مراحب
اخوات عندي موضوع لنقاش وهو انه ليش المجتمع يحمل المراه اخطاء غيرها اوضح لكم اكثر الناس اذا جو يخطبون بنت يسئلون عن اخوانها وابوها واذا شافو احد منهم صايع او فيه بلى يتركونها واذا قلنا لهم طيب وهي وش ذنبها هي مسكينه مصليه مسميه محافظه ليش تحملونها اخطاء غيرها هي مالها قدره انها تمسك اخوانها الشباب وتراقبهم وتنتبه لهم وش يسوون ووين يروحون واصلا لو تنصحهم بشي قالو لها اقلبي وجهك مالك دخل
ونموذج ثاني مثلا البنت تكون طبيعيه مافيها اعاقه بس لها اخو او اخت او بنت عم المهم من العائله فيه اعاقه ويتجنب الناس خطبتها يقولون نخاف تكون وراثه
ونموذج ثالث يرفع الضغط جملة اسئل عن امها قبل لا تضمها طيب واذا كانت البنت مسكينه مثاليه وموادبه وكل شي بس الام سليطه ومتكبره يعني وش ذنب البنت
اذكر مره بنت انخطبت وقال الخاطب شرطي اسئل عن عمانها وخواله حتى البعاد وعائلتها اهم شي ما يكون احد فيهم غير مضبوط طبعا البنت انقهرت تقول يعني لو يلقى احد من قرايبي البعاد الي ما ندري عنهم ولا لنا علاقه به يكون مايصلي او يدخن او به بلى راح ينسحب مني انا وش دخلني فيهم
المهم يا اخوات لاتفهموني غلط اني انا الي اعاني من ها الشي لا والله انا من اسره محافظه بس انا اشوف نماذج في المجتمع تقهر تحمل البنت اخطاء غيرها وهم ناسين ان اطهر الخلق محمد صلى الله عليه وسلم كان عمه ابو لهب هو راس الكفر وانزل الله به سورة تبت وايضا ابراهيم عليه السلام كان ابوه كافر وقومه يعبدون الاصنام وايضا لوط كانو عشيرته وقومه يفعلون منكر يشيب منه الراس وخالد بن الوليد رضي الله عنه كان ابوه الوليد بن مغيره من اكبر المشركين وقد قال الله به ساارهقه صعودا وغيرهم كثير
يعني الى متى نرتقي في اسلوب تفكيرنا واحيانا تكون البنت فلتانه لكنها ابوها واخوانها وعشيرتها صالحين محافضين والناس تقول اهم شي بيئتها واهلها يعني ما حاسبوها على خطائها يعني المفروض الكل مسئول عن نفسه كما قال الشاعر
ان الفتى من قال ها اناذا
ليس الفتى من قال كان ابي
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة