بسم الله الرحمن الرحيم
الحمد لله والصلاة والسلام على رسول الله ....................
اول شئ اقول لكل عروسه الف الف مبروك ...:icon28:
الله يوفقك ويسعدك ويسخر لك زوجك وتعيشون احلى حياه زوجيه سعيده وتجين تكتبين لنا هنا تجاربك الناجحه مع زوجك عشان نستفيد بس
وبأبدأ انا اعلمكم عن تجربتي انا تزوجت وكان عمري 18 وكنت ادرس ثاني ثانوي وفترة ملكتي كانت اسبوعين وكانت في ايام الاختبارات النهائيه يعني ضغوط فظييييييييعه يعني مااقدر اتعرف على زوجي لان صعبه يجيني في ايام الاختبارات ولا اقدر اكلمه بالجوال عشان ما يشغلني عن مذاكرتي ولا اقدر اخلص اشغالي من سوق وكذا برضه عشان الاختبارات يعني كل شئ سريع سريع ..... بس الحمد لله توفقت في حياتي وعايشه الحمد لله عيشه حلوه وبسيطه
طبعا اخواتي الله يوفقهم ما قصروا ساعدوني في كل شئ يعني اشغال السوق ماقصروا معي فيها الله يوفقهم
وماانسى هذاك اليوم لاني كنت خلاص على شفا حفرة من الزواج..............متعوب عليها :42:قالت لي اختي الكبيره ؛؛ياريم ترى الحياه الزوجيه ابسط مما تتصورين ؛؛
ماتتوقعون قد ايش هذه الجمله اثرت في حياتي وانا الى الآن اطبق هذه الجمله في حياتي يعني بالمختصر المفيد عيشي حياتك بكل بساااطه هونيها وتهون معك بأذن الله والدعاء برضه له تأثير على الحياه الزوجيه ..........
اللي فوق النقطه الاولى لاننساها ابدا ::عيشي حياتك بكل بساطه وهونيها وتهون بأذن الله
ثاني شئ تذكري ان التجربه اللي راح تمرين فيها قد جربها معظم بنات حواء واغلبيتهم الحمد لله مشت حياتها على احسن ما يكون
وتذكري اهلنا زمان كيف كانوا عايشين يعني الحمد لله حياتنا الآن احسن بكثيييير من حياة زمان اذا بغيتي اي معلومه عن الزواج او اي شئ يتعلق بالزواج الحمد لله النت فيه كل شئ والكتب الحمد لله متوفره في كل مكان
يعتبر المتخصصون في العلاقات الاسريه ان اول سنه في الزواج اصعب سنه ويقع فيها معظم حالات الطلاق بسبب عدم تكافؤ وجهات النظر وغيرها من الاسباب
انا اتفق معاهم ان اول سنه اصعب سنه واذا عدت على خير
أعرفي ان حياتك ماشيه تمام التمام
بس كيف تخلين هذه السنه تعدي على خير ؟؟؟؟
اول شئ وانا اعتبره اساس الحياه الزوجيه هو الاحتراااااااام
احترمي الطرف الاخر احترمي وجهات نظره احترمي تصرفاته احترميه كبشر
والتقدير برضه له نتائج فعاله في استمرار الحياه الزوجيه
اذا سوالك زوجك شئ وعجبك امدحيه حتى لو ماعجبك جامليه واذا اختلفتي معه في وجهة نظر او صارت بينكم مشكله بسيطه وعصب عليك حاولي قدر المستطاع الابتعاد عنه ولا تناقشيه مره مره حتى لو كان الحق معك اجلي رايك لبعدين
اذا هدا زوجك بيني له وجهة نظرك بهدوء صدقيني راح تكبرين في عينه
سمعت معلومه جميله يقولون خليك مع زوجك كشعرة معاويه ...
المقصود اذا شد ارخي واذا رخى شدي لان اذا شديتوا مع بعض راح تنقطع الشعره .........
نجي لشئ ثاني اللي هو الفراش ........
مشكلتنا عندنا هذه النقطه عيب ولا نتكلم فيها ابدا واذا تزوجوا عيالنا فشلوا فيها لان عمرهم ما تثقفوا فيها وانا اشجع اي عروس لاحظوا اقول عروس يعني خلاص مقبله على الزواج تتثقف في هذه الاشياء لان لها تأثيرها الكبييييييييييير في نجاح الحياه الزوجيه
خليك مع زوجك انثى انثى انثى
يعني خلي كلماتك وهمساتك ولمساتك في... كلها رقه ونعووومه
اعتقد الفكره وصلت ولو تكلمت اكثر من كذا راح يحذفون الموضوع
ولا تنسين تغذين الجانب الايماني اصلحي علاقتك مع الله وصدقيني راح تزين علا قتك مع زوجك بأذن الله
ان شاء الله اكون افدتكم ولا تنسوني من دعواتكم واي استفسار على الخاص انا حاضره
هديتي المتواضعه واعذروني عليها ...............:icon28::icon28:
