الى متى قسوة القلوب،،

السلام عليكم ،،انا عضوه جديده عندكم وارجو اني اكون ضيف خفيف ع قلوبكم جميعا واتمنى ان تكون ردودي ومواضيعي لديكم غير ثقيله،،
انا لن اكتب قصتي مع معاناة الاهل او الزوج او اهل الزوج بل ساكتب عن محور مهم يجمعهم الا وهو العنف وقسوة القلوب
الواحده منا لما تتمشكل مثلا مع زوجها او اهله اكيد يتروح عند اهلها طيب اذا لقت تجريح واهانه عند اهلها وين تروح ،،نادرا مالقى واحده اهلها عازينها ومعطينها حقوقها كامله قدام زوجها وهذا الشي بيخلي زوجها واهله يعتبر لها الف حساب
يمكن يمكن يصلحون اهلها معها كذا عشان ترجع لبيت زوجها وبسنا فضايح الواحده تصبر وتسكت ولا تروح لبيت اهلها خلاص زوجناكي وصرفنا عليك قبل ليش جايه
بس اذا العيشه مع الزوج لاتطاق ،،الزوج اذا شاف الواحده تكره تروح لاهلها عشان الاهانه واعذاب لاطفالها من خوالهم او خالاتهم راح يذلها وكل شوي يقول روحي عند اهلك
بعض الاهل هداهم الله ،،ماهمهم الا سمعتهم وبس كنت عند اهلي بعد مشاكل مع اهل زوجي ،،زوجي ضعيف واهله يمشونه ،،ولمارحت لاهلي سمعو لمشكلتي وسكتو وكان عندي بنت واحده تمنيت انهم وقفو معي لكن اخذو ياخذو ويزودون بكلامي عند اهل زوجي عشان اتضايق واطلع من البيت حتى مصروف زوجي مارسل ،،ابوي يصرف علي كل شهر وكانت امي تاخذها وتقول ميتين تكفيها وثاني يوم اخوي ياخذها مني ويوعدني ان يرجعها وماقلت لاحد كنت اخذ ذهب بنتي وابيعه عشان اشريلها لبس واشريلي معها وامي تضحك ع ابوي كل شهر تسحب من مصروفي وتقول احنا اولى بهالفلوس ،،هذا غير الطبخ والنفخ وخواتي الخمس نايمات ولا قاعدات وامي ماتقولهم شي ،،في ذاك الوقت تمنيت ان عند اهل زوجي بس بكرامتي ولا عند اهلي بمذله ،،حتى كانو يعنفون بنتي بالضرب ،،لاتقولو هذي تتابع مسلسلات ولا افلام هنديه ،،والله هذا الحاصل ،،يمكن هذا درس لي عشان اتعود اسكت ع المذله من الزوج ،،بس ضاقت بي الحيل وقعدت ماسويت شي بالبيت قابلت بنتي وجتني حاله نفسيه،،ضليت طول الوقت نايمه ومحد يكلمني ،،تمنيت ان زوجي يكلمني وارجع له بس يجي وياخذني ،،ظلم اهلي وقهرهم لي خلاني اكره ارجع لهم ،،ضعف نفسي دفعني اني اسكت عن حقوقي فكرت الام مثل الامهات وفكرت الاخوات خوات بس طلع كلن همه نفسه ،،دقيت ع زوجي من تلفون البقاله وقلت له تعال خذني ،،الرجال طلع لي شروط اني ماطلع من البيت واني ماراح اعطيكي رضوه ولا اراضيكي بشي،،قلت خلاص جهزت شنطتي وشاف اخوي الشنطه قلت بمشي بكره علما اني جلست عند اهلي سبع شهور ،،سبع شهور من المرض والقهر والحرمان حتى بنتي ماقدرت احضنها لانها تذكرني بابوها وضلمه معي ،،ابوي فرح لي وقال هناك تعيشين احلا اذا صبرتي ،،،اثاره عارف كل شي بس خايف الناس تتكلم،،رجعت ومعي الكسر بقلبي ،،شفت السخريه بعين زوجي ذاك اليوم وولقيت احلا استقبال من امي له،،،كانها تقول لي محد يعيش بهالزمن الا القوي كانها تقول نافقي واكذبي حتى تعيشي
حتى لما وقفت التنظيف عندهم راحت تشتكي لابوي واخواني وتقول الحرمه بس نايمه وتاكل وتشرب واحنا نخدمها هنا دق ع زوجها ياخذها ،،،والله ع كل حرف صادقه فيه
اكيد بتقولون مافيه اهل كذا لكن هم اهلي اهلي اللي تمنيت انهم يقدروني عند زوجي واهله وجماعته
لا اخفيكم اني السبب الاول لانها حياتي انا بس اذا الواحده ضعيفه ماتعودت تاخذ حقها بيدها من يوم هي صغيره تعودت ع العنف الاسري والاضطهاد النفسي تخيلت ان الزواج هو اللي بيعيشني بعيدا عن هذا العالم اللي مايعرف معنى اسره
رجعت لبيتي ووعدت نفسي اني اصبر واسكت بس فرحت وارتحت ان اهله ماراح يدخلون بيتي لان زوجي اخذني دون علمهم
قلت اعرف شخصيت زوجي وش يحب ووش يكره عشان اسعده واكيد راح يسعدني
في الشهور اللي كنت فيها عند اهلي ماكنت احافظ ع صلاة الليل كثيرا كنت تعبانه نفسيا كنت اخاصم بنتي بدون سبب
فما كان بديني بعد رجوعي الا ان ادعي ع من ظلمني عند الناس وحطو فيني كلام ماقلته بس عشان ارجع لزوجي منذله ويفتكون من مصروفي ماكان ببالي حتى اكمل دراسه
كنت محبطه جدا ومكسوره من من ،،من اهلي اللي المفروض الواحده تحتمي فيهم مهما صار بينها وبين الناس
الان عندي اربع بنات الحمد لله مع الصبر والمشاكل وتطور بشخصيتي بفضل صلاة الليل والدعاء وتمسك زوجي بي بعد ماعرفني وعرفته تمنيت ان الزمن يرجع ولا اروح عند اهلي اللي مهما سمعو عن سعادتي مع زوجي اخذو بالاستهزاء وكانهم مايريدون لي الخير مايحبون اكون مبسوطه ،،الان قلت اذا بنتي صار مع زوجها شي ع طول اخذها بالحضن ولا راح اكسرها واذلها عشان مصروف ولا كلام الناس راح اعزها ،،واعلم زوجها ان وراها اهل مو اي احد


حتى مرات ودي اشترط يسكنون عندي بس عشان اوصل لزوج ان الاهل عز وفخر للبنت من الناس اللي باذونها ،،،جزاكم الله خير لانكم قريتم قصتي كامله وارجو المشاركه فيها وراح اتقبل اراؤكم واقتراحاتكم برحابة صدر