بسم الله الرحمن الرحيم
السلام عليكم كيفكم حوائيات ان شاء الله بالف خير وعافيه
اليوم بطرح موضوع اغاضني عشان كذا حبيت اعرضه عليكم حتى اشوف ارائكم وتعليقاتكم عليه
زوجي كان مع جماعه من الناس ومن ضمن حديثهم تطرقوا لموضوع الحج يعني من الحج منهم ومن الي ماحج,وكان منهم بعضهم حاجين ومعاهم حريمهم ,فقال واحدمنهم كلام بصراحه اغاضني ورفع ضغطي ودخلت مع زوجي في نقاش مع انه مو اهوا الملام بس ابي افش خلئي على ماقالوا مع اني ولله الحمد قضيت فرضي وخلتصت بس قهرني بالمبدئ حقه
يقول الرجال انا ماني مجبور احجج زوجتي اذا انا اخذتها من عند اهلها ما حجت وش ذنبي ادفع الوف عشان اججها:mad:
بذمتكم هذا كلام عقلا,انا ثارت اعصابي منه بصراحه
في كلامي هذا انا مابيكم تفهمون مني اني اغتاب الرجال اعوذ بالله انا بس باخذ فكرة الموضوع حتى ابعد عن المحضور وابتكلم عن عقليت الي يفكر هالتفكير لان فيه ناس يوافقون هالراي هذا
يعني الي يفكر التفكير هذا وش ينقال عنه الا انه نذل واناني وما يحب الا ذاته وبس ونفس الوقت جاهل لانه جهل باحكام الدين الي تقر للمرأه حق في النفقه
اذا حتى المطلقه لها نفقه على زوجها فما بالك بالزوجه الي تكرف ليل نهار:time: وتطبخ وتنفخ وانتوا حضراتكم تجون للبيت بعد سمرتكم وتبونها تستقبلكم احسن استقبال رغم عناها وتعبه لكم طول اليوم وبعد كذا تاخذون حقكم الشرعي منها وغير كذا تحمل وتتحمل عناء الحمل شهور وانتوا ولا حاسين وتمر على الموت في الولاده وما خفي اعظم وبعد كذا تربي لكم اولاكم والله العالم وش كثر تشقى وتتعب معاهم ,لو تغلط غلط بسيط قلبتوا البيت عليها ولاكانها سوت لكم شي يرضيكم في حياتها:angry:
ولو يتكفلون بربع ماتمر فيه الحرمه من اعباءوالله مايصبرون الله المستعان
لا ويجون يقولون وش ذنبنا نتحمل مصاريف حجها
ليه انتوا مااخذتوا منهم حقوقكم وتبون تسلبونها ابسط حقوفها,يعني مايدرون ان النفقه واجبه عليهم زي ماطاعت الزوجه لكم واجبه عليها,ولابس تبون حقوقكم تمشي وهي لا,زي ماقالوا حكم القوي على الضعيف
اصلا لا مذهب ولا دين وعرف وعقل راجح ينكر حق الزوجه في النفقه ,عشان تدرون بس انه غباء واسذاجه وانانيه وجهل في احكام الدين
طيب بنات بسالكم سؤال لو وحده راحت عند ابوها وقالت ابي فلوس زوجي يقول خلي اهلك يحججونك وعلى حسابهم ,وش تتوقعون بيكون ردت فعل ابوك او اخوك من الوضوع؟
اكيد بيقول زوجك هذا مو رجال هذا دلخ ومايستاهل انه يكون زوج:04: لو قاعد عزوبي صايع في الشارع احسن له
ياعيباه ويافشيلتاه اني اطر اهلي واقول زوجي الي يقول كذا استغفر الله العظيم
يامال الفقر الي يحتكم يالي تفكرون هالتفكير :mad:
انا ودي اسالهم على هالتفكير سوال,
من تنتظرون يحج بهم اذا انتوا رافضين هالشي؟
