الى كل فتاة نصيحتي لك + موضوع للنقاش

السلام عليكم ورحمة الله وبركاته
حبيت اكتب هذا الموضوع علشان يكون نصيحة لكل بنت واية وحدة عندها نصيحة حابة تضيفها بيكون شي جميل
نصيحتي لكل بنت بسن الزواج الزواج حلو لاكن مسؤولية بس تكفين لاتتزوجي للاسباب الغلط
لاتتزوجي علشان تهربي من مشاكل بيتكم لان الزواج مو الحل السحري لهالمشاكل اذا انتي ما واجهتي مشاكلك قبل الزواج كيف رح تواجهي مشاكلك بعد الزواج
لاتتزوجي علشان نظرة المجتمع وهربا من كلمة عانس لانك هنا رح تتنازلي عن ابسط حقوقك علشان تطلعي من هالمسمى
لاتتزوجي علشان تلبسي الفستان الابيض ولا علشان تسافري او تطلعي عند صديقاتك لان الزواج عمره ما كان فستان وسفر وطلعات مثل مانتي متخيلة وترى مو سجن لاينفهم كلامي غلط
لاتتزوجي وانتي مو فاهمة ايش يعني زواج ومو مستعدة تشيلي المسؤولية لان النتيجة معروفة
كوني متاكدة الزواج حلو وفطرة بالانسان بس لازم يكون للاسباب الصح وتكوني مستعدة لهالحياة الجديدة وفاهمة حقوقك وعارفة متى تشتكي ومتى تستري على الي يصير بحياتك وتعرفي ايش حدود التنازل الي ممكن تقدميها بدون ماتنضري وتفهمي ان الدين الاسلامي عطاكي حقوقك كاملة وان مافي شي اسمه زوجي خاتم باصبعي او ان الزوج يكسر راس زوجته ترى مو حرب للاثبات مين الاقوى ومين الي كلمته تمشي الزواج شراكة وسكن ومودة ورحمة وحب نظيف وسامي
اتمنى الموضوع يكون خفيف ولطيف واتمنى ماينقل