اليكم ماحدث لي بعد ماكتبت لكم عن محاولتي في تحديد جنس الجنين

بسم الله الرحمن الرحيم
الصلاة والسلام على اشرف الانبياء والمرسلين وبعد....
اخواتي الغاليات للي ماتتعرف قصتي اتمنى انها تقرا موضوعي في هذا الرابط

http://forum.hawaaworld.com/showthread.php?t=1529773














اللي ما فتحت الرابط فضلا وليس امرا ترجع وتفتحه وتقرأ















الحين عرفتوا قصتي
انا بعد البنت الرابعه شلت فكره الحمل نهائي لحد ما تدخل بنتي الثالثه المدرسه يعني بعد اربع سنوات
وعشان امنع الحمل اعتمدت على الرضاعه الطبيعيه يعني بنتي ما اعطيها حليب صناعي من صار عمرها اربع شهور ومع ذلك ما كان في صدري حليب كافي سويت كل شي عشان ادر عليها وسبحان الله مافي حليب
بنتي مرررره نحيفه امي صارت تلومني وقالت عطيها صناعي فشريت لها رضاعه وحليب لكن بنتي ما رضت تمص من الرضاعه ابد
جوعتها واعطيتها هالرضاعه مع ذلك ما ترضى جربت كل شي مافي فايده
رجعتها على صدري بالرغم من قله الحليب
المهم ان الدوره ما كانت تجيني لان انا عندي مشكله في المبايض وهي تكيسات حول المبيض
ومع الرضاعه كانت تزيد من التكيسات
تعبت نفسياً من عدم نزول الدوره لاني ابي اركب لولب والدكوره تقول لازم خامس يوم من الدوره عشان ارحم يكون لين ومرتخي فيتركب صح
انا رفضت حبوب تنزل الدوره لان لها اضرار وانا عندي مشاكل مع التكيس
والحبوب المانع ما اقدر اكلهن لانهن يسببن لي العصبيه و و جع بالراس لايحتمل

مالكم بالطويله بقيت هالحاله احلل منزلي من فتره لفتره اخا ف احمل
و اذا حسيت بالم مثل الم الدوره امتنع عن الجماع
اقول في نفسي يمكن تبويض مع اني كشفت عند الدكتوره وقالت التبوض ضعيف عشان التكيس
وبعد سنه وشهرين جتني الدوره
فرحت خلاص راح اركب لولب وارتاح
سويت طريقة العد لمنع الحمل وكنت استخده هالطريقه كذا سنه وايام السماح استخدم زوجي الواقي لمنع الحمل في فتره هالشهر انتقلنا للسكن لمدينه ثانيه (لظروف عملي )او بالاصح قريه لانها تفتقد كل وسائل الترفيه والتسوق والحدائق والامّر من ذلك ما اعرف بها احد
وخلال اجراءات النقل سافرنا للدمام وقبل ماا رجع لبيتي اللي سكناه في هالمدينه
سافرنا عند اهلي فما قدرت اركب لولب اجلته للشهر اللي بعده
امي لما شافتني قالت لي ليه وجهك كذا اصفر ونظراتك مرررره تعبانه
قلت لها من السفر والطريق متعب لاننا نسافر بالسياره مافي مطار بمكان إقامتنا
جلست عند اهلي اقل من اسبوع اكلهم وطبخهم ما يعجبني بس اهاوش ليه صايرين ما تطبخون زين
واقول لاختي اغسلي الرز زين الكبسه ما هي زينه عجزت اكل
الدجاج تبوله وش صاير لكم ....امي جتني وقالت لي قابليني اذا ما كنتي حامل
ضحكت وقلت مستحييييل لاني انا عارفه نفسي والاجراءت المنع اللي سويتها
والدوره هذا وقتها كلها كم يوم وتنزل
وانا اساسا دورتي احياناً تتاخر اسبوعين بسسب هالتكيسات
المهم خلال فترة اقامتي عند اهلي كنت كل يوم احس بتعب اكثر من اللي قبله
والله لما اصحى من النوم احس كاني متضاربه مع احد كل شي يوجعني وما اشتهي الاكل
ون اكلت احس بغثيان ومع كل ذلك والله ماتوقعت ولو 1% اني حامل
لان ما صار انزال داخلي في الجماع
في يوم سفرنا لبيتنا امي قالت لي حللي قلت طيب وفي داخلي ما عندي نيه احلل لاني عارفه انو مستحيل يصير حمل
المهم طول رحلتنا بالسياره وانا تعبانه والغثيان يزيد معي ولا اقدر اكل شي
تعب تعب تعب وصلنا وشفت صيدليه طلبت من زوجي يجيب لي تحليل حمل
استغرب وقال لي ليه قلت تعبانه ابي احلل
قال لي شلون طيب تحمل وما صار انزال قلت له ما ادري بس جب لي ابي احلل
على ما وصلنا البيت
رحت حللت
وطلعت


