في ليل موته جيت انا بيوم ميلاد
طفل يتيم والبكى في عيونه
صدر عن الدنيا وانا جيت وراد
لاشك نجمه لامع وسط كونه
كني انا والحزن في وقت ميعاد
فقدت فيها غالي يذكرونه
لو يسألوني يوم انا كنت بمهاد
افز بسمه كل ماينطقونه
ياقبر وش ضميت من ذيك الاجساد
الله ياضمت ابوي الحنونه
محتاج له وادري انا عنه ببعاد
النفس بعده بالحياة مغبونه
ادوره باعايده في يوم الاعياد
لاكن تذكرت البشر يدفنونه
كان الألم في داخل الصدر يزداد
وقلبي على الوالد تصافق شجونه
اعاني الحرمان في صبر وجهاد
وانا أحمد الله والملا يشكرونه
اعاند الدنيا وانا بيتم بعناد
نفس العزيز اللي يدوس المهونه
كثر البكا بفقد العزيزين مافاد
ودمعي على خدي تسايل مزونه
ابوي ملفى للأكاريم الاجواد
الطيب ساسه كلهم يمدحونه
بالطيب ماخذها على روس الاشهاد
حر ولد حر طوال ردونه
عساه بالجنه على انهار ووراد
مقره الفردوس والله يصونه
:unhappy::unhappy::unhappy:
وش دنيتي مــن عقب مــوتك يايبه
صارت بعيني شيّ متناهي الصغر
صارت حــمول ثقال فوقي متـــعبه
صارت حزن وهموم وغــــموم وكدر
من عقب موتك والسعاده مُـحجبه
وشلون تشرق وانــت بايت بالقبر
الحزن يالغالي في كل يوم اشربه
حرقة غيابك صـــارت بجوفي جمر
*********
دقات قلبي تزيد بحرتن فيها
والدمع من مهجتي بالحزن ذرافي
من لوعتن ياعسى ربي يجليها
حمى غشتني بغم وتنفض أطرافي
ليت الليالي تعود بحلو ماضيها
هيهات ترجع بماروح وماطافي
كلن يعزي وانا روحي اعزيها
رحيل ابوي اللي بالأفضال معطابي
آه من الوقت والدنيا أثنيها
دنيا تفرق شمل بالحيل تنعافي
بسمتك ياوالدي مانيب بناسيها
تضحك إذا شفتني بالخير متعافي
ليت العمر ساعته تنباع وأشريها
بأغلى ثمن يايبه للعمر تنضافي
مسجدك مشتاق للآية وتاليها
منبرك من عقب مافارقت له فاضي
وارشلك من عودك برجلك أغطيها
أشم ريحه وكنك مقبل لافي
نظارتك شلتها حزني يبكيها
حتى المساويك لاحت بين الأرباب
عصاك مسنودة جيت أباحاكيها
تقول يكفيني مافيني ترا كافي
بستانك اللي به النخلات تسقيها
يبست سواقيه تمره دون خرابي
يبه يبه يايبه
يبه يبه يايبه
يبه يبه يايبه لمن بطريها
هني من له ابو حي وينشافي
فنجال قهوه معاك اوقات اغليها
ويضمني بالشتا في مشلح دافي
همزت رجليك انا فدا مواطيها
ارجي لبرك عسى ماتشكي خلافي
الأرض ضاقت علي بأوسع فيافيها
ماذقت نوم هلي والأنس متجافي
فضايلك يايبه عجزان اوفيها
لووصلت بالشعر بيت الألف من
قافي
يارب تجعل إلى الفردوس ناصيها
ومن ثمار الجنان الخضر قطافي
//
مخرج....
اللهم اغفر لأبي وارحمه ...
اللهم اجعل قبره روضه من رياض الجنة ..
اللهم انقله من ضيق اللحود الى جناتك جنــــات الخلود..
اللهم ادخله الجنان واغفر له يـــــــــا رحمن..
وأمـــــــوات المسلمين اجمعين....:(
nais sss @nais_sss
عضوة جديدة
يلزم عليك تسجيل الدخول أولًا لكتابة تعليق.
ŔŏỌŏ7
•
محتاج له وادري انا عنه ببعاد
النفس بعده بالحياة مغبونه
ادوره باعايده في يوم الاعياد
لاكن تذكرت البشر يدفنونه
كلماااااااااااااااااااااااتك في الصميم .. ياليت الموت ينتخير وانا اختااار والله لفديها بروحي ولاهي كثيره..
الله يرحم والدك..’ واختي واموات المسلمين ويغفرلهم
النفس بعده بالحياة مغبونه
ادوره باعايده في يوم الاعياد
لاكن تذكرت البشر يدفنونه
كلماااااااااااااااااااااااتك في الصميم .. ياليت الموت ينتخير وانا اختااار والله لفديها بروحي ولاهي كثيره..
الله يرحم والدك..’ واختي واموات المسلمين ويغفرلهم
nais sss
•
ŔŏỌŏ7 :
محتاج له وادري انا عنه ببعاد النفس بعده بالحياة مغبونه ادوره باعايده في يوم الاعياد لاكن تذكرت البشر يدفنونه كلماااااااااااااااااااااااتك في الصميم .. ياليت الموت ينتخير وانا اختااار والله لفديها بروحي ولاهي كثيره.. الله يرحم والدك..’ واختي واموات المسلمين ويغفرلهممحتاج له وادري انا عنه ببعاد النفس بعده بالحياة مغبونه ادوره باعايده في يوم الاعياد لاكن...
أكثر من قصيدة مما راق لي وجمعته
الله يرحمهم ويغفر لهم ويجمعنا بهم بجنات النعيم يا رب ..
ويسكنهم الجنه ..
وربي عورنــــي قــلبي حييييييل :44:
ويسكنهم الجنه ..
وربي عورنــــي قــلبي حييييييل :44:
الصفحة الأخيرة
قبل تقديم الرد
عجزت أفهم هل هي قصيدة وحدة والباقي توقيع
أو أكثر من قصيدة
وهل هي لك