يعني اذا هي تزوجت 18 او 19متى يعني تبونها تحج؟16 او15,واذاكان الابو ياضعيف الله عنده غيرها بنات على كذا يقعد طول عمره وهو كل سنه يحج بوحده والماديه مايندرى عنها كل هذا والله عشان خاطر ازواجهم يرتاحون
مع احترامي للي يفكر هالتفكير لو يفطس ارحم له من انه يفكر تفكير غبي زي وجهه
سامحوني على الاطاله
رغم انتشار الفضائيات وتصفح الانترنت مازلنا نرى اشخاص عقولهم متحجره ويبون بضطهدون الحرمه بالي هي به
لا ويبون يوصلون للعالميه بشباب عقولهم تنك
ماهمه الا الحرمه قالت والحرمه سوت
ولا تعطي الحرمه وجه
والحرمه ماتستاهل
وه بس وه الله يصبر هالحرمه عليكم:44:
بس للتنويه
انا لست متحيزه لبنات جنسي بل هناك رجال بمعنى الكلمه في الاخلاق والدين والرحمه والادب وحسن التعامل والعقل الراجح لانوفيهم حقهم مهما قلنا فنحن نحبهم عندما نسمع عنهم اونراهم او نتعامل معهم فهم كثيرون ولله الحمد
فانا أؤمن بالمثل الذي يقول اصابعك مو سوى
فكما ان هناك رجال لايستحقون نسائهم
ايضا هناك نساء لايستحقون رجالهم.
والادهى والامر بان تخرج هذه التصرفات من اناس يحملون الشهادات العليا,وفي المقابل اشخاص لايحملون الشهاده ومع ذلك فهم يفوقونهم في التفكير الراقي والراي السديد بكثير
حتى تعلمون فقط انه غباء وتعصب وقلب متحجر.
الله ينصر الضعيفات على الظالمين وياخذ حقوقهم منهم يارب
في النهايه شاركون ان حبيتوا بتعليقاتكم
واذا ماعندكم تعليق ارفعوا الموضوع ب لا اله الا الله محمد رسول الله
وصلوا على الحبيب المصطفى عليه افضل الصلاة واتم التسليم
سبحانك اللهم وبحمد نستغفرك ونتوب اليك
اكبروتكبرمسؤلياتي @akbrotkbrmsolyaty
عضوة فعالة
يلزم عليك تسجيل الدخول أولًا لكتابة تعليق.
manoo..
•
نفس كلام عسوله اللي سمعته ان الاهل هم الملزومين بحجة بنتهم مو الزوج حتى لو كانت متزوجه
النفقه غير والحجه موضوع ثاني ماله علاقه بنفقة الزوجه
النفقه غير والحجه موضوع ثاني ماله علاقه بنفقة الزوجه
يؤؤؤؤؤؤؤؤؤؤؤؤؤؤه يقهر بقووه
بس تصدقين قريت مره انا لآزم البنت قبل مآتتزوج الاهل يحججوها
بس حتى ولو عادي تحج مره ثاانيه
بس كلآمه يقهر
الله يعين زوجته
بس تصدقين قريت مره انا لآزم البنت قبل مآتتزوج الاهل يحججوها
بس حتى ولو عادي تحج مره ثاانيه
بس كلآمه يقهر
الله يعين زوجته
طيب مو خلاص البنت راحت لزوجها وزوجها ولي امرها
هيا جيبو لي دليل على مين لازم يحجج البنت الاب او الزوج
هيا جيبو لي دليل على مين لازم يحجج البنت الاب او الزوج
الصفحة الأخيرة
لاتستغربين زوج صاحبتي مو براضي يحججها يقول اهلك ملزومين وسبحان الله اخته زوجها قال نفس الكلام قامت قيامة زوج صاحبتي وقلب الدنيا يقول هو المسؤول وانتي قايمه بكل شي وووووووووووو
وصاحبتي تقول والله اني فاتحه فمي شبرين للهوا واقول وين اللي اهلها ملزومين فيها
بس سكتت خوف من كف يجيها وهي موبداريه