انا سافرت مع زوجي وكنت حامل بالشهر السادس واكيد تعب في البدايه لكن بصراحه اللي حمسني للسفر ان حتى لو ما سافرت معاه ماراح احصل العنايه اللي احلم بها لان امي متوفيه فقلت انا لحالي هنا او هنا فالافضل انو اكون معه والحمد لله عدت الولاده ع خير لكن تعبت نفسيتي مووووووووووووووووت مع النفاس وجاتني حاله الله لا يوريك لذلك خليك عند اهلك وايام وشهور وتعدي وترى ما بتحسين بفرحت الولاده مثل لما تعيشيها مع الاهل تخيلي جبت ولدي الاول ورجعت للبيت كاني راجعه من موعد ما حد يجيك ولا حد يفرح بك وبمولودك والله يقومك بالسلامه

اتمنى اكون افدتك حبيبتي الله يوفقك ويكتب لك الي فيه الخير ان شاء الله

حبيبتي نصيحه خليه يروح قبلكم ..
بتكونون محيوسين بالبيت والولاده وبنتك ..

الحين قبل مايروح بيكون ضايق صدرك بس سبحان الله اذا راح بيخف الحنين والرغبه انك تكونين معاه وبتحمدين ربك على الجلسه ..

انا بروح مع زوجي والله اتمنى انه يسبقنا ويستاجر وياثث ..

بس مايقدر يرجع الا بعد سنه وماعندي احد يوديني له فمضطره اروح معاه ..


الله يسهل عليك ولادتك ويخلي لك زوجك وذريتك ويوسع صدوركم وييسر اموركم وكل مسلم

انا اتمنى زوجي يسبقني بس المشكله انوانا المبتعثه وهو المرافق مايقدر يدخل امريكا بدوني احس وضعنا بيكون صعب خصوصا انوعندنا طفل رضيع متازمه مره من الوضع

اختي هونيها وتهون

انا زوجي كان مصر يروح لحاله وكنت ماقدر افتح معاه الموضوع اني بروح معاه لانه قفل الموضوع على انه بيروح لحاله طبعا ماكنت حامل ولا عندي دراسه ولا بناتي عندهم دراسه بس كذا حاط في راسه يروح اول بعدين نلحقه وحسيت انها صعبه وبهدله لكن وكلت امري لله وادعي
واستغفر واردد توكلت على الحي القيوم الذي لا يموت وجا هو من نفسه وقرر ياخذنا معه وتسهلت الامور الحمدلله لكن انا انصحك مادامك حامل وعلى وشك ولاده بتكون صعبه عليك واذا حاسه نفسك تعبانه نفسيا مو قادره ادعي ربك يسر لك امورك وراح تتيسر بس توكلي على الله


أسأل الله العظيم انه يسر لك امورك ويفرج لك همك ويحلل لك عقدة من لسانك يفقهوا قولك