الى كل مغتربه في الكويت رجاء خاص

واااااااو 27 وحده تدش و لا وحده فيهم ترد بكلمه

شوفي حبوبة انا اول وحدة بترد انا بحرينية وزوجي كويتي وفي بداية حياتي بالكويت تعبت كثير لين تأقلمت لعدة اسباب اولها اهل زوجي وتحديدا ختة من اول يوم زواجي قالت لي كل اللي حضرو العرس قالو عنك جيكرة ومن هالكلام اللي يعقد مع العلم ان كلامها مو صحيح المهم انا خذيت موقف من الناس وصارو اهل زوجي هم كل شي عندي وكنت اتحمل البهاذيل منهم لانهم هم الموجودين وبعد كلام اخت زوجي كرهت اتكلم مع أي كويتية لحد ماصارت مشاكل مع اهل زوجي انزويت بالبداية لأني كارهة الكويت وأهلها بس الوحدة صعبة مع الوقت بدات اتعرف على بنات كويتيات وبالتدريج صارو اكثر من اهل لي بالكويت ونسوني غربتي والضروف اللي اهل زوجي حطوني فيها تخيلي يوم اهل زوجي منعو عني الاكل كانو رفيجاتي يطرشولي اكل كامل ومايبون يحرجوني يقولون لي بنذوقك طباخنا وصرت اروح اصلي التراويح معهم والله اني كنت ظالمة بنات الكويت بحكمي عليهم من كلام خت زوجي الظالمة
انا طولت عليكي بالحكي بس عشان اوصل لكي انة جنة من غير ناس ماتنداس اهل الكويت يمكن ماهم منفتحين يعني مايتعرفون بسرعة بس مع الوقت لازم تكونين صداقات ومجتمع حق الطلعات والجمعات وفي اماكن حلوة كثير بالكويت شنو تبين وانا ادلك واي شي تبينة عيوني لك

:39: على فكرة بقسم ساعدوني في ديوانية الكويت سجلي فيها بتستفيدين

اختي مشكوره على اهتمامك و نا صراحه تاسفت على موقفج لاني ريت تقريبا بنفس الشي بس انت على ااقل اهون لانج خليجيه بس شيصير فللي ما يعرف حتى اللهجه
الله يعين

الله يعينكم

بس اذا ليش ما ترحون دروس الي تقام في مساجدنا ان شاء الله هناك تلاقون صحبة جيدة و تتأقلمون معاهم