اليش الطيب في هذا الزمن ماله قيمه ??

انا ما ادري ليش الناس وصلت لهالحال,وش اللي غيرهم ,ليش النفوس صار كريهه ,وليش الحقد تفشى في كل مكان
ليش الغيره وليش الكره وليش التشمت وليش الغيبه وليش الكبر وليش وليش ولييييييييييييش
انا من طبعي اني اكون صريحه واحترم الناس واوجب الكل صغير والا كبير
وما احب الكذب حتى لو كان تنكيت ,اصدق وعلى نياتي ما ادري يمكن هذا شي سلبي
اصدق كل اللي ينقال واحب اني اكون صادقه واوفي كل من له حق علي
ابغى احد يقولي ويفهمني هل انا عبيطه او ان زماني انتهى, وان هالزمان هو زمن الاخلاق السيئه ,من كذب وغيبه ونميمه وتكبر وعدم احترام وتقدير ,والتنافس من احس مايكون
هل اسوي مثل الناس والا ابقى على حالي
والله اني مصدومه واحس بحسره وضيقه ما يعلمها الا الله
ليش الطيب في هذا الزمن ماله قيمه ويعتبر عبيط
ليش الصادق والمتسامح صار دلخ وغبي ومايدري عن الدنيا
ليش اللي يحترم الناس ويوجبهم صار ما عنده سالفه ومسوي فيها
ليش الناس تتدخل في كل صغيره وكبيره في حياتنا وما نحسب اي حساب الا للناس اللي بهالاخلاق السيئه
ليش الكل يهاب ويعمل الف حساب للمغتاب والنمام والحسود والملسون
وليش الكل يستخف بالمتدين والمتسامح والخلوق ليييييييييييييييييييييش
ابي اعرف
ابي افهم واتعلم كيف اتعامل مع هالنوعيه من البشر .
هل الانسان لابد يكون كذا عشان يقدر يعيش والا يقفل على نفسه الباب ويقطع صلته بهالناس حتى لو كانوا اقرب الناس له
لا تطرون النصيحه ,النصيحه اليوم صارت شتيمه لمن ننصحه ,وغير كذا مافيه اي انسان في هالدنيا جاهل او مايعرف امور دينه ودنياه
تكفون يا اخواتي راسي بينفجر من التفكير في هالعالم وهالناس
لاتقولون طنشي ,انا مو من ذا النوعيه انا افكر في القريب والغريب
واشيل هم الناس اجمعين
لاتقولون الله يعينك على نفسك اذا انتي كذا ,لاننا لازم كلنا نكون كذا
والله الذي لا اله الا هو ان راسي امتلا شيب وانا في سن العشرين من تصرف اقرب المقربين لي ,بس ايش الحيله
لو قطعناهم لا الله ولا رسوله يرضون ,وغير كذامن يفكك من هالبشريه
ولو سالنا وتواصلنا قالوا الناس ذولي عله ونشبه الله يفكنا منهم
طيب ايش الحل
احتاج معونتكم يا اخواتي ,لان مالي احد اشكي له بعد الله الا انتم
والله ان صدري ضايق لدرجه ما تتخيلون
اسفه ياعزيزاتي على هذا الموشح اللي يسد النفس وادري اني هذرت واجد بس والله من اللي فيني
الله المستعان