الله يهدكي
هذولا احباب الله
الله المستعان

عاقبته اكثر من مره مانفع يرجع يعيد نفس الحركه ويضحك
ليش تسكتي على هذا التصرف كان ضربتيه من زمان بشزيش

الله يهديك..والله الضرب مافيه فايده عاقبيه باي شئ احرميه من الخروج وقفيه دقايق او احرميه من لعبه اومصروف ..يااختي كلكم راعي كلكم مسؤؤل عن رعيته ..
زوجي الله يسامحه كان يضرب ولدي الكبير من صغره ضرب مبرح الان شخصيته مهزوزه ويكره ابوه ..
الطفل مثل الصفحة البيضاء فكتبي فيها ماتحبي ان تقرائيه..

حبيبي هدي نفسك وصلي ركعتين واستغفري
الانسان يفقد اعصابه كثير وانا وربي حاسه بكلامك وباحساسك جداااااا لاني قد مريت بنفس الموقف
انا مو متزوجه بس اكبر خواتي وانا تقريبا الكلمه لي بالبيت عليهم حتى يوم يبون شي ابوي وامي يقولون لهم
استأذنو اختكم .. والله ابدااا مااضرب بس مره اخوي 4 سنين نفس عمر ولدك استفززني ومارضي يسمع الكلام
مره واثنين وثلاث اخر شي مااعرف كيف قمت وضربته ع ايده بس والله اصابعي علمت وهو فحر بكى قلبي موتني
عليه ومن طلعت غرفتي بكيت يعني كيف الشي الصغير المسكين الي لا حول له ولا قوه اسوي فيه كذا
نزلت راضيته وبسته وخذيته السوبر وشريتله كل شي وفهمته معليش انا ضربتك عشان انت سويت كذا وكذا وكذا
والفن وسبعمية وعشرين مره سالته انت زعلان يقول لا وهو فمه مليان حلويات ياااارب يخليه صح جلس ضميري يأنبني حتى
بعد مامر الموضوع بس تصدقي الموقف ذا فادني في شي واحد كل مااعصب وافقد اعصابي اتذكر احساسي اقوم اهدا ع طول
يعني خلاني ماعاد اضربه ابد .. الله يحنن قلوبنا ياستي ويدينا الصبر .. بس خلاص حبيبي امانه لاتزعلي نفسك ويعيش ويكبر ****الله وينسى

الحرمان افضل طريقة للتاديب ونتائجها اقوى
اولادي اكبرهم 15 سنة اذا غلط ينحرم من الرحلات ومن لعب الكورة بالشارع واصغر اطفالي عمرها 6 سنوات اذا غلطت تنحرم من الحلويات والشيبسات بالعصر .. كل حسب عمره

وبالنسبة لولدك صغير وراح ينسى ان شاء الله جيبيله لعبة ولاعاد تذكريه باللي صار وكثري من حضنه واذا غلط عاقبيه بالحرمان او الهجر <<<<<< يعني لاتكلميه وبيني له انه غلطان