الى متى الخيانات الزوجية ؟؟

السلام عليكم ورحمة الله وبركاته

بنات اشلونكم وش أخباركم انشالله كلكم بخير

المهم هذا أول موضوع أكتبه وأبي التفاعل منكم عاد واعذروني على الأسلوب أوالتعبير لأني موذاك الزود في التعبير وما أدري اذا كان هذا الموضوع انكتب من قبل ونوقش فيه أو لا

موضوعي يحكي عن الخيانات الزوجية أنا بصراحة دخلت المنتدى قسم المشاكل الاجتماعية واللي لاحظته ان الخيانات الزوجية متصدرة المشاكل والراس يشيب لأن كل الزوجات صغار وتوهم متزوجين وحرام اللي يصير لهم يعني الزوج ما أمداه يمل من زوجته ويفرح فيها الا فيه غيرها على الويتنج لست .

وأنا في رأي وحللتها أقول هذا أكيد الزوج من قبل لا يقبل على الزواج كانت هذي حياته وهو عايش فيها لأن مو معقول ماجات البنات واحلو في عينه الا لما تزوج صح كلامي؟
وقرأت عدة أراء منها انه الرجال هو السبب في هدم حياته بمغامراته الشبابية
الرأي الثاني الحرمة يمكن مقصرة في شي بس هذا يمكن تكون فئة قليلة جدا لأن ما امداها حتى تتعرف على شخصيته وأشوفهم حريصين ومو عارفين وش يسون لأسعاد هالزوج وطايرين فيه بعد
الرأي الثالث البنات الرخيصات وأنا أقول ان البنت الرخيصة مثل الشيطان مايوسوس الا للنفس الضعيفة
وأراء اخرى ما أتذكرها ألحين بس المهم خلونا نناقش هذي المشكلة ونسمع الأراء وكل وحدة تطرح اللي عندها من بعد تفكير لأن يمكن الكلام تسمعه وحدة متضررة وتنفذه فلازم يكون الرأي جدي
وأنا أقول للحرمة اللي تكتشف زوجها خاين لا تتسرع وتطلب الطلاق وحتى اذا اتأكدت من خيانته اذا كان عمر زواجهم مايتعدى السنتين لأن يمكن هذي بقايا العزوبية وراح شوي شوي يمل منها ويتعود على حياته النظيفة الخالية من المغامرات والا انتو وش رايكم ؟؟؟؟؟
نبي تفاعلكم وأرائكم