حاااااااااااااااامل


يالله يا كبر الصدمه يالله يالله
ماني قاده اصدق كيف وشلون
بنتي صغيره
انا في غربه
بكيت بكيت
زوجي ما صدقني لحد ما شافني ابكي
قلت له لازم انزل هالحمل ما اقدر
انا ماني متهيأه نفسياً
صرت في دوامه الشيطان بدا يزيد من وسوسته لي
تعب الحمل
الم الولاده العذاب في النفاس
راح تجيبين بنت
الشامتين راح يفرحون اكثر
يالله كل مااتذكر ذيك الايام ابكي

قررت اني انزل الحمل باي طريقه
لما انتهت نوبة البكاء
رحت للمطبخ ابي اجمع اعشاب عشان اشربها وينزل الحمل
فجأه كان عقلي رجع لي خفت من ربي
خفت من عقابه
بديت ابكي وابكي لحد ما صرت احس بحراره الدموع على خدي
كلمت امي واختي وصارن يهدني
يمكن تجيبين ولد الله كاتبه لك هالحمل بالرغم من كل شي سويتيه
صرت اذا فكرت انه ممكن اجيب ولد افرح وبغمرة فرحتي يوسوس لي الشيطان وممكن تجيبي بنت خامسه والناس يتشمتوا بك و و و و
وابدا ابكي واستغفر ربي
المهم رضيت بالحمل لان غير ذلك يعتبر اعتراض على قدر الله
وعانيت من التعب والالم والوحام ما الله به عليم
اضافه للغربه ماعندي احد مافي جيران يجوني زوجي دايم مشغول عنا غير كذا هو ما يحس فيبني
ليه والله ما ادري
لما صار لي ثلاث شهور جاني نزيف وزاد من الآمي وتعبي
تنويم بالمستشفى بناتي ما عنهن احد
زوجي يمرني ويجلس اقل من ربع ساعه وبعدها يروح يقول عندي شغل
وش شغله يجلس مع اصحابه اللي معه بالدوام بالاستراحه حتى بناته ما يدري عنهن
وهذا زاد من تعبي فوقعت على خروج من المستشفى على مسئوليتي
واخذت مثبت ابر وحبوب واستمر النزيف لمدة شهر لحد ما دخلت الخامس
الدوخه ما تفارقني من النزيف وقله الاكل
ظليت اعاني من هالحمل مالله به عليم
مواعيد في المستشفى متعبه
وكل ما يسون لي سونار


ابي اسأل عن جنس الجنين اخاااف ويجيني مغص ويزيد دقات قلبي
و اهون
لحد ما دخلت السابع
امي اتصلت علي وتقولي اكيد ولد روحي سوي سونار
وانا خاااايفه واقول لو ولد كان قالو لي
وابدا اقارن حملي هذا بحملاتي اللي قبل واقول يمكن ولد
ومع ذلك خايفه
وفي يوم اتصلت امي وطلبتني اسوي سونار تبي تفرح
وافقت ورحت لما دخلت على الدكتوره خفت ولما حطت الجهاز قلت خلاص ما راح اسالها عن النوع
الا انها قطعت حبل افكاري وقالت لي





























