الى متى هالحال ؟ الله يعين

بقولكم سالفتي
انا بنت عمري 33 ما تزوجت  انخطبت كثيييييير بس ربي ما كتب نصيب 
معلمة حكومي وراتبي فوق الممتاز ولله الحمد 
راتبي لي اهلي مو محتاجين منه شي ولله الحمد 
مثقفه وجميله وطيوبه واحب الضحك والوناسة وما احب ازعل احد
حتى الشغاله لو زعلتها اتحسف واروح اراضيها 
مشكلتي بالفراغ اللي انا فيه ابي زوج واطفال ابي بيت لي ابي احس بالاستقرار العاطفي 
خواتي كلهم تزوجوا حتى اللي اصغر مني واخواني بعد حتى اللي اصغر مني متزوجين 
كل قريباتي وصاحباتي اللي بعمري واللي اصغر مني متزوجات وكلهم يقولون غريبه كيف ما تزوجتي 
محبوبة من الكل وكلمتي مسموعه عند اهلي 
ما امدح نفسي بس انا هاديه وطيوبه واسامح كثير وخفيفه دم وراعية بيت سنعه بشهادة الكل 
احس اني مثل ورقة الشجر المقطوعة اللي مالها لزمه ولا هدف
بالليل ما ادخل غرفتي اتضايق حيل ابي شخص يحبني يشاركني همومي وسعادتي 
العلاقات مع الشباب سهله كلن يعرف لها  ممكن القى اللي يملا فراغي بس انا اخاف من الله 
حاطه الله بين عيوني 
انا ما جيت هنا ابي حل لان الحل مو بيدكم ... الحل بيد رب العباد اللي ما تنام عينه هو يسمع ويرى
انا جيت افضفض وابي منكم دعوة بظهر الغيب