يا زين البنات حرام عليك غيرك يتمنى وارفعي راسك اذا عيروك هذولي بناتك ومحد بيصرف عليهم ويقابلهم الا انتي وش دخل ابو الناس والله ناس ما تستحي

اسأل الله لي ولك ولكل محرومة أومتأخرة الذرية الطيبة الصالحة المتعافية أقرأ قصتك وكأني أقرأ قصتي تماما حتى النزيف مع بنتي الخامسة ربي كريم كريم كريم اسأل الله ان يأجرنا على تربية البنات ويجعلهن حجابا لنا من النار ويرزقنا برهن وصلاحهن وان يرفع شأنهن في الدارين آمين
الاحساس الذي نحس به لاتحس به إلا من كان عندها 3 بنات او أكثر ونظرة الناس وكلامهم قاتل حتى ان بعضهم يخافون على اولادهم منا ومنهم من يدعي لنا بالاولاد حتى لوشيبونا وامرضونا انتم لن تحسوا بما نعانيه وتظنون ان الامر اعتراض على قدرة الله ومشيئته والامر مختلف تماما واسأل الله لنا غلمانا ازكياء

حمدلله على سلامتك ولاتأيسي من رحمة الله وحده من جماعتنا كان عندها سبع بنات وجابت الولد بعدهن وجابت بعده ولد يعني جابت الولد بعد سبع بنات الله يرزقك بالولد الصالح

الف الحمدلله على سلامتك و الله يخلي لك هالبنات ويرزقك برهن و يرزقك الولد الصالح عاجلا غير اجل بس يا اختي البنات احسن من الاولاد و مايقوم بالاهل ويحس فيهن غير البنات انا ادري المشكله بالمجتمع اللي دايم يشوف خلفة البنات نقص لكن صدقيني مافي احلى نهن بالدنيا الله يخليهم لكي يارب ويرزقك اللي تتمنينه

اشكر كل من عقب على موضوعي
وجزاكن الله كل خير
انا يا اخوات احب بناتي واغليهن ومدلعتهن
اما اللي تقول احسن من تجيبين ولد عاق
الله يهديها مو كل الاولاد عاقين وربي كريم يرزقني بالولد الصالح
يعني ياولد عاق او مريض ولا بنت
الولد مهم مثل البنت له نفع وقت الحاجه

لكم ان تتخيلوا اذا سافر زوجي كيف تصير حالتنا خمس بنات وانا والشغاله
ماعندنا احد ولا اي رجل او ولد
اذا بغيت خبز من البقاله توهقت مدري ايش اسوي وزوجي مسافر
واذا اندق الباب شوي ولا اموت من الروعه
كيف اذا كبرن بناتي وهذا حالنا
صرت اقول لو بنتي الكبيره ولد كان نفعنا شوي
زوجي اذا راح للمناسبات لحاله ما معه ولد والكل معهم
ما اقول غير الحمد لله على عطاه
وانا احمد ربي دائما واشكره وادعيه انه يرزقني بالولد الصالح
وعندي يقين ان ربي بيرزقني
اما اللي تقول وقفي حمل يا اختي الحمل له عمر محدد وبعدها نكبر ولا نقدر نحمل
انا الحين في الثلاثين اخاف فوات الوقت علي ويعلم الله كيف اعاني من تعب الحمل والوحام والولاده
لكن ايش اسوي هذا قدري