مشاكلهم من تالي طفح منها الكيل وبلاويهم صارت على كل لسان مقاطع توصف الـ حال .. الله المستعان !
بلاوي الـ خدم ،! ..
تربيه خدم ..
خدامه مخليتن الدرعا ترعا ،!
في يوم خميس تسكر شارع عبدالرحمن الغافقي بـ مخرج 11 من الزحمه بسبة ان هكا الـ خدامه متغلدزه
وتحلطم راسي والف سيف الا بنتحر اخذت لها سكين يعني شوفوني تراي جازمه
وطلعت فوق العماره
جو الاسعافات والعالم يحترونها تطب .. عقب ساعه ونص هونت ونزلت ..ولسان حالها يقول اثر الموت مهب لعبه !!
كثير نسمع عن جرايم من هالعمال هنود بنقال بكستن الله لايكثرهم ، قتل اغتصاب استراحات لصنع الخمور ويبيعونها على الجحلط ..
وكثير نسمع عن قضايا الشغالات سحر .. تكفيخ بزران .. تحاول تقردن كفيلها .. تقردن لها اقرب عامل وان ماحصل
فتحت باب البيت واكلف ماعلييها تهج !!
وكله بـ راس الكفيل ،!
من يبي يجيبها .. من يبي يقدر يوصل لها اذا تآمرت مع عصابه .. يستاجرونها بالشهر بضعف القيمه
او اعمال دعاره تاكل وتشرب وتنام وتاخذ ضعف راتبها من يحصل له !!
لا رقيب ولا حسيب لهالامور .. والي ياكلها علقه هالي دافع ومتخسر لين قال آمين عشان
يجيب شغاله تضف بيته .. تكوي ثيابه .. تغسل لعياله
بعضهم ماينلامون يلقون معامله سيئه من اهل البيت . هو حرمان من الاكل هو ضرب هو شتم الله لايبلانا ياخي اتق الله فيهم ..
بس الاكثريه شبعو وفسقو ومايبون الكرف مادري يعني جايبين حضرت جنابك تقشرين بصل ولا ترقصين لنا ؟
وعلى طاري الرقص لنا وقفه مع التنكس .. و الـ زار خخخ
الله الله بالمعامله الطيبه معهم لتفادي شرورهم وبلاويهم .. الله الله بالحرص والمراقبه لاتخلون الدرعا ترعا
ياكثر الي ركبو كميرات مراقبه وشافوو بلاوي لدرجه انهم ماصبرو عليهم وتعبت نفسياتهم صارو يجيبون خدامات بالساعه ترتب البيت وتذلف ويادار مادخلك شرّ
انتبهو لعيالكم منهم .. لا سواقين ولا شغالات كثير يعتدون عليهم ويسرقونهم و يغررون بهم ويلعبون بافكارهم !!
الله يكفينا وياكم شرهم من منطلق حرصنا على بيئه ومجتمع جميل خالي من العدوانيه ..
خصصنا زاويتنا فلها وربك يحلها عن الخدم ومشاكلهم من الى ..
تعرفنا على اراء بعض الاعضاء والاسباب الي ادت لتفاقم المشكله والحلول من وجهه نظرهم ..
وكان معنا كوكبه من الاراء النيّره لهم كل الشكر ..
ليتني همك ..
الخادمة , عماد بيت الأسرة السعودية هذه الأيام .. و اليد العليا و الأساسية – والوحيدة غالبا - التي تحرك البيت ..
الخادمة .. المرأة الأجنبية – في الغالب – و التي تكون مهمتها مساعدة الأسرة في شؤون البيت من تنظيف وتهيئة الاكل وتربية الاطفال ..
أحيانا تتخلى الأم عن تلك الأدوار وتقع كاملها على الخادمة..نتيجة لذلك , كل يوم وفي كل جريدة نسمع بجرائم الخادمات ومايفعلنه بأهل البيت وخصوصا بفلذات الاكباد.. وما يمارسنه ضدهم ..
فـ على صعيد الأطفال ..
هناك عدة أنواع للعنف الممارس ضدهم :
( عنف جسدي , عنف نفسي , عنف جنسي) وكثير من الأطفال يتعرضون للثلاثة كلها ،!
فينتج في المجتمع جيل مريض .. عنيف.
اما الأزواج ..
فالعنف الممارس ضدهم إما يكون من مبدأ الغيرة والحسد بالتفريق بينهم ..
او رغبة بالرجل ويصل الى الفاحشة والعياذ بالله
وهناك قصص كثيرة يكون الرجل فيها غافلاً ثم تقوم تلك الخادمة بإبتلائه ..
وهذه بعضهن ..( القصص أدناه إما حدثت في محيطي , أو سمعت بها من أصحابها)
إمرأه عاملة تستقيظ من السادسة صباحا لتذهب لمقر عملها وزوجها لايذهب الا عند الثامنة ..
في يوم مثل باقي الايام ذهبت الزوجه في السادسة ... وعندما استيقظ الزوج بعد ساعتين من ذهاب زوجته
همّ بالخروج فوجد تلك الخادمة تنتظره عند باب المنزل الداخلي .. متزينه متعطره وفي أبهى حُلة
الرجل وقف في مكانه مندهشاً .. ففهمت أن ذلك هو علامه الرضا من الرجل ..
فهّمـت اليه وقامت بتقبيـله ..فهرب الرجل الى سيارته (وتعوذ من ابليس) وجلس في سيارته غير مستوعب لما حدث!
ومن الغد أستحدث مشكلة مع الخادمة وسفرها بدون علم زوجته عن القصة الحقيقية ..
(طبعا انا هنا ماأوفق الرجال على تصرفه .. انا كان ودي انها تأخذ لها علقه من الرجال او زوجته ومن ثم تسـفر)
اما القصة الثانية.. فحدثت لنا عند استقدام خادمه فلبينية .. وعند تفتيش أغراضها وجدنـا
( قمصان نوم لانجري ..اندر وير تبع اخر الليل ..ميك اب من وإلى, بــوت..بالإضافة للكـيلون !!
هذي خدامة تبي تشتغل بـ بيت جايبة كل هالشغل هذا ليه ؟
الا اذا كنا نبي نحسن النية ونقول تبي تلبسهم لنفسها قبل النوم)
اما الحادثة الأخرى ..
كان في البيت خادمتين .. فخرجت كل أفراد العـائلة الى خارج المنزل وبقي أبنهم (19 سنة ) الذي كان يلبس ملابسه في غرفته استعدادا للخروج مع أصحابه..
وعندما خرج وجد تلك الخادمة تخبره أن الخادمة الاخرى (25) سنه تنتظره في الملحق الخارجي وأنها تحبه وتريده
فأجاب انه موافق لكن لها أن تمهلها بضع دقائق ليجلب غرض من سيارته .. وخرج الأبن ولم يعد الا عند عودة أهله .. وعند علمهم قاموا بتسفيرهن جميعا !!!
تلك القصص التي ذكرتها تثبت انه (غالباً) ماتكون الخادمة هي التي تبلى رجال البيت ..
طبعاً الخادمات شر لابد منه ( إلا من رحم ربي ) .. ولدي بعض الإحتراسات التي يقوم بها الرجل ليخلق مهابة له عند الخادمة..
اولا:أن يضع بينه وبينها حواجز ..
أي عندما يريد شي لا يكلمها مباشرة بل يطلب من إحدى أخواته او زوجته
وهي تقوم بالحديث مع الخادمة.. أي لايخلق معها أي مجال للحوار بأي موضوع كان ..
عند وصول الخادمة ..تخبرها صـاحبة المنزل أن رجـل البيت لا يحب أن يرى الخادمة أمامه..
