السلام عليكم ورحمة الله وبركاته
والله انه اقشعر جسمي من قصص سمعتها سببها
ان زوجة تعتقد ان زوجها حاط عينه على امرأة أخرى ، فتبدأ بتشويه سمعة
أي إمرأة تعتقدها إنها هي من و ضع عينه عليها ..!
وبتجمع الزوجات الاوليات والثانيات حروب طاحنه عشان هذا الرجال !!
وبالحياه الواقعيه امثله كثييير وقصص اكيد كلكم تسمعون مثل ا اسمع من قصص جرائم النساء تحت مسمى الغيره ..!
والى متى وباي عصر احنا حتى نشمت بالمطلقات !!
هم بشر قلب واحاسيس ومشاعر هم بالاخر (اناث) واذا الانثى ماقدرت مشاعر شقيقتها الانثى من بيحس فيها ؟
الى متى نلهث ونركض وناثم ونجرم عشان الرجال والله ثم والله لو وضع الزواج براسه ان يتزوج لو اعطيتيه الشمس بيمينه والقمر بشماله وهل اذا اعتقدنا اننا خسرنا هذا الرجال هل يعقل ان تخسرين الاخره عشانه ؟؟
عذبنا وقطعنا انفسنا نطبخ انواع الطبخات ونتزين ونلعب باجسامنا عشانهم نبي رضاهم نسب فلانه وننقص من قدر فلانه ونحسسهم اننا مجانين عشان لايتزوجون علينا واذا تزوجوا خلاص معناته نخسر الاخر معاه ؟؟
ليه ي اخواتي مو احنا مسلمات ؟
وننطق بشهادة لا اله الا الله ونخاف الله ونتقيه ليه ناخذ الناس برقابنا على دنيا فانيه
كل من عليها فان
ليه نظلم الناس ونحتقر المطلقات والارامل عشان دنيا زائله بالله ايش نتوقع عذابنا ؟؟
تدرون من اهون واقل اهل النار عذاب وايش صلة هذا الرجل بالرسول صلى الله عليه وسلم
جاء في صحيح البخاري عن النعمان بن بشير قال : سمعت رسول الله صلى الله عليه وسلم يقول ( إن أهون أهل النار عذابا يوم القيامة لرجل توضع في أخمص قدميه جمرة يغلي منها دماغه )
فما بالك بعذابك انتي وهيه وانا معاكم لو سبينا هذي ووضعنا من قدر هذي وقذفنا هذي وسبينا عرض هذي ؟؟وين بنروح من الله ومن عذاب الله وووووين
( إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم ( 23 ) يوم تشهد عليهم ألسنتهم وأيديهم وأرجلهم بما كانوا يعملون ( 24 ) يومئذ يوفيهم الله دينهم الحق ويعلمون أن الله هو الحق المبين ( 25 ) )
والمصيبه الشمااااااااااااااااااااااااته اقراو هذي الفتوى
الفتوى
حكم الشماتة في المسلم
السؤال س: ما حكم الشماتة في المسلم؟ وهل يكفي من قول حسبنا الله ونعم الوكيل؟
الاجابـــة
لا تجوز الشماتة بالمسلم ولا تعييره بما خلقه الله عليه؛ فإن في ذلك اعتراضا على الله في خلقه، وكذلك كل ما فيه تنقص بالمسلم ذكرا أو أنثى في السخرية بمشيته أو بكلامه أو بتصرفه، وكذا عيبه بما فيه على وجه التنقص والاستهزاء، ولا تعييره بما ليس فيه فكل ذلك مُحرم لما فيه من تنقص المسلم، وفي الأثر: لا تُعير أخاك بما فيه فيعافيه الله ويبتليك. ويكفي المظلوم أن يقول حسبنا الله ونعم الوكيل. والله أعلم.
الشيخ عبد الله بن عبد الرحمن الجبرين
والرسول صلى الله عليه وسلم يقول ( لاتشمت باخيك فيعافيه الله ويبتليك)
ومن عاير اخاه بذنب لم يمت حتى يعمله
بلحظة اغتيابك وقذفك للمسلمه محصنه تخيلي لو للحظه انك بمكانها ومافيه وحده مننا تثق ولا بمامن ان تكون بيوم من الايام مطلقه او متزوج زوجها او زوجه ثانيه او ثالثه او رابعه او ارمله او مريضه
ماتقدرين تضمنين الاقدار ممكن اليوم انتي بامان الله وبنعمه منه وبكره ينقلب حالك لاسوا حال من منا تامن عقوبة الله او مكر الله ؟
من منا تضمن الاجل والموت ,,الموت لو جاء مابيقعد يتخير هذي باقي يبغالها توبه وهذي فيها وهذي مافيها الموت اذا جاء جاء وانتي ادرى بعملك وادرى بقربك من الله او بعدك !
حدثنا أحمد بن عبد الرحمن - ابن أخي ابن وهب - حدثنا عمي ، حدثنا سليمان بن بلال ، عن ثور بن زيد ، عن أبي الغيث عن أبي هريرة; أن رسول الله صلى الله عليه وسلم قال : " اجتنبوا السبع الموبقات " . قيل : يا رسول الله ، وما هن؟ قال : " الشرك بالله ، والسحر ، وقتل النفس التي حرم الله إلا بالحق ، وأكل الربا ، وأكل مال اليتيم ، والتولي يوم الزحف ، وقذف المحصنات الغافلات المؤمنات " .
ي اخواتي الانسان في هذي الحياه مسير ماهو مخير يسيره الله عز وجل لما اراد له الله وكل انسان في هذي الدنيا ياخذ نصيبه جميل او قبيح قليل او كثير الارزاق بيد الله عز وجل وحده اعلم بمايناسب عبده
والهدف من الحياه هي الغايه اللي خلقنا الله سبحانه وتعالى من اجلها (عبادة الله ) والتقرب منه وذكره
ولو كل انسان بياخذ من الدنيا اللي يبغاه كان اختار لنفسه اجمل شي واحلى شي لكن الدنيا جبلت على الاكدار والمحن والابتلاءات ليعلم الله الصابر والشاكر والمؤمن والمنافق والكافر والمحتسب اتقوا الله
اتقوا الله اتقوا الله اتقوا الله كلمه تخر لها الجبال فاستشعروها ي معشر النساء
الله يصلح حالنا وحالكم ويغفر ذنوبنا ويردنا له ردا جميلا
واستغفرالله لذنبي وذنبكم