الى محبي قصص ومغامرات الولاده تعالو اقرؤو قصتي

السام عليكم ورحمه الله وبركاته
حبايب قلبي اخباركم ان شاء الله تمام ؟
والله وحشتوني موت واشتقت لكم حيل
بصراحه ماادري من وين ابدأ بس بجد بجد بجد مااحد ياخذ غير الي ربي كاتبله حتى لو سوى الي سوى :35:
ماابي اطول عليكم وبقلكم وش صار معي من طق طق لسلام عليكم والله يعينكم :p
انا طبعا معي طلق ولاده من السابع والحمد لله عدى السابع على خير وجينا للثامن زادت الاوجاع وبدينا في كابوس انه ممكن تصير لاده مبكره وكل شوي ناقزه المستشفى من الالم والوجع الي احسه وعدى على خير وجاء التاسع وانا اقول ان شاء الله اولد باوله بس ربي ماكتب مع ان الطلوق معي من السابع بس ربي قدر اخذ3 اسابيع من التاسع الين جاء يوم الثلاثاء الموافق 2\5\1429هــ وحسيت بالم رهيب بعد المغرب بس توقعته زي كل مره طلوق بس بدون ولاده المهم اطنش الموضوع كل شوي الالم يزيد واستمر لين 12 بالليل وانا اقول يارب ماتكون ولاده لاني وقتها تعبانه ومانمت فتره طويله :06:انتظرت لين الساعه 1 بالليل ابي اي شي ينزل مني يدل على انه ولاده ومافي اي شي غير الالم لا مويه ولا افرزات وحسيت اني خلاص بموت من الالم قلت يابنت ماعاد فيها صحي ابو الشباب وروحي المستشى شوفي الوضع صحيت زوجي ورحنا المستشفى تقريبا الساعه ثنتيت يوم جينا المستشفى فاضي مافيه احدقلت يارب سترك شوي الا فيه ممرض قاله زوجي معي حاله تعبانه هات كرسي عجل المهم شالوني وودوني على الطوارئ وانا اصرخ من الالم واتشهد لاني حسيت ان نفسي بيوقف من شده الالم قلتلهم ابي دكتورتي قالولي ماتجي غير الساعه 8 صباحا واحنا بالليل قالولي فيه دكتوره مناوبه قلتلهم طيب هاتوها بس ريحوني عطوي مسكن عطوني اي شي يريحني قالو مانقدر عطيك لين تشوف حالتك ويتصلون عليها وماترد الحرمه رايحه بسابع نومه وانا اتقطع من الالم :06:قال زوجي ياعالم مو معقول مافي طوائ قالو فيه دكتوره الحين تجي جات الدكتوره قالتلي اكشف اشف اذا ولاده ولا لا وتكشف وتقول ولاده وتجلس تكلم الممرضات ينقلوني لقسم الولاده وانا اصرخ ابي مسكن ريحوني هاتو دكتور الخدير ابي ابره هر مع اني كنت متردده فيها بس والله من الموت الي شفته طلبتها المهم ويدخلوني غرفه الولاده ويشدولي الطلق وشوي وجاء الدكتور واسمع صوته يكلم الدكتوره وضبطلي الكمامه واعطاني اياها وانا اقله ابي ابره ظهر ماابي كمامه وهو يقولي حطيها بس وبعدين نتفاهم كان يبي يفتك من صراخي :35:
بعدها حسيت الالم خف شوي قالي اذا ماتحملتي نعطيك ابره ظهر .....مر يمكن ساعه وانا على الحال ذى والعالم حوليني ممرضات ودكاتره وكنت حاسه الموضوع فيه شي لان الدكتور كان عند راسي وشوي دخل دكتور ثاني ووقف عند وسطي والدكتور كانت عند رجولي شوي شالو الكمامه وقالو يالله ساعدينا عشان ماتتعبين انتي والبيبي شوي الدكتوره يالله ادفعي وانا مافيني حيل تعبانه على الاخر مامعي نفس والدكتور يرفع صوته ياله بوووش حرام البيي يالله واحاول وماني قادره احس نفسي انقطع خلاص وشوي ويضغط على بطني الدكتور والدكتوره وسعتلي من تحت والحمد لله نزل البيبي بس بعد كم محاوله شفت فيها الموت قدام عيوني واقسم بالله ماتوقعت اني ارجع لعيالي وزوجي بعدها والحمد لله على كل حال
نسيت اقلكم جبت ماشاء الله احلى فهودي الله يحميه ويحفضه يارب ويجعله من الصالحين يارب ياكريم
وان شاء الله ربنا يسهل عليكم وتولدون بالسلامه وتفرحون بشوفه بيبهاتكم طيبين بين ايديكم يارب ياكريم وتوته توته خلصت الحتوته نسيت اقلكم اني طول ماانا حامل اراجع عند دكتوره واقول بولد عندها بس يوم ربي قدر ماولدت معها وكنت زعلانه مره بس ربنا ماكتبلي اولد معها واضطريت استسلم واقول وعسى ان تكرهو شي وهو خير لكم بنات ادعولي والله اني للحين تعبانه من الي صارلي احس انهم فككوني من كثر ماضغطوني لين طلع :06: