عزيزاتي المغتربات

انا اخويا عايش في امريكا له سنة تقريبا

وقالي انو اللحم والدجاج يشتريه من بقالات عربية

وكمان تلاقي في هذي البقالات منتجات مفرزنة جاهزة زي السبرنغ رول وخلافه كلها حلال تعملها شركة كندية

وكمان كان يرسل ايميلات للشركات او يتصل بمطاعم عشان يعرف اذا لحمهم مصعوق او مذبوح

وقالي كم معلومة .. رح اكتبها لكم اتمنى انها تفيدكم

قالي اذا المطعم يهودي ... كلي وانتي مطمنة لانهم يذبحو وما ياكلو لحم خنزير ولا يشربو خمر

أما اذا كانو نصارى .. فيحتاج تسألي لانو بعضهم يذبح
والي نصارى مو مرة " يعني مو ملتزمين" مو ضروري يذبحو

وكمان مامدحلي في ماكدونالدز

وقال انو في محل يبيع همبرجر عنكم اظن اسمه
IN-N-OUT
هذا سألهم وقالو انهم يذبحو ... يعني كلو منه وانتو مطمنين

وانبهو على موضوع الخمر في المأكولات مو بس الخنزير

والله يعينكم وييسر رجوعكم ونفرح فيكم :27: