الى كل زوجة عاملة وربة اسرة ولها بالعمل وقت طويل ان ترشدني...

بسم الله الرحمن الرحيم

ابي اقولكم قصتي
انا متزوجة من 5سنوات وعندي الحمدالله طفلين واحد3سنوات والثاني 7شهور
ولي متوظفة 4شهور ومن يوم ما توظفت ما اذوق طعم النوم ومعاشي 5ايام ويطير ربع المعاش لامي وابوي وخواتي والباقي للديون الي كنت ماخذتهم قبل وظيفتي والشهر هذا ما عطيت اهلي فلوس بس خواتي عطيتهم نصيب امي وابوي عشان العيد والباقي دفعتة كلة اللهم كم غرض شريتة لنفسي للعيد وبعت من ذهبي عشان اسددالباقي وامي وابوي زعلانين علي
غير هذا كلة زوجي يبيني استقيل عشان الاستقرار الي كنا فية راح ومعاشي يقول ماشفت منة شي عليج واعيالج مهملتهم واهو ما يدري انا اودي فلوسي ويين ؟
المهم باقي من الديين حواي اكثر من نص معاش للشهر هذا وانشاللك ادفعة
بس بنات صدقووني افكر بالاستقالة لاني من استفيد شي واهلي ان ما عطيتهم ازعلوا علي حتى اعيالي الله شاهد ما شريت لهم شي وكل يبي مني لدرجة اخوي يقول لي اخذيلي فيزا 500دينار بيسافرفيهم طبعا رفضت حتى كرهت ازور اهلي وعندي اختي متزوجة حاسدتني على معاشي ياحظج واهي ما تدري
تدرون الشي الي امصبرني على الوظيفة هو زوجي ابية يحس اني متحررة وهم اقدر اسافر اذا بغيت؟

ودي بس انام وارتاح والله حتى الشي الي اشترية ما فية ابركة
جاوبوني ؟؟؟شسوي ادري بتقولون ضعيفة الشخصية امانة الي ترد بدون تجرييح او لاترد
جزاها الله خير اهي والي يردون