يعني حرام ان الافراد يعطونهم رواتب عدله ولا سكن يأمن على عياله وهو في العمل
ضغوط نفسيه من كل جهه
مطبقين مثل جوع كلبك يلحقكك ومكرمين العسكر عن هالمثل!
وبعدين ترى حتى كلية الضباط مو اي احد يقبلونه..ولدي يوم بقى يسجل فيها حاطين في تعبئة البيانات بين قوسين اكتب اسم القبيله..بالله عليكم يعني الكلية بس للقبايل طيب والعوايل الحضر شلون
ولا لازم واسطات
الله يرزقنا من فضله ويبارك لنا في راتبنا هذا اللي اقدر عليه

منو هذي الغبية اللي تتزوج عسكري هذي نظريتي دايما ماحب وظيفتهم مو عشان الراتب لا ؟ كان الوحدة متزوجه على ثلاث حريم هههههههه ماينشاف الزوج العسكري فالله يعينكم ..
المهم ماعرف كم راتب العسكري لكن كانكم تقولون 6000 الاف ريال حلوة صراحة ماشوفها قليلة والانسان لازم يقتنع باللي اعطاه له ربي ..اهم شى تكونين قنوعة وبعدين شنو سالفة الدرج بالموضوع مافهمتها ؟
احمدي ربج على الصحة والعافيه وهذا اهم شى ..

احنى ما نبغى زياده رواتب بيت ملك ذبحتنا الايجارات
او يزيدون الراتب عشان الايجار الايجار هم
واذا اتاكم من ترضون دينه وخلقه فزوجه يكفيني صلاته فالمسجد
حسبنا الله سيؤتينا من فضله انا الى الله راغبون

الجيش بالذات مظلومين الافراد فيه رواتب ضعيفه ولا سكن والترقيات تتوقف سنين بسبب تسلط الامراء والقاده

زوجي له سنتين مستحق الترقيه بس مااخذ الدوره الي تأهله بسبب ان الامير يحط على مزاجه

احيانا دوره كامله يتحضرون لها شهور واخر شي حضره جنابه يطنش ويلغيها الله يلغي العافيه من جسمه

حسبي الله ونعم الوكيل بس انا زوجي يقول على الاقل حنا شباب وعندنا 2 او 3 اطفال نتحمل ال6000 و 7000

لكن الشايب الي عنده فوق 9 عيال او 8 وراتبه مايتعدى 9 كيف يعيش

احنا نعرف عوائل حالتها والله ماترضي مسلم ولو تشوفونهم بتعرفون ان الزياده للافراد ضروريه جدااا

لان ظاهره الفقر انتشرت بين الافراد العسكر في ال5 سنوات الاخيره وحتى في عسكري ضابط لكن متعاطف معهم الله يجزاه خير سوا بحث كامل بالصور والاسماء وارسله للرياض قبل 7 شهور ومااحد اعطاه وجه



ياجماعه لاتقارنون بين الفرد والضابط الله يوسع عليهم ويزيديهم يارب المساله ان الافراد مظلومين جدا ورواتب غير معقوله

المفروض ترتفع لو 2000 ريال نعمممه هم مايبغون يعيشون بترف يبغون يعيشون بس وياكلون زي العالم

ويامنون مستقبل عيالهم ببيت ملك

بالله اذا مات العسكري المنتف وعليه قروض مالها اخر وديون والحرمه تقعد بها بعيالها ال4 اذا ماكانوا اكثر لا بيت ولار اتب زي الناس لان الراتب ينخسف ويصير بحدود ال3000 بالله ايش تسوي هاذي في هالزمن



بالنسبه للي تهين العسكر وتحط من قدرهم

الله يسامحك وبس مدري ايش اقول غير كذا



اما الي تقول ان 6000 حلوه ومو قليله

احسبي معي ياحلوه

اخس شقه 3 غرف وصاله وقديمه تلقينها ب1500

القرض 2500

الفواتير تاخذ 800 ريال

مقضى الاكل الشهري ياخذ 600 ريال ويالله يكفي لاسبوعين

300 ريال مصاريف العيال اليوميه للمدراس

الصندوق العقاري 1900



عاد شهريا العسكري يتسلف من 2000 ريال عشان يستري طماطم وخضار وحليب عياله وحفايض واشياء اساسيه مالها دخل بالترفيه



ياناس تعاملوا بانسانيه معهم و التفتوا لهم قسم بالله ان الفقر خطر خططططططر على هالديره

الولاء يزيد لما الدوله تمنح المواطن عيشه كريمه

الحين العسكري لو تقولينه له اعطيك وظيفه بقطر براتب اعلى قص جوازه ومشى من كثر حاجته

الناس يبون يعيشون

للاسف العسكري نكره صار لا راتب ولا احد حاس فيه نص العسكر حريمهم عن اهاليهم معظم الوقت لان مايقدرون على مصاريفهم

يموت العسكري ولا احد يدري عنه ارملته الي ينقطع الراتب بالشهور عليهم واخر شي 2500 او 3000 بس يالله تسدد ديونهم عشان توكلهم



ياناس عطوهم لو بطايق تخفيض للاسواق مثل العثيم وبنده للاكل بس ترى وربي الحال يرثى له

العيد بالعيد ثلاثه ارباعهم محد قادر يضحي من كثر ديونه ولا لبس لعياله ولا يحزنون يحمدون ربهم اذا قدر يعطيهم عيديه ريالين



نفسي مذيع ولا احد مشهور يمسك هالموضوع لان جد الفقر متفشي بين العسكر والله انا مستعده اعطيه اسماء عوائل واحياء يالله يلقون الي يعيشهم

الموضوع كبير ومهم لانه يمس امن
والله ان الفقر في هالفئه بالذات اكبر ضرر عالدوله

لا حول ولا قوة الا بالله العلي العظيم ..