الى REEM111ادخلي وشوفي الخطه اللي سويتها لك وبنات حواء ادخلو.............

السلام عليكم
كيفك ريم؟وش اخبارك ؟وش مسويه ؟ان شاءالله بخير
شوفي عشان ظروفك بكتب لك خطه تستمرين عليها وان شاءالله بعد شهر بتطلعين قمر 15بس شرط تستمرين على طول وتنفع للي بيتزوجون بعد وما تبي تخسر كثير في المشاغل على غير فايده
في البدايه يلزمك عدة اشياء
اولا العزيمه والاصرار
ثانيا توفير جميع المستلزمات اللي تشملها الخلطات والحمامات
ثالثا الاستمرار ورابعا لاتعلمين احد بشي تسوينه لان عيون الناس ما شاءالله
الطريقه الاولى :
حددي لك يوم من كل اسبوع تسوين فيه حمام مغربي في البيت
مثلا كل سبت او جمعه
والحمام المغربي بهذه الطريقه:
دهني جسمك كله بالخلطه قبل الحمام :
1علبة جليسوليد الاحمر
1كاس صغير ليمون
1بياله زيت جلسرين
وزيت لوزمر بياله
اخلطيهم كلهم وحطيهم بالثلاجه واستخدميهم يوميا قبل النوم او قبل الحمام بساعتين (كل استحمام قبله بساعتين )
الحمام المغربي :
نقعي الليفه في ماء ساخن قبل دخول الحمام بنصف ساعه
حضري الصابون المغربي المعجون 3ملاعق +1ملعقة حناء +ملعقة كركم
وخليه يتجانس شوي
ادخلي الحمام وامليه بالبخار الماء الحار وبللي جسمك بماء دافي مائل للحراره
ادهني جسمك بالصابون المخلوط بالحناء والكركم ودلكي بيدينك لمدة خمس دقائق وخمس دقائق اخرى خليه على جسمك بدون تفريك
بعدين اشطفي كويس بالماء الساخن اللي تتحمله بشرتك لحد مايختفي اثر الصابون
وبعدين خذي الليفه وافركي بدون صابون وشوفي اللي بيطلع منك من قشور وجلد متراكم
كملي جسمك كله لحد ماتتوقف البلاوي من الخروج
وبعدين اشطفي بماء فاتر مائل للبروده
وهاتي ليفه ناعمه ومليها رغوة صابون اي نوع تحبينه او شاور جل (صابون سائل )بس يكون نوع رقيق على البشره
ودلكي جسمك كويس وبعدها اشطفي بماء بارد
وجففي جسمك بالمنشفه كويس
الترطيب بعد الحمام :
دايما اي مرطب للجسم سواء معطر او غير معطر اضيفي له زيت جلسرين ودلكي جسمك على طول بعد الحمام
والبسي ملابسك
طبعا بتسالين قد ايش احط زيت حطي بياله لاي علبة مرطب كريم او لوشن
المقشر وهذا لازم كل يومين تسوينه عشان تفتح بشرتك ويتوحد لونها
شوفي خلطتي لتوحيد لون البشره يا زوينات
وخلطة شوفو شوفو وش كانو يسوون في المشغل واختاري وحده منهم واستخدميها او استخدمي كل مره وحده
وبالنسبه للوجه استخدمي مقشر خاص للوجه شوفي طريقه ترددت وبعدين كتبت
وطريقة توحيد لون البشره للوجه
وكريم اولاي بخلاصة ورق التوت وشوفي وجهك كيف يصير
واي سؤال يا اختي انا حاضره وبالخدمه الله يسلملي قلبك