اليكم الطريقه الخارقه لحفظ الميزانيه من الضياع

السلام عليكم ورحمة الله وبركاته
ادخل في الموضوع على طول واقول لكم طريقتي لحفظ الميزانيه وكيف ممشياها على عجين متلخبطوش:22:
اول ما يستلم زوجي الراتب يعطيني وانا اوزعه اولا اجيب اربعه اظرف اللي تعرفوها
واكتب على كل واحد ظرف مصروف البيت
والثاني ظرف بمصروف السيارات عشان عندنا سيارتين
والثالث مصروف للعيال
والرابع ظرف الادخار
نبدا الشرح:30:
ظرف مصروف البيت الي بقى من مشتروات المطبخ واحاول مااشتري الى الضروري وانتهز التخفيضات وعشان اكون واضحه انا اشتري جميع المنظفات والشامبوهات والمطهر والصوابين للمواعين او الجسم واكياس النفايات والسفر
اشتريها بكميات كبيره عشان اوفر وما اشتريها كل شهر من الرامز برضو تكون ارخص من الاسوق الكبيره امثال كارفور وبنده وغيرها والاطعمه والمواد الغذائيه اشتريها من كارفور وكل شهر ينزلون عروض طيبه ماعليها
وظرف السيارات ادخل فيه مئتين ريال كل شهر للبانزين والخرابات:( محنا ناقصين
وظرفالعيال انا عندي اثنين بنت وولد احط لهم من ميه الى ميتين واحاول قد ما اقدر اني اوفرها لهم لزوم العيد او للروضه او اذا تعبو لاقدر الله
اما ظرف الادخار بالعاده انااحط فيه ميه وخمسين كادخار اذا احتجنا شلت منه
كنت ابغى اقولكم ان راتب زوجي متوسط والحمد لله وكله رايح قروض وجمعيات لكن بهذه الطريقه قدرت اخلي المصاريف اقل وفي نفس الوقت مرتبه:26:

اتمنى انكم تستفيدوا قدر مااستفدت عاد هلاهلا بالردود