دي بنووووته



اكيد ماراح تسالوني ايش شعوري شي ما راح اقدر اعبر عنه وش ماكتبت ما راح اوصل لكم شعوري واحساسي
يمكن بس اللي عندها اكثر من ثلاث بنات بدون اولاد راح تعرف شعوري


لما قالت لي الدكتوره دي بنوته قلت لها كم نسبه الاحتمال انها بنت
ابي اعطي نفسي امل
الا انها قطعت كل امالي بردها لي وقالت ما في احتمال هذي بنت اكيد
رجعت وانا دموعي ما توقف وكلمت امي وعلمتها وزادت احزاني برد امي علي وهي تقول لا لا لا
سكرت التليفون وانا ادخل بنوبة بكااااااااااء
وزوجي احس ان كل هموم الدنيا عليه

مرت باقي اشهر الحمل ثقيله متعبه الامل عندي مقطوع وامي مازال عندها امل ان الدكتوره غلطانه وما تعرف
في اخر الشهر التاسع الدكاتره قالوا لي لازم نولدك بطلق صناعي لان حجم بطني مره كبير
وكان معي كيس امتلا ماء بجانب الجنين وهذا زاد الثقل عندي وكبر حجم البطن وصعوبه بالتنفس
وما اقدر امشي او اجلس من الثقل اللي ضاغط على الوركين
وانا ارفض الطلق الصناعي من شده الخوف
والله ان اخر شهرين بالحمل ماتمر ليله الا ابكي واتذكر سرير الولاده ويزيد رعبي
اتذكر البنت الخامسه اللي راح تجي ويزيدد همي
ولكم ان تتخيلوا حالتي النفسيه السيئه
عطوني الاطباء اخر مهله والموعد اللي بعده لابد من التنويم عشان يولدوني
قبل موعدي بيوم شريت خروع وشربته ومشيت بصعوبه من شده الثقل ةالالم
وبعد كم ساعه بدى الطلق المتواصل
لحد ثاني يوم



رحت للمستشفى وادخلوني الغرفه



وجبت









































بنت
والحمد لله ولا واخيرا

طبعا بعد ما نزلت البنت انفجر كيس الماء ونزل كله وبديت استفرغ من شدة التعب




وما احد كلف نفسه يكلمني وانا بالمستشفى او يزورني
حتى اهل زوجي

يالله بعد كم يوم جتني ام زوجي واخته ولا عادوها مره ثانيه
انا رحت ولدت بمدينه اهلي واهل زوجي

وما راح اذكر لكم الكلام اللي اسمعه من اقرب الناس لي لانه كلام يسم البدن ويذبح
ومر نفاسي كله بكاء وحزن
بنتي الحين عمرها سنه

اكيد سألتو انفسكم كيف حملت
اتوقع ان الواقي كان يسرب حتى لو نقطه كانت كافيه لحدوث حمل
الحين انا مستمره على الواقي
زوجي رافض اللولب والحبوب
والله الالتهابات عذبتني من الواقي ما ادري ايش اسوي
ناويه احمل اذا كملت بنتي السنتين ان شاء الله
ولا زال الخوف ملازم لي



الي خلاني اكتب لكم هو موقف حصل لي امس
كان فيه جمعة من الحريم
الا وحده تو اعرفها وما امون عليها قالت لي ابيك بموضوع خاص وشخصي
انا استغربت وقلت ايش هالموضوع الخاص والشخصي

وبعدها رحت انا واياها لحالنا الا تقول لي: كم بنت عندك
قلت خمسه
قالت ليه ما تسوين الحميه
انا هنا انصدمت
حسيت اني مسكينه
الكل ينظر لي بعين الشفقه لان ما عندي الابنات
ماراح اكمل لكم ايش دار بيننا
لاني تعبت من الكتابه
وتعبت من الناس
لكن لم اتعب من دعاء ربي وثقتي بانه راح يرزقني
لما دخلت المنتدى ابي اكتب لكم تفاجات برسائل من اخوات يعلمني بطريقه للحمل بولد
لان موضوعي القديم انرفع
ما عرفن اني جبت البنت الخامسه
ما اقول غير الحمد لله على عطاه
والسلام عليكم ورحمة الله