الى متى العسكري الفرد مظلوم اه اه اه

اللي اعرفه راتب العكسري الفرد اللي لسه باول الطريق اقل شيء 6 الاف ويوصل ل8 الاف على حسب القطاع التابع له

مو معقول تتنكدين وتصير مشاكل بسبة الفلوس وهذا راتب زوجك , الا في حال كان عليه قروض هنا ماالومك ابدا خاصه ان هالبنوك تزيل البركه من الراتب

ونظام دوامه قولي الحمدالله على النعمه عالاقل ماسك وظيفه حكوميه وهذا ربع الشعب عسكر ومرتاحين مع ازواجهم

في رجال يداومون دوامين يطلع من بيته الصبح مايرجع الا اخر الليل ... وبالاخير على تعبه هذا مايجي اللي يطلعه شيء جنب راتب زوجك

انتي كل اللي عليك تقترحين على زوجك ترتبون اموركم الماديه ولاتنسون الصدقه لو بشيء بسيط

اول الشهر قسمي هالراتب على احتياجكم ومبلغ يتحول صدقه او وقف ومبلغ ينشال على جنب للزنقات

اذا لك معارف وعلاقات صيري مندوبه حق شركه مافيها راس مال ولا حوسه بس اعرضي واطلبي لهم والربح خذيه بجيبك ابسطي نفسك فيه

والله ييسر اموركم ويرزقكم من واسع فضله

العسكري اكثر واحد مظلوم مع انه اكثر واحد يتعب ( يعني شغلة العسكريه متعبه مو على قد راتبها )
بس الحمدلله راضين
احسن من لا شيء

تصدقو من الراتب علشان الله يبارك لكم وانظري في الجوانب الثانيه من حياتك الصحه الذريه وراحة البال وأحمدي الله عليها أنا زوجة عسكري والحمدلله راضيه ومقتنعه وزوجي يتصدق كل شهر والحمدلله مانحتاج نتسلف من أحد وزوجي ماعليه ديون الأ أقساط البنك

اوك صحيح راتب العسكري صغير
لكن على قد شغله تقولي يطلع الفجر يجي من بكرا
لكن اغفلتي انه اجازة بعدها يومين
يعني واحد يشتغل ٢٤ ساعه ويأجز ٤٨ ساعه شي طبيعي يكون راتبه كبير
واما ع الاجازات ماشاء الله اشوف عسكر زوجي مايجلسوون ماغير فرفره بحريمهم
وبدون اجازة يقول لووجي بطلع بالاهل كذا يوم يقوله روووح توكل دربك خضر
بدون مايسجل له غياب ولا يحسب من رصيد اجازاااته الرسمية
وفيه اللي عندهم معارض سيارات وهم عسكر وعندهم حرمتين وثلاث لكن يشتغلون اضافي مؤسسات باسماء زوجاتهم واولادهم ووووووشغلات مقاولات وكذا ..... وكمان اكثرهم شغالين بالغنم يكسبون منها ماغير يحطون هندي يقووم عليها كمشرووع اولي وبعدها يدخلون بالجمال والبعارين ... عاد هم بدو اغلبهم يعرفون لها
ففكري بهالشي اذا فيه مجال لكم لو بدايته دين
لانو نصيييييحه اذا تقاعد لاي ظرررف حتى لو ما كبر سنه
بيروح راتبه فيها بيصير ١٨٠٠-٣٠٠٠
يعني الراتب ال ٦ وشوي هذا كله بدلات يروووح عند خصم الراتب بالتقاعد
اذا جاك ازلاد وكبروا بتصيرون مضغوووطين جدا
الافضل خططوا لحياتكم من وانتم صغاااار الان
وووحطي هالكلام حلق في اذنك
(( صبركم على نفسكم ... ولا صبر الناس عليكم ))
اطلعوا بدين كم سنه لين ربي يفتحها عليكم بمشرووووع
وووووطلقوا العسكرية بالثلاث
ً
ً
ً
صديقتي كان زوجها عسكري اول حياته وكمل دراسته وفصل من العسكرية وتقدم لوظايف ادارية بادارة تعليم الغاط ..... وترقى ترقى لين وصل نايب مدير تعليم حايل
ماشاء الله لاقوة الا بالله تقاعد ودرررس وبعدها فتح مكتب محاماة والان شغال قضايا
والله منعم عليه
زوجتين ومزارع وبيوووت وحلال وعماير

ما الومك..والله يكون بعونا

الشق اكبر من الرقعه