الله يجزاكم عني كل خير
مجرد ردكم شجعني الله يسخرلكم ازواجكم ويصلح لكم ذرياتكم ...... اللهم امين
بس احب اوضح لكم اني كنت في البداية اسكت ماارد عليه وهو معصب ابدا لي اني كنت انصدم من الي يقوله بس كان يسكت بعدها مايتكلم ابدا ويقعد ما يتكلم يومين او ثلاثه اذا مو اكثر وحتى لو كلمته مايرد على ابدا واذا قلت له وشفيك يعصب ويرجع يتكلم علي مره ثانيه ويقول لاعاد تكلميني ابد واذا سكت ومعاد كلمته قال وش فيك ماتتكلمين واذا قلت انت تقوله قال عاد تسكتين هذي عيشه الي انا عايشها وحتى اذا اتصرفت بعد الموقف كن شي ماصار يفشلني كذا مره لين احتار وكل مره نفس الشي الين صرت اعصب الين صار بينا مشكله اعصب وارد على كلامه بالزعل بس بدون ما اجرحه بكلمة لاني حفضت الي يصير كل مره ومليت من تكرر المواقف كل يومين ويستمر الزعل اسبوع ونرضى يومين وترجع ريمه لعادتها القديمه والحين صاركثير الانتقاد سواء زعلان ولا راضي ولا يقبل اي كلمه مني يقول اني الغلطانه ولايقبل تناقشين معه وحتى ان وافق مايسمعك يجلس يلعب بالجوال او يغني ويعتبركلامي اني جالسه امشيه على كيفي ويقول انا الرجال مهوب انتي
واسفه على الاطاله بس انا مو قادر اوصل لكم الي انا فيه مشكلتي اكبر من ماتتصورا مع اني ماقصرت في موحاولت حلها وطبقت كثير من الي قريته في المنتدى من اسلوب المفاجئة والهديه والتدليع والتفاهم والحوار والرسائل وكل شي تقريبا بس انصدم اذا شفت النتيجه كذا
وماادري وين المشكله فيه وإلا هل في رضوخي له ولا في مقاومتي ما ادري انا حابه افكر معكم بصوت عالي واستفيد من خبرتكم الله ينفع به
بس اتمنى منكم ما تبخلون علي بالمشاركة الله يوفقكم ويرزقكم بالذريه الصالحه

اختي انصحكي نصيحه لوجه الله اكثري من الدعاء في ساعات الاجابه وان شاء الله راح تلقي ربي واقف معاك صدقيني كثير ناس كانوا في مشاكل لايعلم فيها الا الله واكبر من مشكلتك بكثير وبفضل الدعاء ربي اداهم على قد نيتهم وحاول قدر المستطاع انك ماتجي على الشي الي يزعجوه والله يهديه ويعوض عليك بولدك ويكون عزوتك ومفتخر لك............

لا اعرف ماذا اقول لك
اللهم فرج همها وسخر زوجها لها ولاولاده .................................اللهم امين
الله يعينك