السلام عليكم هذي مشكله طرحها احدى الذئاب في احدى المنتديات وهي منقوله على لسانه
السلام عليكم ورحمة الله وبركاته
والله ماني عارف من وين ابدا .. بس انا غلطت وتبت فما ابي احد يلومني على اللي فات ابي حل لمشكلتي الحين
انا كنت متعرف على وحده واكلمها وحبيتها وهي بعد حبتني وظلينا مع بعض مكالمات سنتين ونادرا ما اطلع معاها واذا طلعنا بس بالسياره ويصير بينا اشياء بسيطه احضان وكذا لكن ما عمري جامعتها مره اقترحت عليها نروح انا وهي لمزرعتنا ونسبح وننبسط انا وهي لحالنا يوم كامل ووافقت ورتبت امور المزرعه وقلت لاخواني اني مواعدها ولا احد يعتب المزرعه وقلت لابوي اني عازم الشباب وانهم ينحرجون منك وووو عشان ما يجي ورحت انا وهي وابوي دخل علينا وحنا بوضع مخزي على السرير مالكم بالطويله ابوي رجال طيب وصالح ولا يرضى بالغلط جبرني اتزوجها وتزوجتها عشان رضاه علي ولا انا ما كنت ابيها بصراحه مع اني يوم جامعتها كانت بنت وانا اللي فضيت بكارتها بس هذا ماهو دليل على عفتها يكفي اللي كانت تسويه معاي من بوسات ومن احضان ومن جنس على الجوال
المهم تزوجتها وطلعت حامل من ذيك الليله حقت المزرعه يعني حامل بولد حرام الحين هي بالشهر الرابع وانا ماني طايق وجهها ولاني طايق اشوف بطنها واتذكر ان اللي فيه ولدي بس جاي بالحرام ياناس تعبت والله العظيم تعبت افكر ليل نهار وش اسوي بهالمصيبه اللي نزلت على راسي الحين لو جا ولد تصير زوجتي تتحجب عنه لانه بالحرام ولو جت بنت تصير تتحجب عني انا لانها بالحرام وش اسوي بحياتي هذا غير زوجتي اللي ماني طايقها وغير شكي فيها حملت على تلفونها برنامج تجسس اراقبها من لابتوبي اراقب المكالمات والرسايل والارقام واشوفها ما عندها شي لكن للحين اشك فيها ماني مرتاح وبعد هي تابت لما عرفت انها حامل ودايما اشوفها تسمع الجنين قرآن وتشغل قرآن بالبيت واشوفها وهي تشتغل او تطبخ تستغفر وكذا مره اقوم بنص الليل ما القها جمبي يوم ادورها القاها تصلي القيام وتبكي بحرقه بس مع كل هذا ماني قادر انسى ولاني قادر اعاملها زين وكارهها وكاره ابن الحرام اللي ببطنها ولادري كيف اتصرف هذا غير ان ابوي من ذاك اليوم ما يخليني اسلم على راسه ولا يكلمني الا للضروره وكلمه ورد غطاها
تعبت والله تعبت وش اسوي شوروا علي تكفون ؟؟؟
شفتوو كيف يابنات كيف كان ناوي يغدر بها لكن رحمة الله لطف بها لاتقولين حبيبي غير وانا غير والخ احذري كل الحذر مهما كان حبه فهو حب شهواني بحت مصلحه اتمنى هالقصه تخلي البنات يصحون من الغفله
ملاحظه ياليت الاداره ماتقفل الموضوع للفائده
روفأإتي @rofaaty
محررة
يلزم عليك تسجيل الدخول أولًا لكتابة تعليق.
بس ياليت تعدلين الذئاب الى احد الخرفااان وتكرم عنه ان شاءالله والله يعافينا والمسلمين مما ابتلاه
روفأإتي
•
ويجزاك خير يالطيبه
اي يختي حطيتها للاخت ساره اللي لها موضوع عشان تعرف انهم كلهم سووى ومافيه حب وخرابيط
وايه يختي هو ذيب لانه مكار
اي يختي حطيتها للاخت ساره اللي لها موضوع عشان تعرف انهم كلهم سووى ومافيه حب وخرابيط
وايه يختي هو ذيب لانه مكار
الصفحة الأخيرة
ماشاءالله عليك امداك نقلتيها
جزاك الله خير يارب على غرضك الطيب