من خلال تجربتي لاحظت ان أفضل الحلول للتوفيق بين البيت والأولاد والزوج هو

تنظيم النوم لك ولأولادك وانك تصحين بدري

صدقيني راح تخلصين معظم شغلك ويكون عندك وقت فراغ كبير .

ياليت فعلا نكتب شئ هادف مع كل تعريف بأنفسنا وحجز مكان
علشان لايذهب فائدة الموضوع سُدى

أنا ام ..وعندي اطفال...مسؤولتي مابين زوجي واولادي والنت وعلاقاتي الاجتماعيه
أحاول
احيانا اعجز واقصر ..للأسف ...
حتى اكون قريبه من اولادي
وضعت جهاز الحاسوب في الصاله ....حتى اكون قريبه منهم ومن مذاكرتهم ..واحتياجاتهم
مع المدارس يكون الجو افضل معي
فأهل المدارس ينامون ...بدري
يبقى وقت لي ولأبو العيال وطبعا الصغير معنا في أكثر الاحيان

اتخذت الليل للخلوه بنفسي وبواجباتي نحو النت ..(هذه النقطه بالذات لاأعلم مدى صحتها)
لأن الكثير بدأ ينتقدني...ومع ذلك احس اني ماشيه صح ..

طبعا ما عندي شغاله (لا اؤيد تواجدها في بيتي )
شغل البيت هو ما يأخذ تفكيري
لذا استعين باطفالي في مساعدتي احيانا

بصراحه كلامي قد يطول

لكن مثل هذا الموضوع اراه مهم جدا ...فبارك الله فيك وفي طرحك هذا الموضوع لنستفيد جميعا

انا بالنسبة لي قدرت الحمد الله اوفق بين بيتي وبين زوجي وبين بنتي ماني مقصرة عليهم بشئ اما سابقا فكنت طالبة فماقدرت اوفق والحمد الله الحين تخرجت بس مااتوقع بالوظيفة اني اقدر اوفق فبلا وظيفة بلا هم اما بالنسبة لنفسي برضو مهتمة فيها بس المشكلة عندنا نظااااااام النوم متخربط...

وان شاء الله ينتعدل عن قريب...

انا عندي خمسه الله يحفظهم .................عندي شغاله الحمد لله بس الصغار مخربطين نومي

والشغاله ما لها غير التنظيف الطبخ واهتمامات الاولاد طبعا علي والله لو اقدر من غير شغاله ما كنت

دخلتهن بييتي وجربت فتره من غير هن وتعبيت الكذب خابه ما قدرت اوفق بيين البيت والاولاد والزوج

هذا من غير الرهاق والتعب .................بس فيه نقطه ما اقدر اسيطر على اعيالي من ناحية

العفسه الي يسونها يوم يلعبون حاولت بكل الطرق بس ما قدرت............ويوم اشوفهم بها الحاله اخاف يطلعون اتكاليين.........................هذا الي عندي وياريت تفيدوني

الفكره رائعه وانا معاكم