الى من سافر لايطاليا عادي البس النقاب هناك ولالا؟ ووين الاقي محلات البضائع المخفضه

تروحين وترجعين بالسلاامه

بالنسبه للنقاب اعتقد الوظع عادي لان زوجة عمي كانت تسولف عن السياح الخليجيين هناك وتقول كثار القطريات اللي بنقاباتهم وعباياتهم هناك فا ان شالله بيكونون متعودين

اما الاوت لت فيه واحد يجـــــــــنن بس قريب من ميلانو مو بروما انتي اكتبي بقوقل outlet in rome اكيد فيه ,,

روما حلوه وفيها اماكن تمشي كثييره خصوصا الساحات مليانه هناك ومشهوره
والماركات بكل مكان بس اعتقد الاسعار وحده الاختلاف انه هناك اللي عندنا نيو كولكشن عندهم عليه تخفيض لانه من الموضه اللي راحت وجت جديده بعدها

تخيلي بنت عمي شايفه فستان هناك بحدود الـ1000 الى 2000 يورو يعني من 5000 الى 10 الاف سعودي ماركة فيرزاتشي كان مخفض هذا سعره بالتخفيض لانه كان من الكولكشن مو اللي فات لا اللي قبله ولقته بالرياض بساكس اخوه نفسه بالظبط واللي تبيع تقولها انه من النيو كولكشن وتمدح فيه تخيلي تقول لما سالت عن سعره قالت 21 الف تخيلي الفرق ؟؟؟

فا اي شي مخفض خذيه وانتي مغمظه لانه توه ماجا هنا ,,

ملابسهم غريبه ستايلها حلو كلاسيكي بحركات جديده بس اغلبه اسود وبني يقدرون الاسود بشكل خيالي دوري بالمحلات العاديه مو الماركات اللي عندنا بتلاقين اسعارها حلوه وموديلاتها بعد

الاطاليين خشنين بالتعامل احيانا بس حليلين << شلون تجي مدري لول
اذكر اللي ودانا من محطة القطار للوتيل طلب 60 او 50 يورو وحنا ماقلنا شي على وجيهنا ويقعد يلفلف ويدخل بدواعيس ويطلع ووصلنا للفندق من بكرا اكتشفنا ان المحطه بظهر الفندق لوول بالرجعه رحنا للمحطه مشي قطعنا الشارع ودخلناها فا لاينصبون عليكم لانه احتمال وارد

مشكوره وجزاك الله خير وبانتظار المزيد من الردود...