الى كل من نفسها بولد تتفضل

السلام عليكم
راح احكيكم قصة حملي قبل ٨ سنوات عشان اعطيكم امل وان الله معنا في جميع امور حياتنا
انا كنت حامل وكنت نفسي في بنت قبل ٨ سنوات وكل ماسويت سونار قالوا لي بنت ووحامي واحلامي كلها بنت وحتى بالخامس قالوا بنت ميه بالميه بثلاث عيادات كلها بنت وجهزت كل شي وردي وسميتها وشريت الفساتين والاغراض كل شي حتى قصاص الاظافير وردي😂 وماشاءالله تبارك الله كانت سنة حمل سبع من قريباتي حوامل مابيننا كثير المهم انا كانت ولادتي اخر وحده وولدوا هم ورا بعض بينهم من شهر وشهرين وكلهم جابوا اولاد تبارك الرحمن انا هنا بديت افكر ببنتي انها بتكون وحيده بين اولاد وتتعب نفسيتها منهم وشلت هم حبيبتي مابيصير لها صديقات ووالله اني باقي اسبوعين واولد كنت انام واصحي قبل الفجر بساعه واقعد امشي وادعي ان ببطني ذكر سليم معافى وادعي بيقين كل يوم الين ولدت ماقطعت الدعاء في الثلث الاخير اقسم بالله تفاجات في كشك الولاده يوم ولدته قالت لي مبروك ولد وكل شي واضح فيه كان انا انصدمت وفرحت مع بعض اقسم بمن احق الحق ان قصتي حقيقيه وولدي الان عمره ثمان سنين يدرس يالصف للثاني ابتدائي وكل اصحابه اللي انولدوا معاه بنفس الصف😂 احمد الله واشكره ع عطاياه وكرمة وفضله
عشان كذا اكثروا من الدعاء وتفائلوا دائما وظنوا بالله ظن خير اسال الله ان يعطيكم حتى يرضيكم ي كريم
اعتذر عن الاطاله حبيت انقل تجربتي لكم❤️
ادعوا لي بالحمل السليم المعافى ❤️