اليوم..سويت اشعة الصبغة للمره الثانية

السلام عليكم ورحمة الله وبركاته

اخواتي الغاليات اليوم كان عندي موعد بالمستشفى سويت اشعة الصبغه للمره الثانية :09:

المره الأولى كانت في مركز العرب (خاص) وقالو لي ان الأنابيب عندي مسكره الأثنين وصار لي ثلاث سنوات اتعالج انابيب على اساس ان الأنابيب مسكره سويت 3 محاولات وكلها مانجحت:(

بعد ماقلت للدكتور ان زوجي يقول خلاص لاتسوين انابيب :icon33:حولني مره ثانية وطلب مني اسوي اشعة الصبغه في مستشفى النساء والولادة (حكومي) وكان موعدي عندهم اليوم

بعد ماخلصت الدكتورة وسوت لي الصبغه كانت تكلم النيرس وهي فرحانه وتقول اوكي اتز قود فرحت وحمدت ربي وقلت اكيد السدد راااااااااااح وأنا قاعده في السياره والأنتظار واول مانمت على السرير استغفر وأدعي ربي سألتها والدكتوره كانت مصريه وشكلها عجوووووووز ومبروكه....

سألتها هاه يادكتوره مفتوحه والا مسكره قالت لي مفتوحه شوي بس شوفي الصبغه ماأنتشرت في الرحم كله لأن عندك التصاقات !!!!!!!!!!!!

قلت لها التصاقات في الرحم قالت لا في الأنبوب والرحم سليم والحمد لله

سألتها هل ممكن يكون فيه حمل بأذن الله مع وجود الألتصاقات قالت الدكتور بيقول لك خذي موعد عند الدكتور وهو بيقول لك كل شي بس انتي احمدي ربك عندك اولاد غيرك يجيهم مع بداية زواجهم وماعندهم أولاد

اللهم لك الحمد كما ينبغي لجلال وجهك وعظيم سلطانك ...اللهم احفظ لي أولادي وبلغني فيهم واجعلهم من عبادك الصالحين وأرزقني لهم أخوة وأخوات اللهم إنك تعلم كم تتفطر قلوبنا على وجود طفل يغير حياتنا ويدخل البهجة عليها

اللهم لاتحرمنا فضلك وكرمك ياأرحم الراحمين