الى كل من ................. إدخل و تعرف ..

بسم الله الرحمن الرحيم .

السلام عليكم و رحمة الله و بركاته .. و بعد .

إلى من نزع الله من قلبه الغيرة ..
إلى من نزع الله منها الحياء ..

إلى كل غيور أكبرت فيه هذه الصفة ( الغيرة ) و له باع طويل في مجال الدعوة ..

السلام عليكم و رحمة الله و بركاته ..

بداية أشكر كل من أدلى بدلوه أو قرأ موضوع ( ترهبنا حتى في حجابنا ) ..

ثانيا و بكل واقعية .. ما أعتقد إن فيه أحد ممكن يلومني إن تكلمت في موضوع الحجاب مرة ثانية لأن اللي يطالعونا فيه بنات الحرمين بنات الأرض الطاهرة اللي شرفها الله تعالى بنزول القرآن فيها و وجعلها خير أمة أخرجت للناس .. ما يخلي أحد يسكت ..
و هنا أسوق لكم بعض الصور .. لنات الحرمين ، سعوديات 100% ومن بنات ( القبايل ) التي عرفنا عنها شدة الغيرة ..

في مدينة جدة .. و تحديدا مركز الأثاث ( إيكيا ) .. حيث تقابل عددا كبيرا من الناس .. ماتعرف هم سعوديين ، عربيين أو غربيين ( بدون مبالغة ) إلا من اللهجة .. مايشدك في المركز على كبره وتعدد أدواره إلا المناظر المخزية اللي يظهرون بها نساء المسلمين .. و إليك الأمثلة :

امرأة ( آخر ماكياج ) تقل رايحة زواج .. و طبعا لا تنسى البلوزة و البنطلون ( الجينز و غيره ) .. و العباية متروكة للهواء يحركها كيفما يبغى .. و الطرحة من نص الشعر .. و الشعر (على فكرة يعني ) مصبوغ أصفر و منثور ..
بصراحة أول ما شفتها نهائيا ما أدركت إنها عربية .. كلش لأن بصراحة منظرها ما يدل على كذا .. المهم آخرة السالفة .. ما أدري و إلا صوت نسائي يكلم ولد صغير بعبارة ( ياواد تعال ألعّبك ألين يجي أبوك ) ,, التفت مثل ما التفت غيري إلا و خويّتنا اللي سبق و صفها هي المتكلمة بصراحة أنا ع نفسي انصدمت ما صدقت نهائيا إنها هي اللي كانت تتكلم ..

صورة ثانية : في نفس المكان وحدة ثانية تمشي مع ( يقولون رجّال ) _ أنا عن نفسي أستحي أقوله رجال لأنه لو رجال ما وافق لزوجته أو أخته إنها تطلع بها المنظر _ إذا سألت ليش ؟؟
أقول لأن المرأة نفس المنظر السابق تقريبا اللهم إنها ماهي لابسة طرحة من الأصل ..
( هيا بالله هذا رجّال .. سلامة الرجال )

صورة ثالثة : ( منظر عجيب متناقض ) 3 نساء : الأم .. و بنتين .. وحدة في حوالي 23_ 24 سنة
و الثانية تقريبا 8 _ 9 سنوات ..

و ين الغرابة ؟؟؟
الغرابة في المنظر .. طبعا العائلة كلها عبايات على الكتوف ..
الأم : طرحتها من نص الراس ..
البنت الكبيرة : الشعر فرنسي منفوش و بدون طرحة ..
الصغيرة : طرحة ملفوفة مايبان منها إلا الوجه و جزء من الجبهة .
يعني بالله من الأولى بالستر ؟؟ !


أخوتي الفضلاء يؤسفني إني أرسملكم ها الأحداث ( لكن طالما أحنا موجودين .. لازم يكون فيه دعوة ) ..

اللي يقهر في الموضوع إنك تشوف ( لوح ) - عذرا على هذي التسمية - أعني آدمي طول بعرض يمشي مع هالمناظر و لا ياكله قلبه و غيرته على نسائه ..

( الحمد لله الذي عافانا ) ..


ختاما إليكم :

<FONT color="#FF0704">صورة مشرقة</FONT>

تحكي إحدى الأخوات الثقة في مدينة مكة المكرمة ( تحديدا في مركز المغربي الطبي ) تقول الأخت :
رحت للمستشفى للعلاج ( خبركم حجابها عباية على الأكتاف غطا و طرحة .. فقط ) .. المهم تقول : و هناك في غرفة الانتظار جلسنا و معانا وحدة مايبان ظفرها من العباية اللي لابستها ..
المهم تقول التلفزيون مقفول قامت البنت الصغيرة ( بنت الراوية ) فتحت التلفزيون .. و الا شوي و صاحبة العباية الساترة تقول ( هازا حرام و يؤدي إلى النار ) تقول أغلقناه و جلسنا نتصفح مجموعة من المجلات ( ماجنة ) و شوي و الا هي تقول ( هازا قراءته محرم ) ..
تقول : شوي جلست أحاول أتكلم معها إلا و الله ما تتكلم عربي .. يوم كشفت و إلا هي أمريكية بشعر أشقر و عيون خضراء .. المهم تقو لطالعت في حجابي .. واتكلمت بالانجليزية كلام فهمت بعضه و بعضه لا ..
كان من بين اللي فهمته إنها قالت .. انتم بنات الاسلام في بلاد الحرمين كيف يكون حجابكم كذا؟؟؟ ..
تصور أمريكية تقول هذا الكلام ؟؟

سبحان الله .. تقول الأخت و الله إني خجلت منها خجل ما تتخيلون كيف .. يعني شلون وحدة أمريكية مالها من دخلت الاسلام إلا شوي و حنّا اللي من زمان زمان نعرف الإسلام شلون تنصحنا ..


أخي الفاضل .. أختي الغالية :
قارن بين الصورتين و احكم بالنتيجة ..

أخيرا لدي وصية :
يا معشر الرجال / اتقوا الله في نسائكم ..
يا معشر النساء / اتقين الله في حجابكن ..

الأخوة رجال الدعوة .. أصحاب الأيادي و الوجوه النيّرة .. أين دوركم في هذا المجال ..

جزى الله الجميع كل خير ..
و ردنا و إياكم إليه رداً جميلا ..

وتقبلوا تحياتي ..