باقي كم يوم على الشهر الفضيل الله يعيده علينا وعليكم بالصحة والعافية والمودة وان شاء الله مايكمل الا
واحنا محققين اهدافنا ولو جزء بسيط منها .... انا يوم 28 من رمضان عندي سفرة لمدة 20 يوم .. وابا اكون
باحلى شكل وربي اني مليت كل ما سافرنا وانا دبه حتى صور ماخذ واجلس اتحسف على المناظر الحلوة
والوم بروحي وقول ليش ما انحف ولازم انحف وبالاخر ( يبقى الحال كما هو عليه ) ويوم سويت ريجيم ونحفت
فعلا وطلع جسمي وشكلي حلووو ماسافرنا وتركت النظام ورجعت للعادات القديمه وازفت
نزلت من وزن 90 الى 70 مع ذلك ماحافظت على شي وهديت كل الي بنيته طبعا بسبب ظروف حسبي الله
ونعم الوكيل بالي كان السبب وقررت ارد حق نظامي ( اتكنز ) الي نحت جسمي نحت طبعا انا وصلت
70 كيلو على الميزان بس الشكل غيررررر تقولي 55 اكثر شي .... وفعلا بديت من فترة شهر قريبا
بس ماقست وزني بس طبعا شكلي تغير 180 درجة الحمد لله يارب العالمين على النعمه والله وااايد مستانسه
وفرحانه وكل شوية اطالع روحي بالمراية يعني انا اول مابديت كنت 85 الحين اتوقع والله اعلم اني 75 او 77
مابي اقيس الا بعد رمضان باذن الله عشان كذا انا شااااادة حيل الحين وااايد ومتفائلة جداااا بشهر البركة ابى انزل
فيه على الاقل 15 كيلو وانا متاكدة اني قدها واقدر اسويها بالارادة والتعب ....
ملاحظة : النموذج بروتيني ينفع للي يتبعون اتكنز او دشتي او اتكوتين او اي نظام بروتيني
طبعا مللتكم من كلام الي ماله داعي ... اعتذر بس احب افضفض >> مالقت غيرنا تفضفض له
بأذن الله بتبعي النموذج الي تحت وانا متاكدة اني بنزل عليه 15 كيلو بفضل الله وبركة الشهر الفضيل ..
السحور : 2 بيضة مسلوقه او مقلية بزيت زيتون + كم حبة زيتون اخضر + ربع علبة زبادة اكتيفيا
او : نصف علبه جبنه شيدر مع سلطة خضراء + كاسة عصير ( مسحوق ) من تروبيكانا سليم
اصحى على ساعه 10 ولا 11 العب رياضة 15 دقيقة مشي على السير و15 دقيقة سيكل
الفطور : ابلش اول شي 2 كاسة ماء دافئ مع نص ليمونه + صحن متوسط مرقة دجاج ( تشريب )
عكب بروح اصلي المغرب وبعدها اكل
2 صدر دجاج + كم حبه صغيرة قرنبيط ( زهرة ) + 2 شريحة جبنه حلوم مشوية + صحن سلطة خضراء فقط
كاسة عصير برتقال من تروبيكانا سليم
او
3 حبة برجر لحم او دجاج من سادية + 4 حلقات باذنجان مقلية + صحن سلطة خضراء فقط + ربع علبه لبن اكتيفيا
او
2 فيليه سمك مشوي + صلصة ناندونس ( ملعقتين ) + سلطة جبنه
ممكن يكون اي شي بروتيني يعني مثلا حشوات اللحم والدجاج مالذها
وفكرة رووووعه وطعمها خيااااال هي جيبي برجر قطعي الحبه نصين مع باذنجان مقلي ومايونيز وخس
هاتي حبه خس تكون شوي كبيرة وحطي على نصها نص برجر وحلقة باذنجان ومايونيز وسكري الخس بيكون على
شكل ساندويش والله انه طعمها يهبل
بعد ماخصلنا الفطور نجي لكرف الصحون ههههههههههههه
عكب الفطور بساعتين بالضبط بسوي رياضة 30 دقيقة مشي على السير و30 دقيقة سيكل
طبعا انا عندي درج فالبيت وبعد طويل يعني خلوه بعين الاعتبار
بعد الرياضة بربع ساعه تقريبا عكب ما اتسبح ههههه اكل حبه حلاه كاملة من شكولاته اتكنز يمييي ممكن تاكلين
2 و3 و4 منها باليوم ما تاثر ابدا مع نص كاسة سفن دايت كل 3 ايام مرة السفن
وبس ولاننسى الصلاة بعد تعتبر رياضة
وياااااارب دعواتكم ننحف بخير بشهر الخير .....
واي استفسار انا حاااضرة وتحت امركم
ولاتنسون مشوار الالف ميل يبدا بخطوة
صور لناس اتبعوا حمية اتكنز ( من برنامج اوبرا )
ممكن استبدال العصير باي شي ساخن مثل الموكا او الكابتشبينو من نفس الماركة