقصير

حتى ان اختي مرة سمعته يحكيها للرجال جت قالت له يابابا مو اي احد يجي تقوله اني قلت انك ماخميتني<<<شكلها انحرجت ههههه

ضماي انت الف مبروك لك ولعيالك اللي عندهم ام زيك وجعلهم الله قرة عين لك في الدنيا والاخرة:26: