ان شاء الله تكونون بأحسن مزاج لقراءة الموضوع ^_^
طبعا الي يدافعوا ويفتو من عندهم بشأن اهل مصر واهل جدة والمدن الي تصير فيها كوارث
صح قلنا نساند اخواننا لكن مو تصل إلى اننا نتكلم عنهم !
يعني تو شفت موضوع عن وحدة حطت فتوى شيخ الكل قام وتكلم يعارضها بألفاظ ويقولون انتي ما تحسين ومدري ايش والله البنات مدري وشفيهم رسالة لهم :
اذا كنتم عايشين بالكوارث هذي عادي نقول تعبرون عن رأيكم بأدب لكن العجيب الي تجي لا هي عايشة بالمصايب هذي وتتتكلم من عندها وتعارض بأسلوب غرييييييييب وتقول انتم ما تحسون الخ الخ ...
كذا تعطي صورة سيئة لها وللي يوافقها بالرأي !
والله صراحة صراحة انا شفت اخواتنا المصريات :) ما عملوا زي الي عملتوه بالعكس هاديات وكلامهم ذوق وما يتهجمون على احد ماشاء الله عليهم مع انهم هم الي عايشين بذي الحادثة لكن فيهم قوة صبر وحلم :)
وماقالوا مثل بعض الاخوات الله يهديهم لدرجة وصلت انهم يكفرون الشيوخ !
طيب خلاص لا تتكلمي كذا الا اذا عشتي مع اهل المصيبة
دافعوا عن آرائكم لكن بأدب هذا الي ابي اقوله شي مخزي جدا نشوف ردود قوية وكلها سب وشتم وتكفير وهمز ولمز والمشكلة بعالمنا الجميل :44:واصحاب هذه الردود بعضهم لا ينتمون لاهل المصيبة لكنهم يتكلمون بدل عنهم ويشوهون صورتهم !
لازم نتكاتف ضد هذه الردود وننصحهم بالرسايل الخاصة عشان ما نحرجهم بالموضوع لأن حتى النصح لازم يكون بأسلوب وليس تهجم كمان
اذا بغيتي تتكلمي عن ردك لازم يكون بأسلوب جميل وذوق عشان الكل يقتنع فيه ومافيها مشكلة لو تعارضت الردود لا تاكلون بعض عشان اختلاف الآراء !
وبس هذا الي بقوله
