السلام عليكم حوائيات كيف الصحه والاحوال أن شاءالله بخير ,أني أختكم العراقيه شموسه حابه أحجيلكم شصار اليوم وتنطوني وجهات نظركم:اليوم رحت أسوي حجامه الصبح لانه عندي كيس على المبيض عموما صديقه العائله هي ألي تسوي الحجامه وصديقه والدتي المقربه هيه هذه المره تكبرني 20 سنه وعمرها 46 وأني كلش أحبها وهي هم تحبني تعاملني مثل بنتها لانه بنتها بعمري بس متزوجه ومسافره خارج العراق مهم هيه تزوجت زوجها عن حب وبعدين وره سنوات تزوج عليها زوجه ثانيه وهي كانت تحجي كلشي لوالدتي عن مشاكلها وكانت والدتي تساعدها دائما معنويا وتدعمها وأحنا كلش نحبها نزورها وتزورنا مهم اليوم رحنا يمها علمود الحجامه وكنت أني طالعه كلش حلوه كان تشاقيني وتكولي شكد طالعه حلوه وشكد محلوه هسه لو زوجي يشوفج يزوج الثالثه وضحكت وأني هم ضحكت لانه اعرف هذا مزاح
ورا مخلصنا شويه تعبت وانخفض ظغطي أتمددت مغمضه عيوني ,هيه والدتي كاعدين أسولفون كالت لوالدتي ليش منطلع هذا الاسبوع نتغدى فد مكان فكالت ماما اي ليش لا أني عازمتكم انتي وزوجج فصفنت كالت لازم أسأل زوجي بس بنتج راح تيجي المقصوده اني فوالدتي كالت طبعا ,جان تكول موأني أخاف.... يله عود أتصل بيكم أني كنت دا أسمع الحجي ,تألمت كلش تقصد تخاف على زوجها مني بس والدتي محست وراها اني صرت زينه وطلعنا والله بنات دموعي على خدي طول اليوم معقوله ليش هيجي هاي الدنيا صارت؟عود هاي الصديقه المقربه الي علاقتنا بيها من سنوات ؟والله مهمومه أني اذا متزوجت يظلون المتزوجات يخافون مني شنو ذنبي اذا اني كنت جذابه وحلوه ,بس نصيبي بعد مجاني والله الدنيا ضاقت بيه أنعدمت الثقه والمحبه كلششششششششششششششش متألمه ومصدومه:44::44:
شموسه84 @shmosh84
عضوة نشيطة
يلزم عليك تسجيل الدخول أولًا لكتابة تعليق.
الله يرزقك ياارب
ولاتهتمي لكلامهم
وخلك واثقه من نفسك
ياافديتك انا *_* احب البنوتات العراقين وكلامهم يخبل *_*
ولاتهتمي لكلامهم
وخلك واثقه من نفسك
ياافديتك انا *_* احب البنوتات العراقين وكلامهم يخبل *_*
شموسه84
•
حبيبتي عبير والله أني محجبه ولبسي محترم وأتقي الله دائما بكل صغيره وكبيره وبعدين هيه بنفسها جابتلي أكثر من مره عريس بس والدتي موافقت عليهم
الصفحة الأخيرة
استغفر الله الحي القيوم الذي لا اله الى هو واتوب اليه
استغفر الله الحي القيوم الذي لا اله الى هو واتوب اليه