اليوم الدكتور فشلني .....قدام زوجي

السلام عليكم ورحمة الله وبركاته
القصه الله يسلمكم ان عندي بنتين الكبيره سنتين ونص ومن يوم جبتها كل ما قابلت احد الى الان ليه بنتك نحيفه
والله يابنات اني تعبت نفسيا
ماقصرت كل صنف اسويه حتى رضعة الليل الى الان ماقطعتها
الان بدت يوم كبرت تاكل من اكلنا بدت تتحسن
المشكله اللحين في اختها نفس الشي عمرها خمس شهور واسبوعين رحت للدكتور وقال وزنها مع الملابس 5 كيلو ليه؟؟؟؟؟؟؟وزنها عند الولاده 3كيلو
قهرني والله يابنات اني ام حريصه لدرجة ما فيه كتاب عن التغذيه الا شريته مافيه نوع من اكل الاطفال اللي في سنها الا شريته مافيه وصفه الا طبقتها
تدرون زوجي يوم طلعنا قال انتي ما تهتمين ببناتك ...صدمني وبكيت من القهروهو يشوفني اني ما اقصر
ماادري وين الخطأ
هذي طريقتي معاها الساعه 12 سيريلاك الرز اربع ملاعق كبيره وغصب
والساعه 3 العصر تاخذ 90 مل حليب واذا غصبتها ترجع
الساعه 6 رضعة حليب يمكن تاخذ 100 مل
الساعه 9 خضار مهروسه 2 ملعقه كبيره وغصب
الساعه 12 رضعه 120 مل واذا عطيتها قبل تقعد طول الليل منغثثه
والفجر رضعه والصبح رضعه
بنات والله اني مهومه من كلام زوجي وطبعا نفس الكلام يقولونه الناس وهو يسمع
ساعدوني الله يفرج همكم ويصلح لكم اولادكم
كيف طريقتي ودلوني على الحل تعبت تعبت :44::44: الله يخليكم اكتبوا لي بالتفصيل الممل