آنستي العزيزة..
لو ربنا فك عقدتك وانخطبتي
فإليكي نصائحي ...حتى تأخذي بخطيبك
من مركب الخطوبة إلِى ماحدا بيعرف راح ترسى على شو 
إلى مثوااااه الأخير في قفص النسانيس 
قصدي قفص الزوجية السعيد 
....أجمل ما في الخطوبة العزايم الرومانسية
على أحلى محلات أكل في البلد 
واللي عمرك ماراح تشوفيها بعد الزواج.. المهم نصائحي لك عند أي عزيمة مع ختيبك.. (بدنا رقَّه) .... 1. الأول لازم تعرفي إن الشوكة والسكينة
بينمسكوا من إيديهم من الطرف يعني مو من الوسط ولا من البوز متل الخنجر ولا من فوق طبعًااا 
2. الخبز .. أوعي تفضحينا وتقطعيه بسنانك وإلا الرغيف تقسميه نصين بأيدك وكل نص بلقمة وعلى دحش
إوعـــــــــــــي .... الخبز بيتقطع بالسكينة بالصحن.. وبعدين بتاخدي لقمة.. لقمة.. بالزور
قال يعني نفسك مسدودة.. اضغطي على أعصابك كتـير وبعدين لما تروَّحي.. إبقي حِشّي متل ما بدك
3. الشـــوربة
أبوس كعب رجلك.. بند الشوربة مهم كتيـــر كتيـــر .. الشوربة بتنشرب من غير صوت أبداً.. ومن غير ماتقعدي تنفخي فيها.. متل صبي النارة تبع الأرجيلة اللي بينفخ في الفحم للزبون.. وطبعًاااااا بدي ياكي تنسى تمامًا الطاسة اللي بتحطيها على تمك في البيت 
وتشرشري على حالك.. بالمعلقه وبدون صوت.. سخنة .. نار .. كمان بدون صوت.. وبتتركي تلت الطبق ع الأقل.. مو تميليه.. منشان تلهطيها لآخر نقطة.....
4. الرز
طبعاً بيتاكل بالشوكة أوعي إيدك تنمد ع المعلقة... وتغرفي من طبق الرز وتعبي.. إوعــــي.. الرز بالشوكة.. وكأنك بتبوسيه بوس ... مو بتاكليه..5. المعكرونة الاسباجتي.. كمان بالشوكة.. بتنلف على طرف الشوكة.. لحد ما تخلص وبعدين بتحطيها ف تمك عالسكت.. مو تشفطي المعكرونة عود عود...
6. السمك
هاد مشكلة.. شوفي... بتفصلي اللحم عن الشوك
كيف؟؟
بتقطعي اللحم من النص.. بالطول وبعدين بتفردي اللحم ع الجانبين ولما تخلصي ناحية.. ما تقلبي السمكة.. بلا فضايح.. شيلي السلسلة بالشوكة والسكينة وحطيها جنب الصحن وكملي أكل النص التاني..
وبدل الفيلم الهندي هاد.. نصيحة.. ما تاكلي السمك أبداً.. قولي مابحب السمك ونفدي حالك..
7. الجمبري
- إذا كنتي بتعرفيه -...أول ماطبق الجمبري بينزل.. إتطلعي عليه بقرف واحتقار شديدين..
قال يعني قرفانة من كتر أكل الجمبري الجامبو ف بيت باباكي..
وأتنهدي بقوة وقولي.. كمااااان..؟؟؟
وبتروحي قاطعة راس الجمبريياية بالشوكة..
أنا ف عرضك إنسي المصمصة هلأ..
8. البطاطا سواء مسلوقة أو مقلية .. أوعي تهرسيها وترميها ع الرز وإلا؟؟
بالشوكة قطعة قطعة وإنت متل ما تكوني راح تبكي من كتر ما البطاطا صعبانة عليكي...
9. الفاكهة.. لو الفاكهة فيها بذر
طلعيه من تمك على مهل وحطيه ف إيدك وهي مسكرة.. وبعدين في طفاية السجاير اللي على الطاولة.. أوعي ياحبيبتي تعمليلي نظام التفتفة للبذر.. إنســــــــــي.....
10. ولما تخلصي أكل .. بتحطي إيدك على بطنك - اللي عصافيرها عم تزقزق من العيّنات والنماذج اللي أكلتيها -.. وبتقوليله مو معقول!!!
أنا عمري ما انفجعت هيك.. أنا قدامي أسبوع.. ما راح آكل فيه.....
وبعدين بتمسكي الفوطة اللي دايمًا موجودة ع الطاولة من غير لزوم.. وبتبوسيها.. قال يعني بتمسحي تمك..
وبعدين بتستأذني منه لدخول التواليت
لإصلاح ماكياجك
وبتدخلي التواليت وبتطلعي من الشنطة تبعيتك.. سندويشة الفلافل اللي جايبتيها معك 
وبالهنا والشفااااااااااااا سبحان الله وبحمده عددخلقه ورضا نفسه وزنه عرشه ومداد كلماته ...