كوبونات الراقية تسجيل الدخول

رزاني رينادي

الى متى وانا انتظر ياوزارة التربيه

الطالبات والمعلمات •

اخواتي ادري مالكم بسالفتي اول ولا تالي بس انتو حبايبي ولا معي بعد الله الا انتو افضفض له :44: السالفه ياطويلات العمر كان اليوم عندي مقابله بمدرسه اهليه بالرياض رحت لهم واختبروني اختبار تحريري والله وعشنا وشفنا حتى المدارس الاهليه صار بقبول ماهم دارسين بفلوسهم على قولتهم المهم انا خريجة كيمياء مع شهادة icdlحاسب اختبرت ولما جاء وقت الشرح شرحت واثنا شرحي سالتني عن الدرس فقره وقالت هذا المعلومه صح قلت ايه صح قالت متاكده قلت ايوه متاكده ضحكت وسكتت ولما خلصت الشرح كان عرض بوربويينت من تصميمي والشاهد علي الله عاد لما خلصت قلت علمني بعيوبي حتى لو ماصار قبول انا ابي اعرف اخطائي لاتفادها مره ثانيه قالت تحضيرك للدرس حلو بس انتي يبلك خبري اكثر علشان تصير قريبه للمادة اكثر بالرغم انها قالت تمام ثم قالت بالتوفيق و مشكوره بنتصل عليك و بس المصيبه انهم يقولون سعوده وظائف والمشرفه براسه مصريه اما ما احسد مع احترامي الشديد لهم بس ياناس عجزنا بطاله وخير بلدنا لغيرنا بعد تقول خبره كيف اجيب خبره وانتم ما استقبلتونا حتى لو براتب الف ريال انا راضيه اهم شي خبره والي قاهرني ان معلومتي الي شككتني فيها لما شفت الكتاب صح بس مدري وش سالفتها سوالي مين المسؤل والى متى وحنا معلقين شهادتنا بالمطبخ والله حرام تعبت من جد وانا اكتب لكم موضوعي بدموع من القهر هاذي اول مقابله وتحطمت حسبي الله على عدوهم بس دعواتكم لي :06:
26
2K

يلزم عليك تسجيل الدخول أولًا لكتابة تعليق.

تسجيل دخول

مفارقة زوجها
مفارقة زوجها •
ياقمر الله يرزقك ويعوضك يارب ,,,,,,,,,,,, انا مثلك وادور على وظيفه ولا حس ولا خبر الله يرزقنا يارب
أحلى جووري
أحلى جووري •
الاهليه دماااااااااااااااااااااااااااااااااااااااااااااااااااااااااااااااااااااااااااااااااااااااااااار
زهره في الربيع
زهره في الربيع •
ذكرتيني بايام زمان قدمت على دار العلوم وكانت المشرفه مصريه وانا متخرجه من الجامعه وماكان معي دبلوم تربوي المهم تقدموا معي 2 من كليه التربيه وسوينا الدرس فقالت لي انتي افضل منهم وانتي اقوى في الماده العلميه بس ماراح ناخذك لانك غير تربويه يالله جاني احباط خييير ترا راس مالها اهليه الحمد لله ربي عوض صبري خييير
زهره في الربيع
زهره في الربيع •
بس اصبري ودوري مدارس ولا تيأسين وسالفه انك تشتغلين لو بألف هذي شيليها من بالك هم اذا شافوك متنازله ترا ماياخذونك
البنوته ميمي
البنوته ميمي •
آآآهـ..يـــــــــــآقلبي..

جبتيهــــــــآ ع الجــــــرح..

تخيلي آآحنــــــــآ آربع بنــــــآت ومن كــليه تربيه يعني خبرتنـآ بـآالتطبيق..

وكلنــآ تقديراات حلوه وثنتين مرتبة شرف..

وهذآنـآ نتحرى الوظــــــــــــــآيف..

:(