وأن رأها فقـد يُحدث مشكلة مع صاحبة المنزل ( يعني اذا شافته قدامها تدخل المطبخ وتروح لأي غرفه مو تكمل شغلها )
ايضاً .. عدم خروج العائلة مع وجود أحد الشباب
او الأب في المنزل..( مو قلة ثقـة فيكم لا بس هم اللي صاروا يبلوون الرجال وهو غافل احيانا .. <<ترى هذي دائما كلمتي لأخواني  
كذلك .. يجب على العائلة عدم إحضار أكثر من خادمة إلا للضرورة القصوى.. (لأنه أصبح هذه الأيام جزء من برستيج العائله وجود أكثر من خادمة )
وإن أُوجبت الضرورة من الأفضل احضارهم من جنسيات مختلـفة .
( لأنه اذا صاروا جنسياتهم مختلفة, تقوم كل وحده تفضح بالثانية عشان تطلع عند المدام هي الأمينة والكويسة)
طبعـاً ملف مشاكل الخادمات ملف كبير لانستطيع أن نصل الى نهايته أو نغلقه.. فأنا هنا أن تكلمت عن مشاكلهن مع الطفل وإبتلائهم للرجل ..
لا ننسى مشاكل السحر والسرقة وهروبهن..وإمتلاء بلادنا بتلك العمالة الهاربة التي سببت كثرة الجرائم والسرقات وبيوت الدعارة في ثراء بلادنا الطاهر ..
أسأل الله العظيم أن يكفينا شر كل من أرادنا أو أراد بلادنا بسوء وأن يشغله في نفسـه..
ووقانا الله شر فتنتهن
’’’’
نديم ..
الخدم وهروبهم افة ابتلت بها العوائل والسبب نوعين
بعض ربات البيوت تحسب انها مالكة الشغالة ملك يمين وتوريها نجوم القايله اللي لنا مدة ندربل ماشفتاها
او اغراءات من بعض العماله اللي امتهنت تشغيل الخادمات الهاربات !!
من مواقف الشغالات الهاربات
كان عندنا شغاله من سيرلنكا بها تصرف غير طبيعي ..
تحب تاكل الرز ني بدون طبخ
وتحصل جيوبها مليانه رز واقشم على مهلها
المهم طالبناها تكلمنا عليها لاتموت علينا بسبب الرز الني فهربت يوم
وبمكتب الخادمات الهاربات التابع لمكافحة التسول لقيتها وتصيح ابي اشتغل مابي اسافر
طيب ليش هربتي يالقشراء !!
ويموت الموظف ضحك يوم عرف انها تبي الرز تلهمه ونسفرها نخاف نورط فيها
الثانيه اندونيسيه اشتغلت عندناسنتين ونصف وكلما اعطيتها الراتب تقول بابا خليها مابي ارسلها ابيها قبل اسافر ..
بيوم مالقيناها ولا شنطتها وادور بمكتب الخادمات واحصلها
وتجلس تصيح بابا رجعني للبيت انا غلطانه وحده من جيرانكم تقول اهربي واخذك براتب زياده ..
قلت طيب تكلمي معنا لك مده طويله معنا
قالت غلطانه طلعني من هنا لانه هنا بجلس اكثر من شهرين عشان يسفروني
قلت للموظف اسف خذ رواتبها وتذكرة وجوزاها ولا عاد ابيها لانها هربت فماعاد تصلح تعيش بينا !!
Eva ..
مممم الخدم وما ادراك مالخدم
تصدقيـن من كثر ماعانينا من اننا نجيب خدامه بفيزا وتهرب
اعتمدنا كلياً على اللي بدون اقامه ؟؟
قبل كنا مرتاحين تماماً مع العماله المغربيه بس لاسباب اضطرينا نتخلى ونلتفت للفلبين كسواق او خادمات ..
لكن تعالي شوفي اللي يصيـر ..
اكبر خطا لو عند اهلك خدامه بدون اقامه وتتعرف على وحده فريش توك جايبتها بقراطيسها ماتكمل شهر شهرين الا وهي هربانه معاها ..
والادهى والامر لو هربت بعد غرام وقصة حب واشواق مع حارس جيرانا :|
عانينا كل الامور للأسف هروب سووايق
هروب شغالات
سرقه وهروب ..
