الى كل ماما فى حواء.. عنوان غير واضح + سؤالك مكرر .. الرجاء البحث

بنت كيوت :

هلا حبيبتي ... الله يحفظ لك بنوتك ... ويهديها يا رب... بقولك تجربتي مع بنتي "نجود" الغاليه الله يحفظها... وان شاء الله اقدر اساعدك... قبل اي شي خليك صبوره ولا تعصبين او تصارخين على البيبي لما يعملها بثيابه سواء بالبيت او بالخارج ... بس في نفس الوقت كوني حازمه معاه يعني وبخي بس بدون ضرب او صوت عالي لان ممكن يعند او يخاف ويتعقد<<< الحاله النفسيه مهمه... بالنسبه للبدايه ... ..بالبيت .. * خليها بدون بامبرز طوووووووول النهار لا تلبسينه حتى لو عملها بالثياب لا تزهقين وتلبسينها بامبرز... وتقولي بعلمها مره ثانيه... هذا اهم شي المثابره... * حاولي تدخلينها الحمام كل ربع ساعه... لا تغفلين عنها ... او كل ثلث ساعه على حسب يعني ... واساليها قبل لا تدخليها اذا كانت تبي تدخل الحمام ... يعني " ها ماما فيج سوسو يا حياتي ؟" ممكن تقول لأ وتصر انها ما تدخل الحمام بس انتي خلي دخول الحمام متعه لها....شلوووووووووون؟ 1. اشتري لها نونيه بالوان تحبها واذا تختارها بنفسها يكون افضل... او خذي لها الغطاء اللي يصغر فتحة الحمام وانتي بكرامه ..." بمذر كير " او اي مكان يبيع لوازم الاطفال...<<< ان شاء الله تكوني فهمتي علي... شقصد...<<< اذا ما فهمتي ان شاء الله احاول انزل صوره... 2. لما تعملها بالحمام لا تنسين التشجيع بالصوت والكلام الحلو... " يا شاطره ... يا حلوة... انتي كبيره"... انتي زي بابا وماما تدخلي الحمام... 3. واذا في معاها بيبي في العائله وعمره مقارب ويدخل الحمام خليه لها مثل أعلى >>>" انتي شاطره زي فلان... او اذا واحد ما يدخل الحمام... العكس مثلا انتي احسن من فلان ... ما يدخل الحمام... يلبس بامبرز... واسفه ما بقدر اكمل الحين لان مشغوله....ان شاء الله البنات يفيدونك اكثر.... وان شاء الله لي عودة

هلا حبيبتي ... الله يحفظ لك بنوتك ... ويهديها يا رب... بقولك تجربتي مع بنتي "نجود" الغاليه...