الى هالدرجه توصل القسوه لا ومن مين تخيلو.........

قال رسول الله صلى الله عليه وسلم(( ليس الشديد بالصرعه ولكن الشديد من يملك نفسه عند الغضب )) انا حبيت اكتب الي شفت عشان اذكر نفسي واذكركم بهذا الحديث الشريف ونطبقه بحياتنا امس كنت بمجمع انا واختي وبزارينا وديناهم الالعاب ولعبناهم بعدين جلسنا على نتعشى وعلى الطاوله الي قدمنا كان فيه حرمتين معاهم طفلين واحد ابو 3 سنين تقريبا والثاني باقي صغير بالعربيه المهم السالفه تخص الكبير الي ليتني كشيت عيالي وطلعت قبل اشوف الي صارله ياقلبي عليه والله اني جلست اسبوع اتخيل شكله وتخنقني العبره السالفه انو واحنا جالسين شوي الا الام تصارخ على الولد بتقولون كلنا البزران يرفعون ضغطنا ويخلونا نصارخ غصب عننا لكن الصراخ ما درت له بال المشكله في الي بعد الصراخ والله يابنات عطته كف قسم بالله يهد خد اقوى رجال ولالحرمه الثانيه الي معاها تحاول تمسكها عنه وهي منفعله بالمره مسكته مع جيبه ونفظته وبعدين دفته على الكرسي وعطته كف ثاني كل هذا وانا ماسكه نفسي واقول امه وكيفها منيب جايتن احن منها على ولدها اكيد انه مطلع روحها بالحنه وشوي بعد الكف الا تنزل راسها وتشيل غطاها وتعضه قسم بالله اني ما اقول الا الي شفت بعيوني انا هنا ماقدرت امسك نفسي قمت من غير شعورواختي تقول ماعليك منها يانبت الحلال بس والله كسر خاطري ذالضعيف وسحبته منها وهزاتها وقلتلها والله لو ابلغ عنك حقوق الانسان مايجلس عندك ولا دقيقه خافي ربك فيه ناس يتمنون الاطفال وانتي ربي منعم عليك ومنتي حافظه النعمه وبعدين وش ذنب الصغير اذا منتي متحملته اجلسبه بالبيت لا تطلعينه نزلت راسها بالارض وجلست تبكي بعد ايش بعد ماذبحت الولد والله لو تشوف الوليد قسم بالله جلد على عظم مسكين لا حول له ولا قوه شوي الا جا رجلها واخذ الولد وقامت اهي وشالت الي بالعربيه وراحت بدون ماتنطق ولا كلمه