كل هالاشياء شفتها منهم
ومن يوم جبناهم بون اقامه وهم كويسين يعني مايطولون حق سنه سنه ونص ويطلبون يطلعون ويجون غيرهم
لان عندهم قناعه انه المفروض مايطولون عند نفس العائله فهمتي ..
الحل بنظري يا يمحونهم اللي بدون اقامات يا يتركونهم وخلاص كفايه خساير على فيز وبالاخير يطيرون بشهر شهرين ..
الافـلاجي ..
عز الله عرفتو تختارون من تتكلمون عنه البلوه الي ابتلينا بها ..
مره من المرات ركبت مع سواق تاكسي في الرياض من قرادتي رايح لخويي
وتارك سيارتي على بالي اني بريحها مسكت غلط ذاك اليوم إلا واشوفه مطلع شي ابيض مثل الدقيق وسواقته مش ولا بد
والله واغير الوجهه قلت له نزلني هنا خلاص هونت مابي اروح للمكان الي ابيه ابي الفكه منه والله وانزل وانا اقول الحمد لله على سلامتي ما يعرف يسوق وشكله مدمن أما عن الخدامه مره من المرات قبل 3 سنوات
رحنا لجده خميس وجمعه عشان نروح لمكه نعتمر
وتركنا الخدامه عند ناس نعرفهم
لانها مهيب مسلمه ما امدانا نوصل لمطار جده إلا ويكلمنا خوينا يقول خدامتكم هربت
عاد جدنا طفشانين منها قالت الوالده الله لا يردها مهوب من زين شغلها !
نرجع للسواقين اتذكر يومني بزر عند خالي سواق وكنت على بالي محرم لاهلي
اوديهم واجيبهم مع السواق المهم ما كنت ادل في الرياض وتخبرون الحريم وحده تقول يمين والثانيه تقول يسار والخبل السواق
يعصب ويوقف في نص الطريق ومهوب اي طريق طريق الملك فهد
والعالم تضرب له بواري طاااااط << كذا ويكرمكم الله مسكر الدريشه ويتفل على باله انه معصب خخخخخخ
وعقبها نردها في كودو نروح نفغم تشوفون كل ما شفت كودو جتني حاله نفسيه
أما الي خلتهم مستوطنين وزير العمل ومافيه حمايه للمواطن تشوفونهم يجون ويحوسون ويسرقون البلد
ويروحون بعكس الدول الثانيه وياليته على كذا إذا طس ما شفناه راجع بالعكس عندنا ينطبق المثل شين وقوي عين ما يتم شهرين إلا وهو راجع
على طاري الرجعه ..
فيه واحد قدم له سواق هندي اعرفه المهم بعد سنه تعنفق عليه السواق قال ابي زياده في الراتب والمشكله مهيب اول مره يطلبون زياده
يعني خلال سنه زوده مره وطلب المره الثانيه قال اقول شكلك تبي السفر قال مافيه مشكله << هز راسه يقلده يفكركم تشوفونه
المهم وسفره خوينا وقدم على سواق بس ما جاه نفس السواق ولكن وهو في المطار يشوف سواقه الاول جاي في الرحله الي فيها سواقه الجديد خخخخخ
اسعد الله بس يعجلون ببصمه العين عشان ما يفر من الحكوومه
الحلول من وجهه نظري ان الدوله تكون في صف المواطن مهوب ضده تجيب جهاز البصمه عشان مهوب يسرق ثم يرجع مره ثانيه بإقامه مزوره أي عامل
او شغاله تجي بعد ما تروح ياخذون رائي المواطن في سلوكياتها وشغلها تمام يستقدمونها للي يبيها
جد اشتغلت عشان يقللون من النصب مهوب واحد رفض الشغل بعد سنه ويتم استقدامه لشخص ثاني وش ابي به وهو رافض الشغل في بلدي ؟؟
بكل اسف شغلنا عشوائي في الاستقدام ولكن القصيبي ما شاء الله فالح في انك ما تستقدم اكثر من واحد وبشروط تعجيزيه ولكن ما فلح في إدارتهم
شمس الاصيل
الحديث عن العمالة المنزلية خصب ويحتمل التطرق لتفاصيل كثيرة يغلب عليها الطابع المأساوي غالباً .. نظراً لأن السلبي هو مايطفو على السطح دائماً
! سأكسر الحديث المأساوي واتحدث عن الإيجابي منه مع ارفاق قصة صغيرة سلبية حدثت معي شخصياً ..
احد عز أصدقائي تربى على يد امراة من الجنسية الفلبينية وهو في بحر المنتصف العشرينات حالياً ..
واستمرت هذه المراة معهم حتى هذا اليوم ..
ولانها بلغت من الكبر عتيا تم جلب خادمة خصيصاً لمساعدتها في مهامها. بمعنى أنه تم جلب خادمة لخدمة هذه الخادمة ,
والسبب انهم لايرغبون برحيلها ولو تحققت رغبتهم .. يريدون إضافتها في دفتر العائلة !
والقصة الأخرى حدثت معي شخصياَ.. بالصدفة وجدت قطعة جلدية تمت خياطتها بعشوائية بحته وكتب عليها رموز غريبة
وتم تصمصمها على شكل تعليقة عنق.. وللأسف لحد الآن محتفظ بها ولم أتصرف بها ولم اخبر أي شخص بذلك .. مضى على هذه الحكاية قراب الأ ربع سنوات
، والخادمة الاخرى وهي القائمة بكل مايتعلق بي وبأخي .. وأثناء قيام جدتي بجولة في المنزل وجدت في غرفتها
" أندر وير" خاص بي واعترفت الخادمة بانها تلبسه مع انه رجالي بحت
! وللأسف لازالت الخادمة موجودة حتى هذه اللحظة في بيتنا.. ولهذه اللحظة لم أفهم الغرض من ذلك !! .
جوهره الرياض ..
والله الخدم الحين مرره تمادوا مو زي أول يخافون ويستحون الحين خلالالاص تعودو من كثر ما يرجعون يشتغلون هنا ..
اذكر من زماااااااااااان عندنا شغاله اندونيسه والله ما ترفع عينها فينا من الحياء والأحترام وصوتها يالله نسمعه ما شاء الله عليها
ومخلصه في شغلها تشتغل وتنظف من دون ما احد يقولها ..
والحين في هالفتره كل ما جبنا شغاله اللي انحاشت واللي قامت تستهبل واللي تهاوش وما تبي تشتغل وتبي تسافر وهي توها جايه ..
وحاله جتنا شغاله فلبينيه واعوذ بالله تعصب وتنافخ وما تبي تشتغل اجل وشوله جايه ..
وبعدين انحاشت طلعت وركبت مع لموزين
ودار بها وبعدين رجعها
قال مدري وين تبين وجت وجلست عند الباب برى لا هي راضيه تدخل ولا هي راضيه تنقلع الله يفشلها
واخيرا سفرناها مع اننا كنا محتاجين ولا غلطنا عليها ابد
وبعدها جت اندونيسيه جررريئه وتجلس تاخذ المجله منا وتتفرج ولاعندها احترام ولا شيء وتجلس عند التلفزيون لا تستحي ولا عندها في أحد صرنا احنا نستحي نقول قومي اشتغلي
كل هذا من تعودهم ومن تخربيهم لبعض ..
ولد هجرة لبن ..
أنا ضد فكرة إستقدام الخادمات للعائلات غير المحتاجه
لكن للأسف واقع مجتمعنا يخالفني الرأي ..
أسره مكونه من زوج وزوجه وطفل أو طفلين وش الحاجه الملحه اللي تخليهم يستقدمون خادمه!
حتى لو كانت الزوجه تعمل, بأي منطق تترك أطفالها بين أحضان خادمه لا تعلم ماذا تفعل بأطفالها في غيابها ؟
الأسر الكبيره التي تتكون من عدد وافر من البنات يتحججون بإضطرارهم لإستقدام خادمه لإنشغال بناتهم في الدراسه بينما أغلب وقتهم على النت أو متابعات لستار أكاديمي والعراب والمسلسلات التركيه !!
لا أدري مالضرر في تخصيص يوم محدد في الإسبوع لكل بنت في العائله تقوم فيه بواجباتها المنزليه بدلاً من إستقدام خادمه تعودها على الكسل والملل والطفش!
في الدول المتقدمه يقسمون الواجبات المنزليه فيما بينهم بالتساوي بحيث تنتفي الحاجه لخادمه ترهقهم مادياً وإجتماعياً
وإن دعت الحاجه إستأجروا خادمه بدوام جزئي كم ساعه في اليوم فقط لكي تقوم بما يلزم وبعدها تقبض أجرها ومع الباب .
الخادمات سبب رئيسي للسحر <<< من جاب طاري الأندونيسيات
ولها دور كبير في إثارة الغرائز والإيحائات الجنسيه التي قد يقع ضحيتها زوج طائش أو إبن مراهق أو فتاه شاذه !
هذا غير السرقات ونقل أسرار المنزل إلى الخارج
أحد الأصدقاء يخبرني بقصه حدثت في حيهم, يقول:
إحدى الأسر تمت سرقة منزلهم بالكامل
من ذهب ومجوهرات ونقود وأجهزه كهربائيه وأثاث في ست ساعات فقط !
وهو الوقت الذي قضوه لحضور زواج أحد أقربائهم وعند عودتهم تفاجئوا بإختفاء المسروقات والخادمه!!
وبعد البحث والتحري عثروا على الخادمه التي إعترفت بإتصالها بعصابه تتكون من عماله من نفس جنسيتها لكي تخبرهم بأن أصحاب المنرل في الخارج تمهيداً للسرقه الكبرى ..
كما إنتشر في الآونه الأخيره هروب الخادمات من المنزل بدون أي سبب واضح
والقصه تبدأ كالتالي:
نوره راحت تزور إختها دلال وإجتمعت الخادمتين في المطبخ
خادمة دلال مستأجره وخادمة نوره على كفالتها
خادمة دلال المستأجره تقول لخادمة نوره النظاميه: وش تبين بذا الشغله؟؟
أنا حرة نفسي أشتغل بالإيجار وراتبي 2000 ريال وإنتي نظاميه راتبك 600 ريال !
بعد إسبوع هربت خادمة نوره !!
الخادمات شر مستطير لمن ليس في حاجتهم حاجه ماسه
أنا عن نفسي أعيش وحيداً مع والدتي ..
أنظف غرفتي وأرتبها وأحياناً أتناوب مع الوالده في إعداد العشاء
ولولا حرصي على راحة والدتي وبراً بها لما إستقدمت الخادمه أبداً أبداً
كفانا الله وإياكم شرهم وشرورهم ..
تمساحه ..
عن قصة والله كثير ولكن اهمها صارت قبل شهرين يوم سافرت خالتي للعمرة
وطلعت خادمتها لمحلات الكماليات اللي قريبة من الحرم ..
بعد هالرحلة صارت تجي مكالمات وازعاج على بيت خالتي
وبعد شهر تقريباً من رحلتهم أصبحت الصبح ما حصلت الخادمة ..
بعد كم أسبوع دقوا عليها الشرطة يبلغونها انهم حصلوها مع خمس رجال في مكان واحد والدعوة خبيتي الله يكرمكم ..
المشكلة سببها وجود شبكات تدعم هالشي وكثير خادمات توصلهم رسائل بطريقة مباشرة او غير مباشرة عن وجود وظايف لهم برواتب أكثر
في اعتقادي المشكلة ما لها حل من عندنا..
ولكن حلها بيد الحكومة اللي المفروض تكون حازمة اكثر مع المتخلفين والهاربين
يعني فكرة ان العامل يمسكونه ويسفرونه وشهر وهو راجع ؟؟ ما ادري النظام هذا وين يتطبق غير عندنا..
الله يخلف ولا يخالف
.
.
ـــــــــــــــــــــــــــــــــــــــــــــ
منقول للفائده
الله يكفي الجميع شرهم
تسلمي عزيزتي على موضوعك الرائع
تقبلي مروري