اليوم الجمعه9/6 توني جايه من عند البنت ( اللي صحيت اثناء العمليه القيصريه ) تفضلواااا

- حبيبات قلبي كلكم...بدون استثناء لكم سلام خاص من اهل البنت ومن امها خاصه والله انها دعت لكل حامل تقوم بالسلامه ..وقالت ابلغكم السلام كلكم جزاكم الله الف خير...كنت قلت لكم اني باروح امس الخميس للبنت بس ماقدرنا وتوني جايه قلت ابلغكم لانه فيه من ينتظر ..وراح ابلغكم بامانه اللي شفته..

- طبعا البنت مانزلت على طول كانت مره اخوها وامها وخواتها قاعدين ..قالوا بنتها الاولى تتذكرها واهلها وخواتهاوزوجها يعني تتذكر التفاصيل اللي قبل حملها بالبيبي الصغير( فديته عمره 3 شهور ) لكن ماتتذكرالبيبي:( مع الاسف ولاتتذكر انها حملت اصلا ..وحبيبي فديته ترضعه مره اخوها واختها اللي تهتم فيه ..لوشفتوة يابنات تبارك الرحمن ماشاء الله يطير العقل من جماله وضحكته ربي يحفظه..

- المهم نزلت لنا حبيبتي تقطع القلب تمشي بشكل بطيء وايد سلمت علينا عادي وعرفتني سمت اسمي بدون محد يقول لها ويوم امي قالت لها شوفي ابنك كيف يضحك ماكان في رده فعل كانه مش ابنها ...تقول امها تمر عليها اوقات تظل تبكي بدون سبب وترفض تتحرك من مكانها وتقول البارحه مسهرتها لحد 6 الصبح مانامت .. بأختصار يابنات ..الذاكره القديمه والحاليه موجوده يعني الفتره هذي ماتنسى لكن الذاكره القديمه اللي هي فتره حملها والولاده والبيبي ماتتذكر اي شي..وعندها موعد بلندن بعد 6 شهور..والله كريم

- انا مش معور قلبي غير البيبي فديت ضحكته وروحه تخيلوا انولد وكنه يتيم ( اسم الله عليه وعلى امه) لاترضعه ولاتدري فيه يتنقل من حضن لحضن مابين جدته وخواته ومرة خاله..الله يلطف بحالهم...

- اخيرا شكر لكل من سال عن البنت والله امها وصلتني السلام لكم كلكم .. واسمحوا لي اشكر المشرفات وكل من ساهم من الاخوات دون استثناء بتنسيق الموضوع وحط الروابط لاني ماكنت اعرف وشكر خاص لاختي...
( الراجيه رحمه ربها ) على وضع الروابط بالتسلسل جزاك الله الف خير...


شكرااااااااااااااااااا لكم جميعاااااااااااااا ...وجزاكم الله الف الف الف الف خير...

اختكم ...حنان