الى كل من فاتها قطار الزواج

اخواتي اتمنى نعيش بواقعيه اكثر من ناحية موضوع الزواج وطبعا مافي شك ان العنوسه بالسعوديه تجاوزت المليون اعتقد الرقم قريب من هذا موضوعي وطبعا كل وحده داخله للمنتدى بلقب مافي احد عارفها
ماهي النصيحه اللي كنتي تتمني احد ينصحك فيها او سمعتيها من احد من قريباتك او في مناسبه من ناحيةالزواج وان القطار فاتك او على وشك يفوتك
ابدا بنفسي والحمدلله راضيه بالقضاء والقدر -النصيحه سمعتها من كذا وحده العمر فات ارضي في اي واحد المهم الستر؟؟؟؟
النصيحه اللي اتمني وحده صادقه وحابه تنصحني فيها ليتني في السابق بدال ماكنت اصرف المال على اشياء تافهه
من عطورات وملبس ليتني بنيت مسجد او حفرت بئر في مامعنى الحديث (اذا مات ابن ادم انقطع عمله الا من ثلاث علم ينتفع به او صدقه جاريه او ولد صالح يدعو له)
ليت وحده نصحتني احفظ القران واغتنم العمر بدال ماكنت على الداخله والطالعه اسمع همز ولمز لتاخري بالزواج
ليتني كرست حياتي للعلم النافع وتفريغ المحاضرات على الانترنت وزيادة رصيد حسناتي
ليتني كثفت الدعاء في امور الاخره مع ان عادي الواحد يجمع بين الدنيا والاخره لكن صار عندي قناعات ان الاخره خير وابقى وماعند الله باق
ليتني جمعت مبلغ محترم لكفالة يتيم - لقول الرسول صلى الله عليه وسم (انا وكافل اليتيم كهاتين)
ان شاء الله نتدارك مابقي من العمر بدل من انتظار عريس الغفله
انتظر ارائكم