الى متى؟؟؟

ماني عارفة كيف أبدأ..وأدري انكم بتقولون لي احمدي ربك عالعافية غيرك ما حصل النعمة اللي انتي فيها...بس أنا حسيتكم خواتي وودي أفضفض .مشكلتي اني تعبت من شغل البيت والجري ورا العيال والتنظيف وراهم والطبخ والنفخ والغسيل والكوي ...من أصبح الصبح الين قبل لا انام وانا أكرف بتقولين نظمي نفسك...منظمة نفسي بس المشكلة البيت والأسرة كبرت وكبرت معها المسؤولية .وفوق هذا تربية العيال ومتابعتهم ومذاكرتهم وفي الإجازة اذا بغينا نروح لأهلي(هم في مدينة ثانية)برضو تعب لأن أبوهم على ما ينزلنا يرجع للبيت وما عاد يسال ولا يدري عنا ...أنا اللي أطلعهم وأمشيهم وأشتري ملابسهم وأدور بهم في الاسواق وهو ما عليه الا انه يجي ياخذنا اذا بغينا نرجع البيت..يعني على طول الخط شايل يده ومريح دماغه سواء في البيت وللا برا..وإذا تكلمنا قامت القيامة فوق راسي...وأنا حاسة اني تعبت بدا جسمي يتعب وأعصابي تتلف وما عاد لي خلق ولا لشي ..حتى زوجي ماعادني طايقة وجوده في البيت ولا احب اتكلم معاه ...لانه من يدخل البيت وهو يتأمر حطوا غدا ابغى عصير وين الحلا طلعيلي ملابس (حتى لو الملابس جاهزة قدامه)وسوي وافعلي وابغى وابغى ...من يقوم الصبح وهو ساكت وان جا اول شي يسأل عنه الغدا(يعني امربديهي انك بتجي تلقى غداك قدامك)وعلى قد ما يشوف اني تعبانة وزهقانة وطفشانة ما يحن قلبه يوم ويقول آخذهم أمشيهم وللا أزود لها فمصروفها بدال الكم قرش للي ماتجيب همها..وللا اغير لها شي في الببت كمفاجأة ...يعني على قد ما ابذل من جهد والحمد لله مكملة من كل شي الا اني ماني شايفة حافز يخليني اتعب نفسي علشانه...اللي حتىخدامة مستخسرها فيني...ياترى بتظل حياتي كذا وللا أهج واترك الجمل بما حمل وللا اصبر لين اطق واموت...دلوني