السلام عليكم
اليوم الله يسلمكم رحت لمجمع سلام مول انا وعيالي تسوقت شوي ورحنا نتعشى تحت جلسنا على الطاولات اللي عند المطاعم وتعشينا والحمدلله
وبعدين جلس قدامنا زوج وزوجته وولدهم تقريبا عمره 4 سنوات
والرجال ماشاء الله الكشره من الاذن للاذن وسواليف وهو وزوجته ولا رفع عينه في احد وصاير قمة الادب تعشوا وقامت زوجته اخذت العربيه حقت ولدها وراحت يمكن راحت تتسوق خلت الولد مع ابوه
فجأه صارت عيونه كذا :unsure: على الحريم طاحت على وحده الظاهر كانت مركزه عليه ونظرات بينهم وحركات
بعدين قام يهز راسه لها يعني قومي
قامت خلى ولده على الطاوله ولحقها
انا وجهي صاير كذا كأني مصفوعه :ohmy:
لصق فيها ومشى جنبها والظاهر عطاها الرقم رجع وهو متشقق من الفرحه اخذ ولده وراح
رجعت الله لايوفقها وجلست جنب صديقتها - كانو ثنتين - قعدت اطالع فيها ولا ادري وش اسوي
انا قلت لعيالي يالله مشينا والله احس بنكد على طول كذا بالساهل تعرفوا على بعض
والله ان زوجته نعومه وبيضاء ماشاء الله احلى من اللي تعرف عليها
وقلت في نفسي والله لو اشوفها في طريقي وانا طالعه ابعلمها واللي يصير يصير بس ماشفتهم :icon33:
ياحرييييييييييييييييييييم انتبهوا لازواجكم
ولا تخلونهم جالسين مع عيالكم وتروحون تتسوقون تتتسوقون سوا وتتعشون سوا
واللي عين زوجها زايغه لاتجيبه للسوق ابداااا تسوقي انتي وخواتك ياوخيتي
الله يستر علينا يارب
اميره بحيره @amyrh_bhyrh
محررة ذهبية
يلزم عليك تسجيل الدخول أولًا لكتابة تعليق.
z9999z
•
حسبي الله ونعم الوكييييييييييييييييييل
ياليتك علمتي حرمته من باب الحرص عليها وعلى اساس انها هي اللي شافت
بس يالله يمكن خير لها انها ماتدري
بس يالله يمكن خير لها انها ماتدري
z9999z :
حسبي الله ونعم الوكييييييييييييييييييلحسبي الله ونعم الوكييييييييييييييييييل
الله المستعان
ولا حول ولا قوة إلا بالله
:(
ولا حول ولا قوة إلا بالله
:(
الصفحة الأخيرة