اليكم خلاصة تجربتي في حبوب سوبتيرم

مرحبا لكل حلوة دخلت هالموضوع

بدخل بالزبدة على طول بدون مقدمات

لكل وحدة حابة تستخدم هالحبوب ودي تقرا تجربتي اولا وراح اقول مميزاتها وعيوبها


انا استخدمتها شهرين بالضبط

طبعا سبق وكتبت موضوع اسال عنها لان كثير قالو انها تسد النفس وانا صارلي العكس فتحت شهيتي بشكل مو طبيعي

استمريت في اكلها قلت بشوف وش نهايتها

انا كان وزني يوم اجربها 70<<< وقتها كان عندي شغالة وكنت بدون دوام<< ملاحضة مهمة ركزو عليها

اول مابديت بتجربتها الشغالة سافرت وداومت

نجي لعيوبها: ماسدت شهيتي ابدا ابدا وبالعكس صرت انا من نفسي ماكل مو عشان شهيتي منسدة لا لاني مافضي اكل كانت مشاغلي كثيرة ماعندي وقت للكل

جاني ارق ماصرت انام كفاية ابد وانعكس هالش على بشرتي<< بدون مبالغة صار لونها يميل للاخضر الرمادي انواع الذبول عليها

عطش مو طبيعي كل كلمتين والثانية ينشف ريقي مرررررة مرة وهالشي سبب لي احراج كوني معلمة

وحتى لما اتناقش مع احد فجاءة ينشف ريقي ولا عاد اقدر اتكلم

المصيبة الكبرى الي خلتني احلف حلف ماعاد اكلها تساقط الشعر

اقسم لكم حبايبي ان شعري كان غزير جدا الكل منجن من كثافتة<< الله يذكرة بالخير هاك الشعر

اكبر كليب للشعر كنت استخدمة وكان ينزل بعد منة خصل

مع استخدامي هالحبوب صارخصل يابنات تنزل بشكل مو طبيعي المشكلة ماكنت متخيلة ان السبب منة الا لحد ماتركتهم لاحضت شعري وقف تساقط بس وش عقبة عقب ماصلعت وطلع فراغات كثيرة بشعري والله العظيم اني استخدم حاليا الكليب الصغير حجمة مايتعدى 1سم وتخيلو استخدمة للشعري كلة صار شوي مرة مرة

وحاليا جالسة اتعالج بحبوب وفيتمينات وزيوت ويارب يرجع لو للنصف

عصبية مو طبيعية صابتني وانا استخدمها صرت اللهم لك الحمد ثور هايج بس ابي احد يطالعني بنظرة غريبة عشان اهجم علية واكثر من راح فيها ياعمري عمرهم عيالي وزوجي<< يستاهل:biggrin: بس عيالي لا حرام:S_45:


دوخة مستمرة 24 ساعة صداع مزمن السكر تلخبط بقوة عندي ساعة نازل ومنخفض مرة وساعة مرتفع علما ان مامعي سكر

وبرضو الضغط مثله ساعة منخفض ساعة مرتفع

الى الان ماقلت مميزاتها لاني ماشفت لها اي ميزة سوى شي واحد وانا متاكدة انها مو منها

هو ان وزني حاليا صار65 وانا متاكدة انها مو منها ليه لاني مثل ماقلت لكم في البداية الشغالة وراحت وصرت اداوم

يعني كرف مو طبيعي كرف بالدوام ماجلس وبالبيت جهاد والله العظيم عيالي صغار وبيتي كبير يعني انواع الفلة في الكرف والتعب

باختصار .... حبوب سوبتيرم ماحسيت فايدتها قوية مثل ماكنا نقرا عنها انها تنحف في الشهر 6 او7 كلغ يعني المفروض اني نحفت اقل شي في شهرين 12 كلغ واخرتها بس 5كلغ

احس سلبياتها كثيرة

الحركة والشغل احس هو الي جاب فايدة

بالنهاية نصيحة لوجة الله لاحد يستخدمها وترى اكثر الي كنا نقرى يمدحونها هم مندوبات يبيعونها ويبون يمشون بضاعتهم<< لاتزعلون علي يالمندوبات

ويمكن جابت نتيجة مع غيري وانا لا ممكن جايز الاجسام تختلف بس انتو فكرو بسلبياتها قبل فكرو بشعركم اذا طاح وش بتفيدكم هالنحفافة

واخر شي دعواتكم لي ان لون بشرتي وشعري يرجعون مثل اول


اخواتي الي عندهم اي استفسار انا حاضرة بس اعذروني لو تاخرت والله عندي مشاغل لحد هامة راسي ودخلاتي للنت صارت قليلة