الى متى وهذا المجتمع لا يرحم..

السلام عليكم ورحمة الله وبركاته..


اخواتي الغاليات حبيت اليوم اطرح موضوع نعيشه ونتذوق مراره كل يوم..

قسوة المجتمع وانعدام رحمته وتفهمه..

الدنيا صعبه فعلا ولكن الشي اللي يزيد صعوبتها المجتمع..

مجتمع منغلق بأفكار رجعيه احيانا بناء على العادات والتقاليد وليست مبنيه على الشرع..

مثلا البنت اللي لم يأتي نصيبها ولم تتزوج..بأي مكان تروح له ان شاااء الله نجي بزواجك او عقبالك..

او كلمة الله يوفقك مع نظرة شفقه معناها انت مسكينه ماتزوجتي..

طبعا والبنت المفروض ماتطلع وتروح عزايم او زيارات لانه هذي للحريم واللي ماتزوجت لا..

يعني الدنيا حرمتها من الزوج والبيت والاستقرار ليه تحرمونها من الناس هل الشرع والدين اوجب هذا الشي؟!!

لا طبعا هي العادات والتقاليد والمجتمع الذي لايرحم..


بنت ثانيه اختارت قسم غير موجود بمنطقتها تحرم منه وتدخل واحد من الاقسام المتوفره عندها وتضحي بهذا الحلم رغم انها رح تسكن بسكن داخلي وفي بلدها لكن المجتمع لا يرحم..

واذا درست بقسم مو من اختيارها شي طبيعي انها ماراح تبدع فيه وتبدا سلسلة الفشل من هذه الخطوه..

قسم إجباري=معدل منخفض=عدم وجود وظيفه=بطاله وهدر للطاقه وضغوط لانهايه لها

وش كلمة المجتمع هذي انسانه فاشله بدراستها..لانه مجتمع سطحي لايرحم..


ثالثه لم ترزق بالذريه لابد ماتسمع كلمات جارحه بكل مكان..مثل مافيه شي بالطريق؟..وحده صار لها 20 سنه وبعدين حملت..ووفلانه تزوج عليها زوجها يبي عيال..


ومن تتعرض لظروف نفسيه وتراجع طبيب نفسي .. نظره غريبه توجه لها من قبل المجتمع المتأخر للاسف بأفكاره

فالنفس كالجسم تمرض وتشفى وتحتاج لطبيب..





الى متى وهذا المجتمع يأكل بعضه بعضا..


الى متى وهذا المجتمع لايرحم؟؟

لماذا هذا المجتمع يزيد الجروح الغائره جروحا..لماذا نعيش بمجتمع لايرحم..؟!!